Proverbios 9:1-18
9 Ku̱ma̱ rí gajkhun niʼni goʼwóo,niʼni* mbá juwan columnas ndrígóo guʼwá.
2 Niʼni mújúunʼ xuwiʼ,*nigándawo̱o̱ʼ* vino,ga̱jma̱a̱ nitsiji mesa.
3 Nikuʼmiin gu̱ʼu̱ bi̱ numbayíímu matsimún gúthi xígú náa rí itháán mitsídánʼ dí rígá náa xuajin:+
4 “¡Asndu tsáá bi̱ tséjmañuu, ga̱ʼkha̱ gi̱i̱!”.
Ku̱ma̱ rí gajkhun naʼthúún bi̱ nda̱a̱ a̱jkiu̱ún:
5 “Aguwaʼla gúphu pan dí ni̱ni̱ga̱jma̱a̱ guwa̱a̱nla vino dí nigandáwóoʼ.
6 Guniʼñááʼ rani̱ndxala xa̱bu̱ skágunʼ ga̱jma̱a̱ gakuwáanʼla,+guniʼñááʼ dí nakrua̱ʼa̱la maxnála ikha náa muʼguala”.+
7 Bi̱ naxprígúu xa̱bu̱ bi̱ natsíjma, ikha̱á má gáʼni rí magajnúu gamajkuu+ga̱jma̱a̱ bi̱ naxprígúu xa̱bu̱ ra̱májáanʼ, ikha̱á má gáʼni gawúminaʼ.
8 Xátaxpríguíí xa̱bu̱ bi̱ natsíjma, numuu rí mawi̱yu̱u̱ʼ kaʼyaaʼ.+
Ataxpríguíí xa̱bu̱ bi̱ najmañuu, ikhaa maʼndoo kaʼyaaʼ.+
9 Araxnáá ikha mbáa xa̱bu̱ bi̱ najmañuu, ga̱jma̱a̱ majmañuu itháan.+
Arasngáá mbáa xa̱bu̱ májáanʼ, ga̱jma̱a̱ mbajoo rí najmañuu.
10 Rí mamiñáanʼ xtayáá Jeobá ikhú nagi̱ʼdu̱u̱ naraʼdáá ku̱ma̱,+ga̱jma̱a̱ ku̱ma̱ rí na̱ʼkha̱ náa bi̱ phú Mikaʼwii+ naʼni dí makrua̱ʼa̱a̱ʼ.
11 Núma̱aʼ má ga̱jma̱a̱ numuʼ ikhúún, ma̱ndoo maraxtaa mba̱yu̱u̱ʼ mbiʼi+ga̱jma̱a̱ maraxtaa mba̱yu̱u̱ʼ tsiguʼ.
12 Á mu nanindxa̱a̱ʼ mbáa xa̱bu̱ bi̱ najmañuu, ikháán má gámbáyáaʼ rúʼko̱,á mu nindxa̱a̱ʼ mbáa xa̱bu̱ bi̱ natsíjma, i̱ndó má ikháán gátamíníiʼ ga̱jma̱a̱ numuu rí natani̱.
13 A̱ʼgu̱ bi̱ tséndxa̱ʼóo májánʼ edxu̱u̱ ra̱ʼkhá tháán eʼthí.+
Nindxu̱u̱ mbáa a̱ʼgú skágunʼ bi̱ nda̱a̱ rí eʼyoo.
14 Nagi̱ʼi̱ náa riejuun goʼwóo,náa mbá xílí náa rí itháan mitsídánʼ dí rígá náa xuajin,+
15 xígú eʼthúún bi̱ nanújngúún ikhí,bi̱ nagún mbájmbu náa kambu̱ún:
16 “¡Asndu tsáá bi̱ tséjmañuu, ga̱ʼkha̱ gi̱i̱!”.
A̱ʼgu̱ bi̱ tséndxa̱ʼóo májánʼ edxu̱u̱ naʼthúún bi̱ nda̱a̱ a̱jkiu̱ún:+
17 “Iyaʼ rí naguma kúwáʼ, mitaunga̱jma̱a̱ pan rí miʼtsu ngu̱ʼwa̱á, miʼtsí”.+
18 Mú ikhiin na̱nguá eyáá rí náa goʼwóo gajchún bi̱ nikháñún,ga̱jma̱a̱ bi̱ nindxaʼwún magún gajchún náa Iñá wajinʼ.*+
