Proverbios 3:1-35
3 A̱ʼdióʼ, xámbumaaʼ dí nasngáa’*ma̱ngaa atanimbáníí ga̱jma̱a̱ xúgíʼ a̱jkia̱a̱nʼ kiʼtáñajunʼ ndrígóʼ,
2 mu xúʼko̱ maraxtaa mba̱yu̱u̱ʼ,ga̱jma̱a̱ tsímáá.+
3 Xátatsiʼñááʼ dí ngajua rí tsétumuu* ma̱ngaa dí gajkhun muniña̱a̱ʼ.+
Atajngrígú náa aphaaʼ,ga̱jma̱a̱ atanirámáʼ náa a̱jkia̱a̱nʼ,+
4 ikhú Dios ga̱jma̱a̱ xa̱bu̱ numbaaʼ,+maʼndún kuyaaʼ ga̱jma̱a̱ ikhiin mbuyáá dí nakrua̱ʼa̱a̱ʼ májánʼ.
5 Gakuma̱a̱ʼ xtayáá Jeobá+ ga̱jma̱a̱ xúgíʼ a̱jkia̱a̱nʼga̱jma̱a̱ xátambáyuminaʼ* i̱ndó náa dí nakrua̱ʼa̱a̱ʼ ikháán,+
6 gármáʼáan a̱jkia̱a̱nʼ xtayáá asndu náá má jngrui̱ga̱a̱ʼ,+ga̱jma̱a̱ ikhaa maʼni jmbu kamba̱a̱ʼ.+
7 Xátatsaʼwamínáʼ dí ra̱ʼkhá tháán ejmañaaʼ,+
gamiñáaʼ xtayáá Jeobá ga̱jma̱a̱ atani̱ tsínguminaʼ náa dí ra̱májánʼ.
8 Rígi̱ mani̱ndxu̱u̱ xóo mbá thana náa xuyaaʼ*ga̱jma̱a̱ mambáyúu maʼni gújkhúʼ itsa̱a̱ʼ.
9 Atani̱ mba̱a̱ Jeobá ga̱jma̱a̱ rí gíʼdoo numuu dí xtaʼdáá,+ma̱ngaa dí itháán májánʼ* dí najma̱a̱ náa natadu,+
10 ikhú xtagaʼwaaʼ majthíí+ga̱jma̱a̱ náa narajxi̱i̱* dí xtaʼdáá asndu magadítígúu vino nuxi̱ʼ.
11 A̱ʼdióʼ, xátani gaʼduunʼ dí naxpríguáaʼ Jeobá+ni má xáwi̱ya̱a̱ʼ gáʼni dí naxpríguáaʼ,+
12 numuu rí Jeobá naxprígún bi̱ nandoo kaʼñún,+xó má eʼni mbáa xa̱bu̱ nikhi̱i̱ ga̱jma̱a̱ a̱ʼdióo bi̱ nandoo kaʼyoo.+
13 Gagi xtáa xa̱bu̱ bi̱ naxkamaa ku̱ma̱+ga̱jma̱a̱ xa̱bu̱ bi̱ na̱jkha̱nú ndaʼyoo ndiéjunʼ nindxu̱u̱ dí májánʼ ga̱jma̱a̱ dí ra̱májánʼ,
14 dí mataʼyáʼ majmañaaʼ nindxu̱u̱ itháan májánʼ ki xóo dí mataʼyáʼ plataga̱jma̱a̱ dí maraʼdáá mu mambáyaaʼ nindxu̱u̱ itháan májánʼ ki xóo maraʼdáá oro.+
15 Itháán má gíʼdoo numuu ikhaa ki xóo itsí coral,*xándoo maguma mbríguíi ga̱jma̱a̱ nimbá dí mbáa nandoo magiʼdoo.
16 Náa ñawún mújúunʼ rí majmañaaʼ rígá dí maraxtaa mba̱yu̱u̱ʼ,ga̱jma̱a̱ náa ñawún xti̱yu̱u̱ʼ mataxkamaa dí ma̱ndoo maraʼdáá ga̱jma̱a̱ dí matandrigú gamajkhu.
17 Kambo̱o̱ naʼni dí maʼdxuu a̱jkia̱a̱nʼga̱jma̱a̱ náa mbá xúgíʼ kambo̱o̱ rígá dí tsímáá.+
18 Dí majmañaaʼ nindxu̱u̱ xóo mbá ixi̱ rí ndaʼya,asndu tsáá bi̱ gágujthun jxa̱ʼ ikhaa ma̱ndoo maxtáa ga̱jma̱a̱ maxtáa gagi.+
19 Jeobá nijmuu dí najmañuu mu magíʼ ku̱ba̱ʼ.+
Ga̱jma̱a̱ nijmuu dí nakro̱ʼo̱o̱ mu maʼni májánʼ mekhu.+
20 Nijmuu dí najmañuu mu maruiʼtáa iyaʼ mi̱jnu̱ʼ,ga̱jma̱a̱ mu maʼni rí mekhu rí kambájthuun magajtaa xuájyaʼ.+
21 A̱ʼdióʼ, xámbumaaʼ xúgíʼ rígi̱.*
Atie̱wa̱a̱n rí najmañaaʼ ga̱jma̱a̱ rí natandxaʼwáá májánʼ edxa̱a̱ʼ:
22 Rúʼko̱ maʼni dí maraxtaaga̱jma̱a̱ mani̱ndxu̱u̱ xóo xábí dí matajngrígú náa aphaaʼ.
23 Ikhú nda̱a̱ gamíi gájngruiga̱a̱ʼ náa kamba̱a̱ʼga̱jma̱a̱ xárígá nimbá dí majngrádáánʼ.+
24 Índo̱ gátaba̱a̱ʼ mi̱nuʼ nditháan’ xámíñáaʼ,+mata̱ba̱a̱ʼ ga̱jma̱a̱ mi̱nuʼ tsímáá.+
25 Xáʼnimíñaaʼ gamíi dí nda̱a̱ tsu̱ma̱ gáʼkha̱nú+ni má gamiéjunʼ dí maguáʼníí xa̱bu̱ ra̱míjíinʼ, dí ma̱ʼkha̱nú xóo mbá giñámbiʼ.+
26 Numuu dí Jeobá má gámbáyáaʼ, ikhaa ma̱ndoo maku̱ma̱a̱ʼ xtayáá,+ga̱jma̱a̱ xániñuuʼ dí rajkuáaʼ majngúun náa tsáʼkhá.+
27 Á mu naʼngo̱o̱ matambáñún eʼwíinʼ,+xátani̱ gaʼduunʼ matambáñún bi̱ nda̱ñúunʼ mixtambáñún.+
28 Xáratha̱a̱n xa̱bu̱ numbaaʼ ga̱jma̱a̱ʼ “¡Ayu̱u̱ʼ! ¡Gájtsíí gídxáʼ! Numuu dí ikhú gáxna̱a̱ʼ”,
á mu naʼngo̱o̱ maraxna̱a̱ xúgi̱, araxnáá.
29 Xátríya̱ʼ awan matani̱ gawíínʼ xa̱bu̱ numbaaʼ ga̱jma̱a̱ʼ,+índo̱ nda̱a̱ gamíi xtáa ga̱jma̱á nindxa̱a̱ʼ.
30 Xágiʼda̱a̱ʼ mbaʼ magi̱ʼda̱áʼ ga̱jma̱a̱ʼ mbáa xa̱bu̱+á mu táʼniaaʼ nimbá dí ra̱májánʼ.+
31 Xáxíguáaʼ xtayáá xa̱bu̱ bi̱ naʼni dí ra̱májánʼ,+ni má xátra̱ʼwi̱i̱ mi̱dxu̱ʼ nimbá kambo̱o̱,
32 numuu dí Jeobá tsíyoo gáʼñúún xa̱bu̱ bi̱ nuni̱ nduwaʼ,+mú nambájxu̱u̱ májánʼ gajmíi̱n xa̱bu̱ bi̱ nuni̱ dí májánʼ.+
33 Jeobá naʼtátsrígú goʼwóo xa̱bu̱ ra̱májáanʼ,+mú naʼni tsajkurámuuʼ guʼwún bi̱ nuni̱ dí májánʼ.+
34 Numuu dí ikhaa natsíjmiin bi̱ nutsijma,+mú nandoo kaʼñún xa̱bu̱ guabiinʼ.+
35 Xa̱bu̱ bi̱ najmañún mudrigúu gamajkhu,mú xa̱bu̱ skágunʼ nuni̱ mba̱a̱ dí nindxu̱u̱ majthi̱ʼ.+
