Proverbios 31:1-31
-
AJNGÁA DÍ NIʼTHÍ REY LEMUEL (1-31)
31 Rígi̱ nindxu̱u̱ ajngáa dí niʼthí rey Lemuel, consejo dí gíʼdoo numuu dí ru̱dúu̱* nixnúu.+
2 A̱ʼdióʼ, ndiéjunʼ lá gándoo gátháanʼ rá.Dí lá gátháanʼ, a̱ʼdióʼ bi̱ niguéwáan.Dí lá gátháanʼ, a̱ʼdióʼ bi̱ nijmuʼ mbiʼyuu mu ma̱xna̱ ajngóʼ.+
3 Xátaniʼñáánʼ dí gu̱ʼu̱ mambún tsiaki̱i̱ ndrígáaʼ,+ni má xádxúʼ náa kamba̱a̱ dí naʼni gámbíin reyes.+
4 Lemuel, raʼkhí dí reyes muni̱ rígi̱,ra̱májánʼ dí reyes muwa̱a̱n vino,ni má dí mbáa xa̱bu̱ ñajunʼ maʼthí, “Náá ni̱jkha̱ copa ndrígóʼ rá.”+
5 Numuu rí á mu naʼwa̱a̱n, migamíi mambumún rí naʼthí náa xtángooga̱jma̱a̱ xúniu̱u̱n rí májánʼ bi̱ ndawa̱a̱ tsáa mambáñún.
6 Araxnún iya najnga̱a̱ muwa̱a̱n bi̱ na̱jkha̱ rakháñún,+ga̱jma̱a̱ araxnún vino muwa̱a̱n bi̱ kúwá ngíná.+
7 Gu̱wa̱a̱n ga̱jma̱a̱ gambumún dí nindxu̱ún xa̱bu̱ ngíníin.Gambumún rí naʼni mumíniiʼ.
8 Aratá ga̱jma̱a̱ numún bi̱ tséʼngu̱u̱n gúthi,aratámbáñún mbá xúgíinʼ bi̱ inu makhañún.+
9 Aratá ga̱jma̱a̱ atanimbaníí májánʼ numún xa̱bu̱,atambáñúún bi̱ ndawa̱a̱ tsáa mambáñún ga̱jma̱a̱ xa̱bu̱ ngíníin.+
א [álef]
10 Tsáá gáʼngo̱o̱ gáxkamaa mbáa a̱ʼgu̱ májáanʼ mu maʼni a̱ʼgiu̱u̱ rá.+
Bi̱ gíʼdoo itháan numuu ki xóo itsí coral.*
ב [bet]
11 Ajmbio̱o̱* naku̱mu̱u̱ kaʼyoo ga̱jma̱a̱ xúgíʼ a̱jkiu̱u̱n,ikhaa tséyóoʼ nimbá rí gíʼdoo numuu.
ג [guímel]
12 Náa xúgíʼ mbiʼi rí xtáa,naʼniuu rí májánʼ ajmbio̱o̱, raʼkháa dí ra̱májánʼ.
ד [dálet]
13 Ndayáʼ mugu̱ ga̱jma̱a̱ lino,ra̱ʼkhá tháán eni̱gu̱u̱ʼ mañajunʼ.+
ה [he]
14 Ikhaa nindxu̱u̱ xóo barco ndrígóo bi̱ nagujua̱:+Asndu mitsínguánʼ e̱ʼkha̱ kagu̱u̱ ganitsu.
ו [waw]
15 Kaʼníí mikína etujxi̱i̱,naxnún rí mu̱phu̱ bi̱ kúwá náa goʼwóoga̱jma̱a̱ naxnún rí mu̱phu̱ gu̱ʼu̱ bi̱ numbayíí.+
ז [zayin]
16 Ndaʼyoo mbá mbaaʼ ga̱jma̱a̱ na̱ʼtsi̱,rí ikhaa naʼngo̱o̱ nadaaʼ* rúʼko̱ naʼdu ga̱jma̱a̱ ixi̱ uva.
ח [jet]
17 Naʼnirataminaʼ mu mañajunʼ gakhi̱i̱+ga̱jma̱a̱ naʼni maʼni gújkhúʼ ñawúunʼ.
ט [tet]
18 Ndaʼyoo rí nagujua̱ nagájnuu inuu,nañajunʼ má xúʼko̱ asndu índo̱ naʼni mbruʼun.*
י [yod]
19 Naguajtuun ga̱jma̱a̱ ñawúunʼ ixi̱ náa kaxtoʼóo mugu̱,*natuaʼán mu maʼni gúmá rí majmuu.+
כ [kaf]
20 Ikhaa nakruiyaʼ ñawúunʼ mu mambáñún xa̱bu̱ bi̱ nda̱ñúunʼga̱jma̱a̱ naxnún rí gíʼdoo xa̱bu̱ ngíníi.+
ל [lámed]
21 Maski ajndu na̱jkha̱nú nagajtaa idiʼ, ikhaa tséxmiéjuunʼ dí makrámu̱únʼ bi̱ kúwá náa goʼwóo,numuu dí xúgíinʼ guáʼdáá xtíñún dí mi̱du̱.
מ [mem]
22 Ikhaa eʼni cobija dí magúwúunʼ.
Xtíñuu niguma ga̱jma̱a̱ lino ma̱ngaa mugu̱ dí miʼñuu.
נ [nun]
23 Ajmbio̱o̱ najmaʼniiʼ náa xkrugoo xuajin,+numuu dí nagi̱ʼi̱ náa majñu̱únʼ xabuanii bi̱ kúwá náa xuajin.
ס [sámekh]
24 Ikhaa naʼni xtíin* dí lino ga̱jma̱a̱ nagujua̱,ma̱ngaa naguju̱u̱n mbaʼa cinturón dí naʼni xa̱bu̱ bi̱ nugujua̱.
ע [ayin]
25 Ikhaa tsémíñúu ga̱jma̱a̱ nduyamajkuíí eʼwíinʼ,tséxmiéjuunʼ dí gárígá imbo̱o̱ mbiʼi.
פ [pe]
26 Índo̱ naʼthí, naʼthí xóo mbáa xa̱bu̱ bi̱ najmañuu,+ga̱jma̱a̱ índo̱ naʼsngáa naʼthí ga̱jma̱a̱ ajngáa májánʼ.*
צ [sadé]
27 Ikhaa ndaʼyoo ñajunʼ dí naguma náa goʼwóoga̱jma̱a̱ nditháan tséskoo.+
ק [qof]
28 E̱ji̱i̱n naguájun ga̱jma̱a̱ nutháán rí májánʼ eʼni,*ajmbio̱o̱ nawi̱ji̱ ga̱jma̱a̱ naʼni mba̱a̱.
ר [resh]
29 Kúwá mbaʼin gu̱ʼu̱ bi̱ míjíinʼ,mú ikháán..., itháan májáánʼ ki xóo xúgíinʼ ikhiin.
ש [shin]
30 Mbáa xa̱bu̱ ma̱ndoo makujma̱á rí nindxu̱u̱ májáanʼ, mú ragájkhun, ga̱jma̱a̱ dí mitsiʼyá nanújngoó,*+mú a̱ʼgu̱ bi̱ namíñuu kaʼyoo Jeobá magruigú gamajkhu.+
ת [taw]
31 Gu̱ni̱ numa̱a̱la ga̱jma̱a̱ numuu xúgíʼ dí naʼni,*+gaguma mba̱a̱ náa xkrugoo xuajin ga̱jma̱a̱ numuu rí naʼni.+
Mbaʼa nota
^ O “nánée”.
^ Rígi̱ nindxu̱u̱ itsí mitsaanʼ dí rígá náa lamáa.
^ O “Jmba̱yi̱i̱”.
^ Náa ajngáa hebreo naʼthí, “rí najma̱a̱ náa ñawúunʼ”.
^ Náa ajngáa hebreo naʼthí, “dí mbruʼun tséjuíyúuʼ lámpara ndrígóo”.
^ O “rueca”, “huso”. Rueca ga̱jma̱a̱ huso najmún mu muni̱ xtíin.
^ O “xtíin dí nagúwúúnʼ awúún”.
^ Náa ajngáa hebreo naʼthí, “náa raju̱u̱n rígá xtángoo dí májánʼ”.
^ O “nuxna mbiʼíí gagi”.
^ O “ndíí nindxu̱u̱”.
^ Náa ajngáa hebreo naʼthí, “Guxna̱a̱ rí najma̱a̱ náa ñawúunʼ”.
