Proverbios 5:1-23
5 A̱ʼdióʼ, atadxawíín májánʼ dí natha̱a̱nʼ mu majmañaaʼ,
atagíʼ edxa̱a̱ʼ* matadxawíín dí nasngáaʼ mu xúʼko̱ ma̱ta̱ya̱a̱ ndiéjunʼ nindxu̱u̱ dí májánʼ ga̱jma̱a̱ dí ra̱májánʼ,+
2 mu xúʼko̱ matiewa̱a̱n rí najmáán natatsaʼwáminaʼma̱ngaa marata̱ dí májánʼ ga̱jma̱a̱ numuu ku̱ma̱.+
3 Numuu dí ajngóo mbáa a̱ʼgu̱ bi̱ naʼni aʼkhá* nindxu̱u̱ xóo jyááʼ dí natsowooʼ náa xtíya,+ga̱jma̱a̱ ajngáa dí naʼthí* nindxu̱u̱ itháan wabaʼ ki xóo aceite.+
4 Mú ikhaa na̱jkha̱nú nanindxu̱u̱ xóo mbá iná miʼkhu̱u̱n*+ga̱jma̱a̱ nindxu̱u̱ xóo espada dí gíʼdoo a̱jma̱ inuu dí narujthíín.+
5 Ikhaa* nagajtaa náa kamba̱a̱ rí maʼga kayáa makhañúu.
Na̱jkha̱ mbájmbu náa Iñá wajinʼ.*
6 Ikhaa tséxmiéjuunʼ maʼga náa kamba̱a̱ dí naʼni makuwá xa̱bu̱.
Mbaʼ jngruigo̱o̱, tséʼyoo náa ejkha̱.
7 Dí xúgi̱ rá e̱ji̱n’, gudxawunʼla,nditháan xúniʼñáánʼ rudxawíín dí na̱tala.
8 Xádxúʼ kanuu mijngii náa ikhaa,ni má xádxúʼ kanuu náa xkrugoo goʼwóo,+
9 raʼkháa gáʼni dí eʼwíinʼ ni xúyamajkuaaʼ+ga̱jma̱a̱ matamíniiʼ mba̱yu̱u̱ʼ tsiguʼ,+
10 raʼkháa gáʼni dí xa̱bu̱ naguwaáʼ maguanún ga̱jma̱a̱ dí xtaʼdáá,+dí nitiejuíínʼ wéñuuʼ maʼga̱a̱ kagu̱u̱ náa goʼwóo xa̱bu̱ bi̱ na̱ʼkha̱á.
11 Ikhú mi̱dxu̱ʼnú maraxtaa ngíná,ni xáraʼdáá tsiaki̱i̱ ga̱jma̱a̱ mandujtsíín,+
12 ga̱jma̱a̱ marmáʼáan a̱jkia̱a̱nʼ dí niratá: “¡Ra̱ʼkhá tháán niwi̱yu̱ʼ ka̱yo̱o̱ dí ni̱xprigúʼ!
¡Támajkhuʼ dí ni̱xprigúʼ!
13 Na̱nguá nidxawuun rí nithunʼ bi̱ nisngoʼ,ni má tádxawuun consejo rí nixnuʼ.
14 Dí xúgi̱ ni̱ni̱ gachúminaʼnáa inún mbá xúgíinʼ xa̱bu̱ xuajin”.+
15 Agi̱i̱n iyaʼ dí ga̱jnu̱ʼ náa puzu* ndrígáaʼga̱jma̱a̱ iyaʼ dí nagájnuu náa iduu iyaaʼ.+
16 Lá ma’ndaa’ dí iyaa’ rí nagájnuu náa iduu magadíí rexa̱a̱,ga̱jma̱a̱ magadíí náa xuáá ráʼ.+
17 Iduu iyaʼ rúʼko̱ gíʼmaa mani̱ndxu̱u̱ i̱ndó ndrígáaʼ ikháán,xáraxnu̱u̱n muwa̱a̱n xa̱bu̱ bi̱ naguwaáʼ.+
18 Gaguma tsajkurámaaʼ puzu ndrígáaʼ,*araxtaa gagi ga̱jma̱a̱ʼ a̱ʼgia̱a̱ʼ bi̱ ndiyáá nákha dxámá nindxa̱a̱ʼ,+
19 ikhaa nindxu̱u̱ xóo mbáa aña̱ʼ e̱ʼgú bi̱ tséjmangu̱u̱ʼ, mbáa tsu̱jtu xáná bi̱ mitsiʼyáa.+
Atatsíñááʼ rí cháʼdúu ikhaa maʼni rí maraxtaa gagi xúgíʼ mbiʼi.
Gaʼdxuu a̱jkia̱a̱nʼ numuu rí nandoo kaʼyaaʼ má xúʼko̱.+
20 A̱ʼdióʼ, náá numuu dí matatsiʼñáminaʼ dí mbáa a̱ʼgu̱ bi̱ naʼni aʼkhá* maʼni dí maʼdxuu a̱jkia̱a̱nʼ rá.O náá numuu dí mbiyaráʼaa ga̱jma̱a̱ marajtun cháʼdúu mbáa a̱ʼgu̱ bi̱ nabóoʼ gajmíi̱n eʼwíinʼ* rá.+
21 Jeobá nayejxu̱u̱ kambo̱o̱ xa̱bu̱,ikhaa ndaʼyoo náa mbá xúgíʼ rí na̱jkha̱.+
22 Rí naʼni xa̱bu̱ ra̱májáanʼ mani̱ndxu̱u̱ xóo mbá tsáʼkhá náa ikhaa,ga̱jma̱a̱ aʼkhá dí nakudaminaʼ mani̱ndxu̱u̱ xóo mbá ñuñuu dí maxtoʼóo ga̱jma̱a̱.+
23 Ikhaa makhañúu numuu rí niʼni gaʼduunʼ dí nixpri̱guííga̱jma̱a̱ mandáti̱ga̱a̱ numuu dí ra̱ʼkhá tháán skágui̱i̱nʼ.
