Proverbios 22:1-29
-
Itháan má májánʼ dí maraʼdáá mbá májánʼ mbiʼyaaʼ ki xóo maraʼdáá wéñuuʼ (1)
-
Dí marasngáá ada̱ asndu nákha chíʼgíiʼ mambáyúu náa mbiʼi dí gáxtáa (6)
-
Bi̱ naskoo naʼthí: “¡Xtáa mbáa león rexa̱a̱!” (13)
-
Dí nuxpri̱guíí mbáa, naʼni rí nánguá mani̱ndxu̱u̱ skágunʼ (15)
-
Xa̱bu̱ bi̱ wipii nañajunʼ, nañajunʼ náa inún reyes (29)
22 Itháan má májánʼ dí maraʼdáá mbá májánʼ mbiʼyaaʼ ki xóo dí matraʼwi̱i̱ maraʼdáá wéñuuʼ,+ga̱jma̱a̱ itháan má májánʼ dí mbuyamajkuaaʼ* ki xóo dí maraʼdáá plata ga̱jma̱a̱ oro.
2 Xa̱bu̱ bi̱ gíʼdoo ga̱jma̱a̱ xa̱bu̱ ngínáa mbrígu̱ún nindxu̱ún,
numuu dí mbá nájmi̱i̱n niʼnii Jeobá.+
3 Índo̱ bi̱ nandxa̱ʼóo májánʼ edxu̱u̱ ndaʼyoo gamíi, ikhaa tséjkha̱ ikhí,mú xa̱bu̱ bi̱ tséndxa̱ʼwa̱a̱ májánʼ edxu̱ún nagún ikhí ga̱jma̱a̱ numíníiʼ.
4 Bi̱ nindxu̱u̱ xa̱bu̱ wabaaʼ ga̱jma̱a̱ namíñuu kaʼyoo Jeobá,ikhaa maʼni tsajkurámaaʼ, maʼni dí magruigú gamajkhu ga̱jma̱a̱ maʼni dí maxtáa.+
5 Náa kambo̱o̱ xa̱bu̱ ra̱májáanʼ rígá tsuwanʼ ga̱jma̱a̱ tsáʼkhá,mú xa̱bu̱ bi̱ ndaʼyoo dí gíʼdoo numuu vida ndrígóo, tsékuʼmaminaʼ ikhí.+
6 Arasngáá ada̱* náá kamba̱a̱ gíʼmaa maʼga̱,+mu xúʼko̱ índo̱ gíkhi̱i̱ nditháan xágajnúri̱yo̱o̱ʼ.+
7 Xa̱bu̱ bi̱ gíʼdoo naʼtáñajuunʼ xa̱bu̱ ngínáaga̱jma̱a̱ bi̱ naʼni gidxóó na̱jkha̱nú nanindxu̱u̱ ñumbáá náa xa̱bu̱ bi̱ nixná tíʼñuu.+
8 Bi̱ naʼni dí ra̱májánʼ mamínuuʼ,*+ga̱jma̱a̱ majmigaʼ xkuíyá rí najmuu mu maʼni ngíníi eʼwíinʼ índo̱ nakásngañu̱u̱ʼ.+
9 Xa̱bu̱ bi̱ naxná rí gíʼdoo* maguma tsajkurámaaʼ,numuu rí naxnúu ganitsu ndrígóo mi̱khu̱ xa̱bu̱ ngínáa.+
10 Ataxkri̱ya̱a̱ʼ bi̱ natsíjmamu xúʼko̱ ni xárígá ajngáa,ni xági̱ʼdu̱u̱n ni má xúta wéñumijná.
11 Bi̱ mikaʼwu a̱jkiu̱u̱n ga̱jma̱a̱ najmuu ajngáa mitsaanʼ*mambajxúu ga̱jma̱a̱ rey.+
12 Jeobá nañewu̱u̱n ku̱ma̱,mú naʼni gámbóo ajngáa rí naʼthí bi̱ naʼni nduwaʼ.+
13 Bi̱ naskoo naʼthí: “¡Xtáa mbáa león rexa̱a̱!
¡Maxíñúu náa tapo̱o̱ xuáá!”.+
14 Rawuunʼ a̱ʼgu̱ bi̱ naʼni aʼkhá* nindxu̱u̱ xóo mbá iñáʼ mi̱jnu̱ʼ.+
Ikhí gájpatuáʼáan bi̱ Jeobá gákásngáñu̱u̱ʼ kaʼyoo.
15 Á mu nuxpriguíí* mbáa dxámá* bi̱ nda̱a̱ a̱jkiu̱u̱n,+ikhaa ní xánindxu̱u̱ skágui̱i̱nʼ.+
16 Bi̱ naʼni nduwaaʼ xa̱bu̱ ngínáa mu xúʼko̱ magiʼdoo itháan,+ga̱jma̱a̱ bi̱ naxnúu regalo xa̱bu̱ bi̱ ra̱ʼkhá tháán gíʼdoo,mbá nájmi̱i̱n maʼni mingíníi.
17 Atagíʼ edxa̱a̱ʼ ga̱jma̱a̱ atadxawíín rí nuthi xa̱bu̱ bi̱ najmañún,+mu xúʼko̱ matandrígú ku̱ma̱ ndrígóʼ ga̱jma̱a̱ xúgíʼ a̱jkia̱a̱nʼ,*+
18 maʼdxuʼ dí matrajxi̱i̱ náa a̱jkia̱a̱nʼ,+mu xúʼko̱ maraxtaa xawii marata̱ dí najmañaaʼ.+
19 Ikháán ni̱tha̱a̱nʼ xúgíʼ rígi̱,mu xúʼko̱ maku̱ma̱a̱ʼ xtayáá Jeobá.
20 Lá na̱nguá niniraʼmáʼ náa inaaʼconsejo ga̱jma̱a̱ ku̱ma̱
21 mu masngáaʼ ajngáa rí gajkhun ga̱jma̱a̱ dí kaʼnii matatsimbaaʼ,mu xúʼko̱ ma̱ndoo matanga̱án ga̱jma̱a̱ maratha̱a̱n kájxi̱ bi̱ nikuʼmáán ráʼ.
22 Xátani̱ kuʼwááʼ mbáa xa̱bu̱ ngínáa i̱ndó numuu rí migínáa,+ga̱jma̱a̱ xátajxumbiríga̱a̱ mbáa bi̱ ndawa̱a̱ tsáa mambáyúu náa xkrugoo xuajin,+
23 numuu dí Jeobá mañewu̱u̱n,+ga̱jma̱a̱ bi̱ nuni̱ kuʼwúún, marígú káñúnʼ vida ndrígu̱ún.
24 Xámbajxa̱a̱ʼ ga̱jma̱a̱ʼ xa̱bu̱ bi̱ nakiʼnáa,ni má xámbajxa̱a̱ʼ ga̱jma̱a̱ʼ xa̱bu̱ bi̱ nakásngañu̱u̱ʼ mbá nacha̱,
25 raʼkháa gáʼni dí majmañaaʼ mi̱dxu̱ʼ náa kambo̱o̱,ga̱jma̱a̱ mataʼgíʼ tsáʼkhá náa inaaʼ má ikháán.+
26 Xánindxa̱a̱ʼ mbáa bi̱ naxná ajngóo,*ga̱jma̱a̱ bi̱ naxná mbá rí nasngájma rí gajkhun maʼni̱i̱ gidxóó.+
27 Á mu na̱nguá xtaʼdáá dí matani̱ numa̱a̱ ga̱jma̱a̱,¡asndu xiewaaʼ náa xtabaaʼ magún kuñu̱u̱n!
28 Xárajxi̱ngaa tsinaʼ* dí guájun náa ndawaa,rí nitsuajun wajin xiʼñáaʼ.+
29 Lá nitayáá mbáa xa̱bu̱ bi̱ wipii eñajunʼ ráʼ.
Xa̱bu̱ buʼko̱ mawiji̱ náa inún reyes,+raʼkháa náa inún mbaʼ xa̱bu̱ú.
Mbaʼa nota
^ Náa ajngáa hebreo naʼthí, “dí maʼndún kuyaaʼ”.
^ O “dxámá”.
^ Náa ajngáa hebreo naʼthí, “Bi̱ naʼdu dí ra̱májánʼ magujxi̱i̱ gamiéjunʼ”.
^ Náa ajngáa hebreo naʼthí, “bi̱ májánʼ iduu”.
^ O “nagui̱i̱”.
^ Náa ajngáa hebreo naʼthí, “Á mu najmún xkuíyá mu dí muxpriguíí”.
^ O “ada̱”.
^ Náa ajngáa hebreo naʼthí, “matanimbaníí ga̱jma̱a̱ xúgíʼ a̱jkia̱a̱nʼ”.
^ Náa ajngáa hebreo naʼthí, “nurajtuun ñawúúnʼ”.
^ O “mujúun”.
