Proverbios 2:1-22
2 A̱ʼdióʼ, á mu natadxawíín dí natha̱a̱nʼ,ga̱jma̱a̱ narajxi̱i̱ kiʼtáñajunʼ ndrígóʼ xóo dí gíʼdoo numuu,+
2 á mu natagíʼ májánʼ edxa̱a̱ʼ majmañaaʼ+ga̱jma̱a̱ a mu natagíiʼ a̱jkia̱a̱nʼ ma̱ta̱ya̱a̱ ndiéjunʼ nindxu̱u̱ dí májánʼ ga̱jma̱a̱ dí ra̱májánʼ,+
3 ma̱ngaa á mu asndu natandxaʼwá mu makhánáaʼ dí makrua̱ʼa̱a̱ʼ+ga̱jma̱a̱ natandxaʼwá mu matanda̱ʼa̱ ma̱ta̱ya̱a̱ ndiéjunʼ nindxu̱u̱ dí májánʼ ga̱jma̱a̱ dí ra̱májánʼ,+
4 á mu natayáʼ má xúʼko̱ rígi̱ xóo gátaʼyáʼ plata+ga̱jma̱a̱ á mu natayáʼ má xúʼko̱ xóo gátaʼyáʼ dí gíʼdoo numuu dí rígá ngu̱ʼwa̱,+
5 ikhú mi̱dxu̱ʼnú makrua̱ʼa̱a̱ʼ xóo nindxu̱u̱ dí mamiñáanʼ xtayáá Jeobá+ga̱jma̱a̱ mataxkamaa ku̱ma̱ ndrígóo Dios.+
6 Numuu dí Jeobá nindxu̱u̱ bi̱ naʼni majmañaaʼ, náa rawuunʼ nagájnuu ku̱ma̱+ga̱jma̱a̱ dí mambáyáaʼ ma̱ta̱ya̱a̱ ndiéjunʼ nindxu̱u̱ dí májánʼ ga̱jma̱a̱ dí ra̱májánʼ.
7 Náa ikhaa e̱ʼkha̱ dí majmañún bi̱ naguájun jmbu,ikhaa nindxu̱u̱ xóo mbá escudo náa bi̱ raguáʼdáá aʼkhúún.+
8 Ikhaa najngawiin bi̱ nuni̱ dí májánʼga̱jma̱a̱ nañewu̱u̱n bi̱ naguájun jmbu náa ikhaa.+
9 Ikhú ikháán makrua̱ʼa̱a̱ʼ ndiéjunʼ nindxu̱u̱ dí májánʼ,dí jmbu, dí xátra̱ʼwi̱i̱n xa̱bu̱,* ga̱jma̱a̱ xúgíʼ kamba̱a̱ dí nindxu̱u̱ májánʼ.+
10 Índo̱ dí najmañaaʼ gárkawoo náa a̱jkia̱a̱nʼ+ga̱jma̱a̱ índo̱ ku̱ma̱ gáʼga̱nú mani̱ndxu̱u̱ dí maʼni̱i̱ a̱jkia̱a̱nʼ,*+
11 rí najmáán natatsaʼwáminaʼ majngawíín+ga̱jma̱a̱ dí najmáán natayáá ndiéjunʼ nindxu̱u̱ dí májánʼ ga̱jma̱a̱ dí ra̱májánʼ mañewa̱a̱nʼ,
12 maʼni kríña̱a̱nʼ náa kamba̱a̱ dí ra̱májánʼga̱jma̱a̱ maʼni kríña̱a̱nʼ náa xa̱bu̱ bi̱ naʼthí dí ragájkhun,+
13 mañewa̱a̱nʼ náa xa̱bu̱ bi̱ nuniña̱a̱nʼ ragún náa jngruigu̱u̱n bi̱ nuni̱ rí jmbumu magún náa kamba̱a̱ dí mikína,+
14 maʼni kríña̱a̱nʼ náa bi̱ nanigu̱u̱nʼ muni̱ dí ra̱májánʼ,náa bi̱ nadxún eʼni rí nduwaʼ ga̱jma̱a̱ dí raʼkhí,
15 maʼni kríña̱a̱nʼ náa xa̱bu̱ bi̱ nagún náa kamba̱a̱ mixngaaga̱jma̱a̱ bi̱ nagún má xúʼko̱ náa kamba̱a̱ dí nagájnuriyo̱o̱ʼ.
16 Rí majmañaaʼ maʼni kríña̱a̱nʼ náa a̱ʼgu̱ bi̱ naʼni aʼkhá,*ga̱jma̱a̱ maʼni rí xáʼngo̱o̱ gáʼni rajáánʼ a̱ʼgu̱ bi̱ nabóoʼ gajmíi̱n eʼwíinʼ,*+
17 bi̱ naniñuuʼ ajmbio̱o̱* bi̱ ndiyáa nákha nindxu̱u̱ dxáʼgú+ga̱jma̱a̱ nambumuu rí nikudaminaʼ maʼni náa Dios.
18 Numuu rí mi̱dxu̱ʼ náa goʼwóo nindxu̱u̱ xóo dí mi̱dxu̱ʼ makhañáaʼga̱jma̱a̱ kamba̱a̱* dí na̱jkha̱ náa goʼwóo maʼga̱ kañáán náa iñá wajinʼ.+
19 Nimbáa bi̱ nabóoʼ ga̱jma̱a̱* xátanga̱a̱,ni má xátanga̱a̱ maʼga náa kamba̱a̱ rí maʼni maxtáa.+
20 Ikha jngóo ikháán ayuʼ má xúʼko̱ náa kambu̱ún xa̱bu̱ míjíinʼ,ga̱jma̱a̱ ayuʼ má xúʼko̱ náa kambu̱ún bi̱ nuni̱ rí májánʼ.+
21 Numuu rí i̱ndó xa̱bu̱ bi̱ nuni̱ rí májánʼ makuwá náa tsu̱du̱u̱ ku̱ba̱ʼga̱jma̱a̱ i̱ndó bi̱ raguáʼdáá aʼkhúún makuwá ikhí.+
22 Mú xa̱bu̱ ra̱míjíinʼ maguma gámbíin náa tsu̱du̱u̱ ku̱ba̱ʼ+ga̱jma̱a̱ bi̱ tséni rí jmbu maguma gámbíin ikhí.+
Mbaʼa nota
^ O “mbrígu̱ú gátañu̱u̱n xa̱bu̱”.
^ Náa ajngáa hebreo naʼthí, “a̱ʼgu̱ bi̱ na̱ʼkha̱á”. Nakujmaa dí ikhaa tséʼnimbánuu xtángoo ndrígóo Dios.
^ Náa ajngáa hebreo naʼthí, “a̱ʼgu̱ bi̱ na̱ʼkha̱á”. Nakujmaa dí ikhaa tséʼnimbánuu xtángoo ndrígóo Dios.
^ O “jmba̱yi̱i̱”.
^ Náa ajngáa hebreo naʼthí, “kamba̱a̱ dí naʼnu̱u̱”.
^ Náa ajngáa hebreo naʼthí, “bi̱ na̱jkha̱ náa ikhaa”.
