Proverbios 26:1-28
26 Xó má idiʼ tségajtaa náa gu̱nʼ rí naʼni mijkha, ni má tséxnúu ruʼwa índo̱ naxtagijxi̱i̱ dí nijuiʼdu,xúʼko̱ má xa̱bu̱ skágunʼ tségruigú gamajkhu.+
2 Xó má mbáa ñu̱ʼu̱ rígá mbá numuu rí na̱jka̱tíyáaʼ ragáyúu, ga̱jma̱a̱ dí golondrina maʼga rijma̱a̱,ga̱jma̱a̱ xúʼko̱ má tséjuiʼtátsríguíi mbaʼ majuiʼtátsríguíi* mbáa.
3 Ñuñuu najmaa mu mixnáá ga̱jma̱a̱ wáyú, freno najmún mu magún ku̱ya̱a̱ ga̱jma̱a̱ búrru+ga̱jma̱a̱ xkuíyá mu mixnáá ga̱jma̱a̱ tsu̱du̱ún xa̱bu̱ skágunʼ.+
4 Xátriʼñáá xa̱bu̱ skágunʼ xó má gáʼni mbáa xa̱bu̱ skágunʼ,mu xúʼko̱ xánindxa̱a̱ʼ xó má ikhaa.
5 Atriʼñáá xa̱bu̱ skágunʼ xó má rí naʼthí,mu xákumu̱u̱ rí najmañuu.+
6 Xóo mbáa bi̱ narujturígú rajkhúu ga̱jma̱a̱ naʼni gawúminaʼ má ikhaa,*xúʼko̱ kaʼnii xa̱bu̱ bi̱ naniñuuʼ mbá ñajunʼ náa ñawúunʼ xa̱bu̱ skágunʼ.
7 Xóo rajkhúu mbáa xa̱bu̱ gúʼxíiʼ rí mbaʼ jngrígúú,xúʼko̱ nindxu̱u̱ proverbio rí nuthi xa̱bu̱ skágunʼ.+
8 Xóo dí matruʼwajmá mbá itsí náa xkrájtsí,xúʼko̱ kaʼnii dí maraxna̱a̱ gamajkhu mbáa xa̱bu̱ skágunʼ.+
9 Xóo mbá xkuíyóo tsuwanʼ dí kayá xa̱bu̱ najnga̱a̱,xúʼko̱ nindxu̱u̱ proverbio rí nuthi xa̱bu̱ skágunʼ.
10 Xóo mbáa xa̱bu̱ bi̱ mbaʼ nada̱áʼ flecha ga̱jma̱a̱ naʼni gawúunʼ asndu tsáá bi̱ wíji̱ mijngii ikhí,xúʼko̱ kaʼnii xa̱bu̱ bi̱ naraja̱a̱ xa̱bu̱ skágunʼ o asndu tsáá má exkamaa ginii.
11 Xu̱wánʼ natanga̱a̱ na̱ʼkhu̱ dí najxiriya̱a̱ʼ,xúʼko̱ má eʼni mbáa xa̱bu̱ skágunʼ natanga̱a̱ naʼni mbu̱júu̱ dí niʼni.+
12 Nitayáá mbáa xa̱bu̱ bi̱ naku̱mu̱u̱ dí najmañuu ráʼ.+
Itháan má ragákhíi dí matambáyíí mbáa xa̱bu̱ skágunʼ ki xóo matambáyíí ikhaa.
13 Bi̱ naskoo naʼthí: “¡Xtáa mbáa león náa kamba̱a̱!¡Xtáa mbáa león náa xuáá!”.+
14 Xóo eʼni mbá xkrugua dí nambaʼtoo ga̱jma̱a̱ nagúguáa,xúʼko̱ eʼni bi̱ naskoo kaʼmáaʼ náa xiawoo.+
15 Bi̱ naskoo nakumááʼ ñawúunʼ náa xua̱a̱ mba̱a̱,xóo eʼni bi̱ ra̱ʼkhá tháán néʼngo̱o̱ eʼni dí naskoo gáríya̱a̱ʼ ñawúunʼ mu makudaaʼ mbu̱júu̱ náa rawuunʼ.+
16 Bi̱ naskoo naku̱mu̱u̱ dí najmañuu itháanki xóo mbá juwiin xa̱bu̱ bi̱ nuriʼña̱a̱ májánʼ.
17 Xóo mbáa bi̱ nagutuwiin xu̱wánʼ ga̱jma̱a̱ cháʼwuun,xúʼko̱ nindxu̱u̱ mbáa bi̱ nakásngañu̱u̱ʼ eʼni* rí nagiʼdu̱u̱n eʼwíinʼ xa̱bu̱.+
18 Xóo mbáa xa̱bu̱ skágunʼ bi̱ nada̱ʼ flecha rí gíʼdoo agiuuʼ ga̱jma̱a̱ kudú* rí nagudíin,
19 xúʼko̱ kaʼnii xa̱bu̱ bi̱ naʼni nduwaaʼ xa̱bu̱ numbaaʼ ga̱jma̱a̱ mu maʼniuu dí ra̱májánʼ ga̱jma̱a̱ nda̱wa̱á naʼthí: “¡Na̱tsijmáán jún!”.+
20 Náa nda̱a̱ ixi̱, najuíyúuʼ aguʼ,ga̱jma̱a̱ náa ndawa̱a̱ bi̱ naʼthí dí raʼkhí ga̱jma̱a̱ numún eʼwíinʼ, naguámbá ajngáa.+
21 Xó má ruthá nagu̱ agiuuʼ ga̱jma̱a̱ xó má ixi̱ dí nakha,xúʼko̱ kaʼnii xa̱bu̱ bi̱ nanigu̱u̱ʼ ajngáa, naʼni rí maʼni mba̱a̱ xkujndu.+
22 Ajngóo mbáa xa̱bu̱ bi̱ naʼthí dí raʼkhí ga̱jma̱a̱ numún eʼwíinʼ nindxu̱u̱ xóo ganitsu rí miʼtsí,rí naʼphu̱, ga̱jma̱a̱ najngúun mbájmbu̱ú náa awúún.+
23 Xóo mbá xuíʼtóo rayaʼ rí niwiʼtá dí kagu̱u̱ plata,xúʼko̱ kaʼnii nindxu̱u̱ ajngáa mitsaanʼ* dí nagájnuu náa a̱jkiu̱u̱n xa̱bu̱ xkawi̱i̱ʼ.+
24 Bi̱ nawi̱yu̱u̱ʼ kaʼñún eʼwíinʼ tsésngájma ga̱jma̱a̱ rí naʼthí,mú náa a̱jkiu̱u̱n rígá dí nduwaʼ.
25 Maski ajndu najmuu ajngáa mitsaanʼ, xátatsimbaaʼ xtayáá,numuu rí náa a̱jkiu̱u̱n mba̱wíí dí ra̱májánʼ rígá.*
26 Maski ajndu markaʼwuu rí nawi̱yu̱u̱ʼ kaʼñún eʼwíinʼ ga̱jma̱a̱ nduwaʼ,mú dí ra̱májánʼ dí naʼni makujmaa pa̱jnu náa inún xúgíinʼ xa̱bu̱ xuajin.
27 Bi̱ naʼndii mbá iñáʼ maxpátuaʼáan ikhí,ga̱jma̱a̱ bi̱ narmbíjxi̱ mbá itsí, ikhaa má rúʼko̱ gágixmbi̱i̱ ga̱jma̱a̱.+
28 Xa̱bu̱ bi̱ naʼni nduwaʼ nawi̱yu̱u̱ʼ kaʼñún bi̱ naʼni gawúúnʼ,ga̱jma̱a̱ bi̱ mbaʼ naʼthúún eʼwíinʼ rí májánʼ eni̱, naʼni rí mumíniiʼ.+
