Proverbios 17:1-28

  • Xátani̱i̱ dí ra̱májánʼ bi̱ niʼniaaʼ rí májánʼ (13)

  • “Nákha xóó tséʼni mba̱a̱ ajngáa, ayu̱u̱ʼ” (14)

  • “Mbáa bi̱ gajkhun nambájxa̱a̱ʼ ga̱jma̱a̱ʼ maʼndoo kaʼyaaʼ xúgíʼ mbiʼi” (17)

  • “Mbáa xa̱bu̱ bi̱ nadxuu a̱jkiu̱u̱n nindxu̱u̱ xóo mbá thana rí májánʼ” (22)

  • “Xa̱bu̱ bi̱ gíʼdoo ku̱ma̱ naraʼwíí tsu̱ma̱á dí maʼthí” (27)

17  Itháan májánʼ náa guʼwá dí rígá mbá xuíʼtóo pan dí nijndooʼ náa rígá dí tsímáá,+ki xóo náa rígá mbaʼa wéñuuʼ ganitsu* mú nagiʼdu̱u̱n.+  2  Ñumbáá bi̱ nandxa̱ʼóo májánʼ edxu̱u̱ maʼtáñajuunʼ ada̱ bi̱ naríyaʼ gamajkuu anu̱u̱,*ga̱jma̱a̱ mbayáa mbá chíʼgíiʼ* herencia xó má gúda̱a̱ a̱ngui̱i̱n ada̱ buʼko̱.  3  Aguʼ naʼni kaʼwu̱u̱ plata ga̱jma̱a̱ oro,+mú Jeobá ndaʼyoo xú kaʼnii a̱jkiu̱ún xa̱bu̱.+  4  Xa̱bu̱ ra̱májáanʼ nagíʼ edxu̱u̱ maʼdxawuun ajngáa rí maʼni gawáanʼ,ga̱jma̱a̱ xa̱bu̱ bi̱ naʼni nduwaʼ naʼdxawuun dí nuni̱ nduwaʼ eʼwíinʼ.+  5  Bi̱ naʼthá numuu xa̱bu̱ ngínáa, naʼthá wéñuuʼ bi̱ Niʼnii,+ga̱jma̱a̱ bi̱ nadxuu ga̱jma̱a̱ numuu ra̱májánʼ dí nagíʼnuu mbáa mamínuuʼ má tsiaki̱i̱.+  6  Ejín xíñíiʼ mbáa xa̱bu̱ nikhi̱i̱ nindxu̱ún xóo mbá corona náa ikhaa,ga̱jma̱a̱ e̱ji̱n nadxuu a̱jkiu̱ún eʼni anu̱ún.  7  Ra̱májánʼ dí mbáa xa̱bu̱ skágunʼ maʼthí ajngáa dí ragíʼdoo numuu,+ ¡iwáá lá dí mbáa xa̱bu̱ ñajunʼ* maʼthí dí minduwaʼ rá!+  8  Mbá regalo nindxu̱u̱ xóo mbá itsí dí gíʼdoo numuu náa bi̱ gíʼdoo:+Asndu náá má ejkha̱ xúgíʼ dí naʼni nagájnuu májánʼ.+  9  Bi̱ naʼni mba̱a̱ a̱jkiu̱u̱n* rí nakiéʼkúún, naʼni rí maʼndún kuyamijná,+mú bi̱ nángi eʼni etanga̱a̱ naʼthí dí nirígá naʼni wájíinʼ bi̱ nambájxu̱u̱n májánʼ.+ 10  Mbáa xa̱bu̱ bi̱ nakro̱ʼo̱o̱ maski ajndu kááʼ mbá miʼtsúú gúxpriguíí majmañuu itháan,+mú xa̱bu̱ skágunʼ xájmañuu maski ajndu muxnáá mbá cien nuthu.+ 11  Xa̱bu̱ ra̱májáanʼ i̱ndó ndayáʼ dí makujximínáʼ,mú muxuʼmaa mbáa xa̱bu̱ bi̱ na̱jkha̱ kayóo ajngáa bi̱ tségáwíinʼ a̱jkiu̱u̱n mu maʼni rí mamínuuʼ.+ 12  Itháan má májánʼ dí matraʼnuminaʼ ga̱jma̱a̱ʼ mbáa osa bi̱ na̱nguá gajmíi̱n e̱ji̱i̱n,ki xóo mbáa xa̱bu̱ bi̱ tséjmañuu bi̱ naʼni xóo eʼni xa̱bu̱ skágunʼ.+ 13  Á mu mbáa naʼniuu dí ra̱májánʼ bi̱ niʼniuu rí májánʼ,dí ra̱májánʼ marigá má xúʼko̱ náa goʼwóo.+ 14  Dí matagíʼdi̱i̱ ajngáa nindxu̱u̱ xóo matatsiʼñáánʼ magadíí iyaʼ,nákha xóó tséʼni mba̱a̱ ajngáa, ayu̱u̱ʼ.+ 15  Xó má bi̱ narígúu aʼkhúun xa̱bu̱ ra̱májáanʼ ga̱jma̱a̱ xó má bi̱ naʼthí rí gíʼdoo aʼkhúun xa̱bu̱ májáanʼ,+Jeobá nawi̱yu̱u̱ʼ kaʼñún. 16  Ndiéjunʼ lá eyambáá dí xa̱bu̱ skágunʼ gíʼdoo rí mbayáʼ ga̱jma̱a̱ dí majmañuuá mu tsíyoo gáyáʼ* xá.+ 17  Mbáa bi̱ gajkhun nambájxa̱a̱ʼ ga̱jma̱a̱ʼ maʼndoo kaʼyaaʼ xúgíʼ mbiʼi,+ga̱jma̱a̱ nindxu̱u̱ mbáa ndxájuaaʼ* bi̱ ma̱ndoo maku̱ma̱a̱ʼ xtayáá náa mbiʼi dí narígá gamiéjunʼ.+ 18  Xa̱bu̱ bi̱ nda̱a̱ a̱jkiu̱u̱n naxná ajngóo dí maʼni̱i̱ gidxóónáa inuu xa̱bu̱ numbaaʼ ga̱jma̱a̱.+ 19  Bi̱ nanigu̱u̱ʼ rí nagiʼdu̱u̱n, nanigu̱u̱ʼ xkujndu.+ Bi̱ nanigu̱u̱ʼ maʼni mitsídánʼ xkrugoo, ikhaa má eyáʼ dí mamínuuʼ.+ 20  Bi̱ xkawiʼ a̱jkiu̱u̱n xagájnuu májánʼ rí maʼni,*+ga̱jma̱a̱ bi̱ naʼni nduwaʼ magíʼnuu gamiéjunʼ. 21  Anu̱u̱ xa̱bu̱ bi̱ tséʼdxuun dí maratha̱a̱n maxtáa ngíná,ga̱jma̱a̱ anu̱u̱ xa̱bu̱ skágunʼ xáʼdxuu a̱jkiu̱u̱n.+ 22  Mbáa xa̱bu̱ bi̱ nadxuu a̱jkiu̱u̱n nindxu̱u̱ xóo mbá thana rí májánʼ,+mú mbáa xa̱bu̱ bi̱ xtáa ngíná naʼni rí makáguabáánʼ.*+ 23  Xa̱bu̱ ra̱májáanʼ magruigú gu̱ʼwa̱á mbá regalo*mu xúʼko̱ maʼni rí xa̱bu̱ xágumiin rí májánʼ.+ 24  Xa̱bu̱ bi̱ nandxa̱ʼóo májánʼ edxu̱u̱ mijngii má rígá dí majmañaaʼ eʼyoo ikhaa,mú idún xa̱bu̱ skágunʼ nuyejxi̱ gi̱i̱ ñuʼún.+ 25  Ada̱ bi̱ skágui̱i̱nʼ naʼni rí maxtáa ngíná anu̱u̱,ga̱jma̱a̱ naʼni rí maxtáa ngíná ru̱dúu̱.*+ 26  Ra̱májánʼ dí matani̱ rí mamínuuʼ* xa̱bu̱ májáanʼ,ga̱jma̱a̱ raʼkhí dí maraxnu̱u̱n xa̱bu̱ bi̱ nduyamajkhún. 27  Xa̱bu̱ bi̱ gíʼdoo ku̱ma̱ naraʼwíí tsu̱ma̱á dí maʼthí,+ga̱jma̱a̱ xa̱bu̱ bi̱ nandxa̱ʼóo májánʼ edxu̱u̱ tsékiʼnáa.+ 28  Asndu xa̱bu̱ skágunʼ nakujmaa rí najmañuu índo̱ nda̱a̱ rí eʼthí,ga̱jma̱a̱ bi̱ narugoo rawuunʼ nakujmaa rí nandxa̱ʼóo májánʼ edxu̱u̱.

Mbaʼa nota

^ Náa ajngáa hebreo naʼthí, “tsigijñaʼ”.
^ O “tátée”.
^ O “lajuíin”.
^ O “xa̱bu̱ bi̱ gíʼdoo numuu”.
^ Náa ajngáa hebreo naʼthí, “narugurámuuʼ”.
^ Náa ajngáa hebreo naʼthí, “á mu tséʼkha̱ a̱jkiu̱u̱n mbayáʼ”.
^ O “ndxájuaaʼ bi̱ nigumaa”.
^ Náa ajngáa hebreo naʼthí, “xáxkamaa rí májánʼ”.
^ O “majndooʼ itsa̱a̱ʼ”.
^ Náa ajngáa hebreo naʼthí, “mbá regalo dí nagájnuu náa tsu̱xtu̱ún”.
^ O “nánée”.
^ O “maraxna̱a̱ mbá multa”.

Copyrights ndrígóo i̱yi̱i̱ʼ rígi̱