Proverbios 19:1-29

  • “Xa̱bu̱ bi̱ nandxa̱ʼóo májánʼ edxu̱u̱ tsékiʼnáa nacha̱” (11)

  • A̱ʼgu̱ bi̱ nanigu̱u̱ʼ maxiéʼkhá má xúʼko̱ nindxu̱u̱ xóo mbá guʼwá dí na̱ʼkho̱o̱ʼ (13)

  • “A̱ʼgu̱ bi̱ nandxa̱ʼóo májánʼ edxu̱u̱ nindxu̱u̱ mbá regalo dí naxná Jeobá” (14)

  • “Ataxpríguíí a̱ʼdiáaʼ nákha xóó nandoo” (18)

  • Atadxawíín consejo, mu xúʼko̱ majmañaaʼ (20)

19  Itháan májánʼ dí mani̱ndxa̱a̱ʼ mbáa xa̱bu̱ ngínáa ga̱jma̱a̱ matani̱ dí májánʼ,*+ki xóo dí mani̱ndxa̱a̱ʼ mbáa xa̱bu̱ skágunʼ ga̱jma̱a̱ matani̱ nduwaʼ.+  2  Raʼkhí nindxu̱u̱ dí mbáa xa̱bu̱ xágiʼdoo ku̱ma̱,+ga̱jma̱a̱ bi̱ tséndxaʼwáminaʼ dí naʼni,* nakudaminaʼ aʼkhá.  3  Ga̱jma̱a̱ numuu dí mbáa xa̱bu̱ nindxu̱u̱ skágui̱i̱nʼ, na̱jkha̱ náa kamba̱a̱ dí ra̱májánʼ,mú nda̱wa̱á xa̱bu̱ buʼko̱ nakásngañu̱u̱ʼ kaʼyoo Jeobá.  4  Xa̱bu̱ bi̱ ra̱ʼkhá tháán guáʼdáá, guáʼdiin mbaʼin bi̱ nambájxu̱u̱n gajmiún,mú xa̱bu̱ ngínáa asndu bi̱ nambájxu̱u̱ ga̱jma̱a̱, naniñuuʼ.+  5  Testigo bi̱ minduwaaʼ mamínuuʼ má tsiaki̱i̱,+ga̱jma̱a̱ bi̱ naʼni nduwaʼ mámbá índo̱ narmbáʼtoo rawuunʼ, xákríya̱a̱ʼ.+  6  Mbaʼin nduyáʼ mambajxúún gajmiún bi̱ gíʼdoo,*ga̱jma̱a̱ mbá xúgíinʼ embájxu̱u̱n gajmiún xa̱bu̱ bi̱ naxná regalo.  7  Á mu dí xa̱bu̱ ngínáa nawiñu̱u̱nʼ kuyáá mbá xúgíinʼ a̱ngui̱i̱n,+¡iwáá lá bi̱ nambájxu̱u̱ gajmíi̱n maʼndún kuyáá xá!+ Ikhaa jngruigo̱o̱ raʼtákháñún dí mumbayíí, mú nimbáa tsériʼñuu.  8  Bi̱ ndayáʼ rí majmañuu* nandoo kaʼyaminaʼ má ikhaa.+ Bi̱ ndaʼyoo dí gíʼdoo numuu mandxa̱ʼóo májánʼ edxu̱u̱, nagájnuu májánʼ rí naʼni.*+  9  Testigo bi̱ minduwaaʼ mamínuuʼ má tsiaki̱i̱,ga̱jma̱a̱ bi̱ naʼni nduwaʼ mámbá índo̱ narmbáʼtoo rawuunʼ, makhañúu.+ 10  Xándoo maxtáa mitsaanʼ mbáa xa̱bu̱ skágunʼ.¡Iwáá lá mbáa ñumbáá ma̱ndoo maʼtáñajúúnʼ príncipes rá!+ 11  Xa̱bu̱ bi̱ nandxa̱ʼóo májánʼ edxu̱u̱ tsékiʼnáa nacha̱,+ga̱jma̱a̱ ra̱ʼkhá tháán mitsaanʼ* dí ikhaa tséʼni caso dí raʼkhí eni̱i̱.+ 12  Dí nakásngañu̱u̱ʼ rey nindxu̱u̱ xóo rí nandxaʼwá mbáa león,*+mú dí xóo nandoo kaʼñún xa̱bu̱ nindxu̱u̱ xóo xuájyaʼ dí kagu̱ náa iná. 13  Ada̱ bi̱ tséndxa̱ʼóo májánʼ edxu̱u̱ naʼni dí magiʼdoo xkujndu anu̱u̱,*+ga̱jma̱a̱ a̱ʼgu̱ bi̱ ninújúnʼ bi̱ nanigu̱u̱ʼ maxiéʼkhá* má xúʼko̱ nindxu̱u̱ xóo mbá guʼwá dí na̱ʼkho̱o̱ʼ.+ 14  Guʼwá ga̱jma̱a̱ i̱ʼwáʼ rí maguáʼdáá nundrigúu náa xabuanii,mú mbáa a̱ʼgu̱ bi̱ nandxa̱ʼóo májánʼ edxu̱u̱ nindxu̱u̱ mbá regalo dí naxná Jeobá.+ 15  Tsiska naʼni rí mi̱nuʼ midu̱u̱,ga̱jma̱a̱ bi̱ naskoo maxkidxu̱u̱.+ 16  Bi̱ naʼnimbánuu kiʼtáñajunʼ, maxtáa,+mú bi̱ tséndxa̱ʼóo májánʼ edxu̱u̱ rí naʼni, makhañúu.+ 17  Bi̱ naʼniuu dí májánʼ xa̱bu̱ bi̱ ndayóoʼ naxná tíʼñuu Jeobá,+ga̱jma̱a̱ ikhaa maʼni numa̱a̱ rúʼko̱.+ 18  Ataxpríguíí a̱ʼdiáaʼ nákha xóó nandoo,+mu xúʼko̱ xáraʼdáá aʼkháanʼ á mu nakháñuu.*+ 19  Xa̱bu̱ bi̱ nakiʼnáa, mamínuuʼ,á mu nataniminaʼ rí matani̱ kríya̱a̱ʼ mu xámínuuʼ, mbaʼyóoʼ dí matani̱ nángi eʼni.+ 20  Atadxawíín consejo ga̱jma̱a̱ atandrígú rí nuxpriguáaʼ,+mu xúʼko̱ nda̱wa̱á majmañaaʼ.+ 21  Rígá mbaʼa awan náa a̱jkiu̱u̱n xa̱bu̱ dí nandoo maʼni,mú rí nandoo* Jeobá, rúʼko̱ nindxu̱u̱ dí marigá.+ 22  Rí naʼni mitsiʼyáa mbáa xa̱bu̱ nindxu̱u̱ dí nandoo kaʼñún eʼwíinʼ,*+ga̱jma̱a̱ itháan má májánʼ dí mani̱ndxa̱a̱ʼ mbáa xa̱bu̱ ngínáa ki xóo dí mani̱ndxa̱a̱ʼ mbáa xa̱bu̱ bi̱ naʼni nduwaʼ. 23  Dí mamiñáanʼ xtayáá Jeobá maʼni dí maraxtaa,+bi̱ gíʼdoo gamíi rígi̱ mi̱gu tsímáá, nda̱a̱ gamíi.+ 24  Bi̱ naskoo nakumááʼ ñawúunʼ náa xua̱a̱ mba̱a̱,mú naskoo gáríya̱a̱ʼ ñawúunʼ mu makudaaʼ mbu̱júu̱ náa rawuunʼ.+ 25  Araxnáá bi̱ natsíjma,+ mu xúʼko̱ bi̱ tséjmañuu maʼga̱nú mandxa̱ʼóo májánʼ edxu̱u̱,+ataxpríguíí bi̱ najmaa nakro̱ʼo̱o̱ ga̱jma̱a̱ xúʼko̱ maʼga̱nú magiʼdoo ku̱ma̱.+ 26  Ada̱ bi̱ naʼni ngínáa anu̱u̱ ga̱jma̱a̱ naxkriya̱a̱ʼ ru̱dúu̱,*naríyaʼ gamajkuu ga̱jma̱a̱ naguma májti̱i̱ʼ.+ 27  A̱ʼdióʼ, á mu natatsíñááʼ ratadxawíín dí nuxpriguáaʼ,matatsiʼñáánʼ ratanimba̱a̱ʼ dí nijuiʼsngáaʼ. 28  Testigo bi̱ nda̱a̱ rí ejmaa, natsíjma índo̱ naguma dí májánʼ,+ga̱jma̱a̱ xa̱bu̱ ra̱májáanʼ nanigu̱u̱ʼ maʼni dí ra̱májánʼ xó má nanigu̱u̱ʼ makuiʼtsu.+ 29  Rígá má xawii dí maʼni mumíniiʼ bi̱ nutsijma,+ga̱jma̱a̱ rígá má xawii xkuíyá dí majuixnáá ga̱jma̱a̱ tsu̱du̱ún bi̱ tséndxa̱ʼwa̱a̱ májánʼ edxu̱ún.+

Mbaʼa nota

^ Náa ajngáa hebreo naʼthí, “majngruiga̱a̱ʼ májánʼ”.
^ Náa ajngáa hebreo naʼthí, “bi̱ nacha̱ ejkha̱ ga̱jma̱a̱ rajkhúu”.
^ O “gíʼdoo numuu”.
^ Náa ajngáa hebreo naʼthí, “naxkamaa rí májánʼ”.
^ O “ndayáʼ maʼni dí májánʼ”. Náa ajngáa hebreo naʼthí, “Bi̱ ndayáʼ magiʼdoo a̱jkiu̱u̱n”.
^ O “nagui̱i̱”.
^ O “león bi̱ gíʼdoo xtátsiu̱u̱n náa aphuu”.
^ O “tátée”.
^ O “maʼthá numa”.
^ O “xáʼndaaʼ rí makhañúu”.
^ O “consejo ndrígóo”.
^ O “nasngájmúún ngajua rí tsétumuu eʼwíinʼ”. Atayáá glosario, ngajua rí tsétumuu.
^ O “nánée”.

Copyrights ndrígóo i̱yi̱i̱ʼ rígi̱