Proverbios 18:1-24
-
Bi̱ naríyaminaʼ mbáwíí naʼni i̱ndó rí nandoo ikhaa ga̱jma̱a̱ nindxu̱u̱ xa̱bu̱ skágunʼ (1)
-
“Mbiʼyuu Jeobá nindxu̱u̱ xóo mbá torre dí wíji̱ gújkhúʼ” (10)
-
Rí gíʼdoo mbáa xa̱bu̱ naku̱mu̱u̱ rí mañewu̱u̱n (11)
-
Najmañuu xa̱bu̱ bi̱ naʼdxawún mbá nájmi̱i̱n bi̱ nuthi (17)
-
Bi̱ nambájxáaʼ ga̱jma̱a̱ʼ bi̱ itháán nandoo kaʼyaaʼ, ki xóo mbáa ndxájuaaʼ (24)
18 Bi̱ naríyaminaʼ mbáwíí, naʼni i̱ndó rí nandoo ikhaa,tsíyoo majmañuu.
2 Mbáa xa̱bu̱ bi̱ tséndxaʼwáminaʼ májánʼ, tsíyoo makro̱ʼo̱o̱ nimbá,itháan má nandoo maʼthí rí gíwánʼ náa a̱jkiu̱u̱n.+
3 Índo̱ mbáa naʼni dí ra̱májánʼ, tséyamajkuíí,ga̱jma̱a̱ índo̱ mbáa ragíʼdoo gamajkuu, naguma májti̱i̱ʼ.+
4 Ajngáa rí naʼthí mbáa xa̱bu̱ nindxu̱u̱ xóo iyaʼ rí mi̱jnu̱ʼ,+
náa na̱ʼkha̱ ku̱ma̱ nindxu̱u̱ xóo mañu rí na̱jkha̱ kúʼúun má xúʼko̱.
5 Raʼkhí dí matraʼwíí matani̱i̱ dí májánʼ xa̱bu̱ ra̱májáanʼ,+ni má rí xátani̱i̱ rí májánʼ xa̱bu̱ májáanʼ.+
6 Ajngáa rí naʼthí mbáa xa̱bu̱ bi̱ tséndxaʼwáminaʼ májánʼ, naʼni rí magi̱ʼdu̱u̱n,+ga̱jma̱a̱ numuu rí xóo naʼthí naʼni dí maʼndún muxnáá.+
7 Xa̱bu̱ bi̱ tséndxaʼwáminaʼ májánʼ, rawuunʼ má naʼni rí magíʼnuu gamiéjunʼ,+ga̱jma̱a̱ rí naʼthí naʼni rí gamíi makhañúu.*
8 Ajngóo mbáa xa̱bu̱ bi̱ naʼthí dí raʼkhí ga̱jma̱a̱ numún eʼwíinʼ nindxu̱u̱ xóo ganitsu rí miʼtsí,+rí naʼphu̱, ga̱jma̱a̱ najngúun mbájmbu̱ú náa awúún.+
9 Bi̱ naskoo gáʼni ñajunʼ ndrígóo,nindxu̱u̱ xóo ndxájuu bi̱ naʼni gámbáa.+
10 Mbiʼyuu Jeobá nindxu̱u̱ xóo mbá torre dí wíji̱ gújkhúʼ.+
Xa̱bu̱ májáanʼ nagáyúu na̱jkha̱ ikhí ga̱jma̱a̱ naguma kríya̱a̱ʼ.*+
11 Rí gíʼdoo mbáa xa̱bu̱ nindxu̱u̱ xóo mbá xuajin dí kúgumaʼá,índo̱ nandxa̱ʼwa̱mínáʼ náa rí gíʼdoo na̱jkha̱nú ndaʼyoo xóo xtájtsí dí nañewu̱u̱n.+
12 Dí naʼnimbamínáʼ mbáa xa̱bu̱ maʼga kayáa magíʼnuu dí ra̱májánʼ,+ga̱jma̱a̱ mu mbáa magruigú gamajkhu, ginii ndayóoʼ mani̱ndxu̱u̱ xa̱bu̱ wabaaʼ.+
13 Índo̱ mbáa nariʼña nákha xóó tséʼdxawun dí nirígá,nasngájma rí nindxu̱u̱ mbáa skágunʼ ga̱jma̱a̱ naríyaʼ gamajkuu.+
14 Mbáa xa̱bu̱ bi̱ gakhi̱i̱ a̱jkiu̱u̱n maʼngo̱o̱ maʼni ga̱jma̱a̱ nandii,+mú tsáá gáʼngo̱o̱ maʼni ga̱jma̱a̱ dí maʼni makáwabaaʼ rá.+
15 Xa̱bu̱ bi̱ nakro̱ʼo̱o̱ na̱jkha̱nú nagiʼdoo ku̱ma̱,+ga̱jma̱a̱ xa̱bu̱ bi̱ najmañuu naʼdxawuun mu maʼga̱nú magiʼdoo ku̱ma̱.
16 Regalo dí naxná mbáa xa̱bu̱ narmbáʼtoo mbaʼa xkrugua+rí naniñuuʼ maʼga kanuu náa xa̱bu̱ bi̱ guáʼdáá numún.
17 Timbáa bi̱ na̱jkha̱ gákrui̱ga̱ xóo gajkhun dí naʼthí kujmaa,+asndu índo̱ na̱ʼkha̱ i̱mba̱a̱ bi̱ narajxu̱u̱ mu mbaʼyoo á mu gajkhun dí naʼthí.+
18 Dí nagájnuu suerte* naʼni dí mambáa xkujndu,+ga̱jma̱a̱ naʼnimbánuu* xkujndu dí guáʼdáá bi̱ guáʼdamijná sia̱nʼ.
19 Itháan má gakhi̱i̱ matani̱ maʼni̱i̱ a̱jkiu̱u̱n ndxájuaaʼ bi̱ nitani̱ gawíínʼ ki xóo dí mata̱ʼa̱a̱ʼ náa mbá xuajin dí kúgumaʼá,+ga̱jma̱a̱ rígá xkujndu dí nindxu̱u̱ xóo xkrugoo xuajin rí kúgumaʼá.+
20 Dí naʼthí mbáa xa̱bu̱, nindxu̱u̱ xóo ganitsu dí naʼni maʼni jxa̱ʼ awúu̱n,+maʼdxuu má ikhaa ga̱jma̱a̱ numuu rí naʼthí.
21 Tsiaki̱i̱ dí gíʼdoo raju̱u̱n xa̱bu̱ ma̱ndoo maʼni dí maxtáa o makhañúu,+bi̱ nanigu̱u̱nʼ majmúún raju̱ún maguáʼníí xó má ajngáa rí nuthi.+
22 Bi̱ naxkamaa mbáa a̱ʼgu̱ májáanʼ mu maʼni a̱ʼgiu̱u̱, naxkamaa mbá rí gíʼdoo numuu,+ga̱jma̱a̱ Jeobá maʼndoo kaʼyoo.+
23 Xa̱bu̱ ngínáa naʼtákáñuu xa̱bu̱ bi̱ gíʼdoo rí mambáyúu,mú ikhaa mijkoo eriʼñuu.
24 Kúwá bi̱ nambájxu̱u̱n bi̱ kúwá xawii munimíjna̱ dí raʼkhí,+mú kúwíin bi̱ nandún kuñún bi̱ nambájxu̱u̱n gajmiún itháan ki xóo a̱ngiu̱ún.+
