Xa Daniyɛ́li 9:1-19 bá mɔ nǔ e wú nǔkplɔ́nkplɔ́n kpó kanɖódónǔwú kpó ɖo tají é.

Gbějé nǔ ɖěɖěe lɛ́ lɛ̌ dó wěmafɔ ɔ lɛ́ é kpɔ́n. Étɛ́ lɛ́ ka jɛ bɔ é ma lín ǎ? Nɛ̌ yě ka wa nǔ dó Daniyɛ́li wú gbɔn? (Dan. 5:29–6:6) Ényí hwi wɛ nyí Daniyɛ́li ɔ, nɛ̌ nǔ ka ná ko cí nú we?

Ba do nú nǔ d’é jí. “Wěma mímɛ́” tɛ́ lɛ́ Daniyɛ́li ka ná ko xa? (Dan. 9:2; w23.08 wěx. 4 akpá. 7) Étɛ́wú Daniyɛ́li ka ɖɔ hwɛ e é kpó togun ɔ kpó hu lɛ́ é nú Mawu? (Lev. 26:39-42; 1 Axɔ́. 8:46-50; dp-EG 182-184) Nɛ̌ ɖɛ Daniyɛ́li tɔn ka xlɛ́ ɖɔ é nɔ kplɔ́n Xó Mawu tɔn kpó kanɖódónǔwú kpó gbɔn?—Dan. 9:11-13.

Ba nǔkplɔ́nmɛ lɛ́. Kanbyɔ́ hwiɖée ɖɔ:

• ‘Nɛ̌ un ka sixú wa nǔ gbɔn bɔ nǔ e ɖo jijɛ wɛ ɖo gbɛ ɔ mɛ lɛ́ é ma ná fɛ́ ayi ce ǎ?’ (Micée 7:7)

• ‘Ényí un nɔ kplɔ́n Xó Mawu tɔn kpó kanɖódónǔwú kpó Daniyɛ́li ɖɔhun ɔ, nɛ̌ un ka ná ɖu le tɔn gbɔn?’ (w04-EG 1/8 12 akpá. 17)

• ‘Nǔkplɔ́nkplɔ́n mɛɖésúnɔ tɔn sín xóta tɛ́ lɛ́ ka ná d’alɔ mì bɔ un ná nɔ “nɔ acéjí”?’ (Mat. 24:42, 44; w12-EG 15/8 5 akpá. 7-8)