Proverbios 8:1-36
8 Lá ku̱ma̱ rí na̱ʼkha̱ náa Dios na̱nguá jngruigo̱o̱ randxaʼwún xa̱bu̱ ráʼ.
Dí mambáyáaʼ matatsaʼwa̱a̱ májánʼ edxa̱a̱ʼ, lá na̱nguá jngruigo̱o̱ raʼthí ráʼ.+
2 Nawáán eʼthí ku̱ma̱ náa mitsídánʼ+ náa nanújngoo kamba̱a̱,ga̱jma̱a̱ náa nawiʼtáa kamba̱a̱.
3 Tséniñuuʼ raʼthí gakhi̱i̱ náa mijngii riejun dí na̱jkha̱ náa xuajinga̱jma̱a̱ náa riejuun xkrugua,naʼthí má xúʼko̱:+
4 “Xtáá randxa̱ʼwala, xúgiáanʼ ikháanʼla xa̱bu̱,nakujxí aʼwóʼ mu mata̱la xúgiáanʼ.*
5 Ikháanʼla bi̱ tséjmañala, gajmañala mundxa̱ʼwa̱a̱ májánʼ edxa̱la,+ikháanʼla skágunʼ, guʼyáʼ muguaʼdáá mbá a̱jkia̱la dí najmañuu.
6 Gudxawunʼla, gíʼdoo wéñuuʼ numuu dí na̱tha̱,numuu rí májánʼ nindxu̱u̱ dí na̱tha̱.
7 Wáwáa e̱tha̱ dí gajkhunga̱jma̱a̱ rawunʼ nawi̱yu̱u̱ʼ eʼni dí ra̱májánʼ.
8 Xúgíʼ dí na̱tha̱ nindxu̱u̱ májánʼ,
na̱nguá nindxu̱u̱ ra̱májánʼ, na̱nguá nindxu̱u̱ nduwaʼ.
9 Tséʼniuu gakhi̱i̱ makro̱ʼo̱o̱ ajngóʼ bi̱ najmaa nandxa̱ʼóo májánʼ edxu̱u̱ga̱jma̱a̱ májánʼ nindxu̱u̱ eyáá bi̱ nixkamaa ku̱ma̱.
10 Gundrígú dí naxpríguála, raʼkháa plata,gundrígú ku̱ma̱, raʼkháa oro dí itháan májánʼ.+
11 Numuu dí maraʼdáá ku̱ma̱ nindxu̱u̱ itháan májánʼ ki xóo dí maraʼdáá itsí coral,*nimbá dí mbáa nandoo magiʼdoo tsémbríguii ga̱jma̱a̱.
12 Ikhúún ku̱ma̱ rí na̱ʼkha̱ náa Dios, xtáá ga̱jmu̱ʼ rí naʼni matatsaʼwamínáʼ májánʼ,nixkamaa ku̱ma̱ ga̱jma̱a̱ rí majmúún mandxa̱ʼwa̱mínáʼ májánʼ.+
13 Dí mamiñáanʼ xtayáá Jeobá, nandoo gáʼthúu̱n dí mawiya̱a̱ʼ xtayáá dí ra̱májánʼ.+
Ikhúún nawi̱yu̱ʼ ka̱yo̱o̱ dí nuxujximíjna̱, dí nuni̱ mbaʼumíjna̱,+ nawi̱yu̱ʼ eʼni kamba̱a̱ dí ra̱májánʼ ga̱jma̱a̱ ajngáa rí nduwaʼ.+
14 Gúʼdoo consejo májánʼ ga̱jma̱a̱ ku̱ma̱ rí gajkhun,+ma̱ngaa rí makrua̱ʼa̱a̱ʼ+ ga̱jma̱a̱ gúʼdoo tsiaki̱i̱.+
15 Núma̱aʼ má ga̱jma̱a̱ numuʼ ikhúún, reyes nutañajunʼ má xúʼko̱,ga̱jma̱a̱ dí xa̱bu̱ ñajunʼ mba̱ʼu̱u̱n nundri̱ga̱ xtángoo rí májánʼ.+
16 Núma̱aʼ má ga̱jma̱a̱ numuʼ ikhúún, príncipes nutañajunʼ má xúʼko̱,ga̱jma̱a̱ bi̱ guáʼdáá numún nunimbaníí májánʼ numún xa̱bu̱.
17 Nandoʼ ka̱ñu̱u̱n bi̱ nandún kuyoʼ,ga̱jma̱a̱ nuxkamúún bi̱ nduñúunʼ.+
18 Náa ikhúún rígá mbújkha̱a̱ ga̱jma̱a̱ gamajkhu,rí gíʼdoo numuu rí mbajyúuʼ ga̱jma̱a̱ rí májánʼ.
19 Rí ikhúún na̱xna̱ nindxu̱u̱ itháan májánʼ ki xóo oro, itháan májánʼ ki xóo oro dí niguma kaʼwi̱i̱,ga̱jma̱a̱ dí na̱xna̱ nindxu̱u̱ itháan májánʼ ki xóo plata dí itháan májánʼ.+
20 Jngruigoʼ náa kamba̱a̱ rí jmbu,ga̱jma̱a̱ na̱jkhá náa tapo̱o̱ kamba̱a̱ rí májánʼ.
21 Bi̱ nandún kuyoʼ maxnu̱u̱n mbá májánʼ herencia,ga̱jma̱a̱ ma̱ni̱ majthíí náa nurajxi̱i̱ dí guáʼdáá.
22 Ikhúún ginún niʼniún Jeobá,+niʼniún ginún náa mbá xúgíʼ dí niʼni asndu nákha wajyúuʼ.+
23 Nigumún nákha nigi̱ʼdu̱u̱,+ nákha wajyúuʼ,nákha xóó tséguma ku̱ba̱ʼ.+
24 Nigumún nákha xóó nda̱a̱ iyaʼ rí mi̱jnu̱ʼ,+nákha xóo nda̱a̱ iduu iyaʼ náa nagájnuu mbaji̱ʼ iyaʼ.
25 Nigumún nákha xóó tséguma kúbá,ga̱jma̱a̱ nákha xóó tséguma bíjní,
26 nákha Dios xóó tséʼni ku̱ba̱ʼ,ni má xóó tséʼni yujndaʼ.
27 Índo̱ Dios niʼni mekhu,+ ikhúún nixtáá ikhí.Índo̱ nitámáʼ mbá ndawaa náa tsu̱du̱u̱ iyaʼ, dí naruiʼta̱a̱ mekhu ga̱jma̱a̱ iyaʼ,+
28 índo̱ ikhaa nigrui̱ga̱ du̱u̱n rijma̱a̱,índo̱ niʼni iduu iyaʼ rí mi̱jnu̱ʼ,
29 índo̱ nitíga̱ náa martumuu lamáa*mu iyaʼ xánújngoo itháan ñuʼún,+índo̱ nigíʼ ku̱ba̱ʼ,
30 ikhúún nixtáá ga̱jmu̱ʼ ikhaa, xóo mbáa bi̱ najmañuu naʼni xúgíʼ enii ñajunʼ rí mitsaanʼ.*+
Ikhúún ni̱ni̱ rí maxtáa gagi xúgíʼ mbiʼi,+ga̱jma̱a̱ nidxu̱ʼ má xúʼko̱ índo̱ nixtáá náa inuu ikhaa.+
31 Ra̱ʼkhá tháán nidxu̱ʼ índo̱ ndi̱yo̱o̱ ku̱ba̱ʼ náa kúwá xa̱bu̱,ga̱jma̱a̱ ra̱ʼkhá tháán nindoʼ ka̱ñu̱u̱n xa̱bu̱ numbaaʼ.*
32 Dí xúgi̱ rá e̱ji̱nʼ, gudxawunʼla.¡Gagi kúwíin bi̱ nagún náa kambo̱ʼ!
33 Gudxawíín rí nuxpriguála+ ga̱jma̱a̱ ganindxa̱la mbáa xa̱bu̱ bi̱ najmañuu,nditháan xúni̱ gaʼduunʼ rígi̱.
34 Gagi xtáa xa̱bu̱ bi̱ naʼdxawunʼ,bi̱ na̱jkha̱nú miʼcha̱ mámbá mbiʼi náa xkrugoʼ,nagi̱ʼthu̱u̱n náa mijngii riejunʼ,
35 numuu rí bi̱ naxkamún ikhúún, maʼga̱nú maxtáa,+ga̱jma̱a̱ Jeobá maʼndoo kaʼyoo.
36 Mú bi̱ tséxkamún, naʼni gawúminaʼ má ikhaa,ga̱jma̱a̱ bi̱ nawiñu̱u̱nʼ kuyoʼ, ikhiin má eyáʼ rí makhañún”.+
