Eǒ. Mǐ nɔ ɖɔ Mawuxó sín hɔn ɖé kɔn jɛ hɔn ɖé kɔn hwɛhwɛ, loɔ, mǐ ka ɖi nǔ ɖɔ azɔ̌ enɛ wiwa jɛn na hwlɛn mǐ gán ǎ. (Efɛzinu lɛ 2:8) Etɛwu?

 Mǐ ni ɖɔ ɖɔ nya jlǒ ɖagbenɔ ɖé ɖɔ mɛ bǐ ni wá kpé emi ɖò fí ɖé ɖò azǎn ɖé jí, bo ka d’akpá ɖɔ emi na d’ajɔ axivɛ́nú ɖé mɛ e na wá lɛ é bǐ. Enyi a ganjɛ akpá e nya ɔ dó é wu dóo ɔ, a ka na xwedó alixlɛ́mɛ tɔn lɛ à? É ɖò wɛn ɖɔ a na wà mɔ̌. A na lɛ́ ɖibla jla xɔ́ntɔn towe lɛ kpo mɛ towe lɛ kpo bonu ye lɔ na dó sixu mɔ ajɔ enɛ. É ɖò mɔ̌ có, fí e nya ɔ ɖɔ é yiyi ɖò azǎn ɔ kpo gǎn ɔ mɛ kpo jí wɛ na zɔ́n bɔ a na mɔ ajɔ ɔ ǎ, loɔ, nya ɔ ɖó jlǒ bo na d’ajɔ we wɛ zɔ́n.

 Mɔ̌ ɖokpo ɔ Kúnnuɖetɔ́ Jehovah tɔn lɛ ɖi nǔ ɖɔ Mawu dó gbɛ̀ mavɔmavɔ sín akpá nú mɛ e nɔ setónú n’i lɛ é bǐ. (Hlɔmanu lɛ 6:23) Mǐ nɔ dó gǎn bo nɔ jla nǔ e mǐ ɖi nǔ na lɛ é mɛ ɖevo lɛ, lobo nɔ ɖó nukún ɖɔ ye lɔ na ɖu akpá Mawu tɔn lɛ sín lè. Amɔ̌, mǐ ɖi nǔ ɖɔ sinsɛnzɔ́ mǐtɔn wiwa jɛn na zɔ́n bɔ mǐ na mɔ hwlɛngán ǎ. (Hlɔmanu lɛ 1:17; 3:28) Nú è na ɖɔ xó jɔ xó ɔ, gbɛtɔ́ ɖebǔ sixu wà nǔ ɖě kaka bo jɛxa nyɔnu Mawu tɔn aditi enɛ ǎ. “É hwlɛn mǐ gán, é ka nyí ɖɔ mǐ wà nǔ jlɔjlɔ wutu wɛ é hwlɛn mǐ gán ǎ; loɔ, nǔ mǐtɔn wɛ blawǔ n’i.”—Titu 3:5.