Proverbios 15:1-33
15 Dí matriʼña ga̱jma̱a̱ ajngáa wabaʼ naʼni rí xákasnga̱ñu̱u̱ʼ mbáa xa̱bu̱,+mú mbá ajngáa mijkoo naʼni rí makásngañu̱u̱ʼ.+
2 Xa̱bu̱ bi̱ najmañún, nuthi rí májánʼ ga̱jma̱a̱ numuu rí ikhiin nduyáá,+mú xa̱bu̱ skágunʼ tséndxa̱ʼóo edxu̱u̱ índo̱ naʼthí ajngáa dí ragíʼdoo numuu.
3 Iduu Jeobá nayejxi̱ náa mbá xúgíʼ,ndaʼyoo dí nuni̱ xa̱bu̱ ra̱míjíinʼ ga̱jma̱a̱ dí nuni̱ xa̱bu̱ míjíinʼ.+
4 Ajngáa wabaʼ* rí naʼthí mbáa xa̱bu̱ nindxu̱u̱ xóo mbá ixi̱ rí ndaʼya,+mú ajngáa nduwaʼ naʼni gawúúnʼ bi̱ nudxawíín.
5 Xa̱bu̱ skágunʼ tsémajkhuu rí naxprígúu anu̱u̱,*+mú xa̱bu̱ bi̱ nandxa̱ʼóo májánʼ edxu̱u̱ naʼdxaun rí nuxpri̱guíí.+
6 Náa goʼwóo xa̱bu̱ májáanʼ rígá mbaʼa dí gíʼdoo numuu,mú dí nigujxi̱i̱ náa niʼdu xa̱bu̱ ra̱májáanʼ naʼni rí magiʼdoo xkujndu.+
7 Náa rawúúnʼ xa̱bu̱ bi̱ najmañún nagájnuu ku̱ma̱,+mú náa a̱jkiu̱ún xa̱bu̱ bi̱ tséjmañún na̱nguá.+
8 Jeobá nawi̱yu̱u̱ʼ eʼni tsigijñaʼ ndrígu̱ún xa̱bu̱ ra̱míjíinʼ,+mú nanigu̱u̱ʼ rí nutajkháan xa̱bu̱ bi̱ naguájun jmbu.+
9 Jeobá nawi̱yu̱u̱ʼ kaʼyoo rí naʼni xa̱bu̱ ra̱májáanʼ,+mú nandoo kaʼyoo bi̱ naʼni tsiakimínáʼ maʼni rí májánʼ.+
10 Bi̱ tséʼni dí májánʼ, raʼkhí dí muxpriguíí eʼyoo ikhaa,+mú asndu tsáá bi̱ tsénigu̱u̱ʼ rí nuxpri̱guíí, makhañúu.+
11 Iñá wajinʼ* ga̱jma̱a̱ náa dí naguma gámbáa,* pa̱jnu rígá eʼyoo Jeobá.+
¡Iwáá lá dí gíwánʼ náa a̱jkiu̱u̱n xa̱bu̱ rá!+
12 Bi̱ natsíjma tsíyoo gáʼyoo bi̱ naxprígúu,+
ni má tsérajxu̱u̱n bi̱ najmañún.+
13 Mbáa xa̱bu̱ bi̱ nadxuu a̱jkiu̱u̱n, xnduʼwá inuu,mú mbáa xa̱bu̱ bi̱ xtáa ngíná tsédxuu a̱jkiu̱u̱n.*+
14 Mbáa xa̱bu̱ bi̱ najmañuu, ndayáʼ ku̱ma̱,+mú xa̱bu̱ bi̱ tséndxa̱ʼwa̱a̱ májánʼ edxu̱ún nanigu̱u̱nʼ muthi xóo ethi xa̱bu̱ skágunʼ.+
15 Bi̱ xtáa ramínúuʼ, xúgíʼ má mbiʼi ra̱májánʼ eʼyoo,+mú bi̱ nadxuu a̱jkiu̱u̱n, xtáa gagi xúgíʼ mbiʼi.+
16 Itháan májánʼ dí chíʼgíiʼ* gágiʼdoo mbáa xa̱bu̱ á mu namíñuu kaʼyoo Jeobá,+ki xóo dí magiʼdoo wéñuuʼ ga̱jma̱a̱ ra̱ʼkhá tháán gáxmiéjuunʼ.+
17 Itháán májánʼ rí matatsiʼtsu ngínáaʼ náa rí nandún kuyamijná,+ki xóo miʼtsíí mbáa xedi̱ májáanʼ náa nawiñu̱u̱nʼ kuyamijná.+
18 Xa̱bu̱ bi̱ nakiʼnáa naʼni dí marigá xkujndu,+mú xa̱bu̱ bi̱ naʼngo̱o̱ a̱jkiu̱u̱n* naʼni rí xágiʼdu̱u̱n.+
19 Náa kambo̱o̱ xa̱bu̱ bi̱ naskoo mba̱wíí tsuwanʼ rígá,+mú kambu̱ún xa̱bu̱ jmbiin mbáníí.+
20 Ada̱ bi̱ najmañuu naʼni rí maʼdxuu anu̱u̱,+mú xa̱bu̱ skágunʼ tsémajkhuu kaʼyoo ru̱dúu̱.*+
21 Xa̱bu̱ bi̱ nda̱a̱ a̱jkiu̱u̱n nanigu̱u̱ʼ maʼni rí nuni̱ xa̱bu̱ skágunʼ,+mú xa̱bu̱ bi̱ najmañuu na̱jkha̱ má xúʼko̱ náa kamba̱a̱ rí májánʼ.+
22 Índo̱ tsétamijná, tségájnuu májánʼ awan,mú náa kúwá mbaʼin bi̱ nuxna consejo nagájnuu májánʼ rí nuni̱.+
23 Nadxuu xa̱bu̱ índo̱ nariʼña̱a̱ májánʼ,+¡ra̱ʼkhá tháán májánʼ mbá ajngáa dí najuiʼthá índo̱ phú ndayóoʼ!+
24 Bi̱ nandxa̱ʼwáminaʼ májánʼ xtáa náa kamba̱a̱ rí na̱jkha̱ kayáa maxtáa májánʼ+ga̱jma̱a̱ maxtáa mba̱yu̱u̱ʼ, ga̱jma̱a̱ tséjkha̱ náa kamba̱a̱ rí nagajtaa náa Iñá wajinʼ.*+
25 Jeobá maʼni gámbáa goʼwóo bi̱ naʼnimbamínáʼ,+mú xáyéjxingaa ndawaa ndrígóo a̱ʼgú xuáʼa.+
26 Jeobá nawi̱yu̱u̱ʼ eʼni awan dí naguwíi xa̱bu̱ ra̱májáanʼ,+mú nanigu̱u̱ʼ ajngáa rí mitsaanʼ.*+
27 Bi̱ naʼni kúwáʼ dí magiʼdoo naʼni dí muguaʼdáá xkujndu bi̱ kúwá náa goʼwóo,+mú bi̱ tsénigu̱u̱ʼ magruigú mbá regalo mu maʼni dí ra̱májánʼ, maxtáa má xúʼko̱.+
28 Xa̱bu̱ májáanʼ nandxaʼwáminaʼ májánʼ dí gáriʼña̱a̱,*+mú náa rawúúnʼ xa̱bu̱ ra̱míjíinʼ nagájnuu ajngáa dí ra̱májánʼ.
29 Jeobá tséʼdxawun xa̱bu̱ ra̱májáanʼ,mú naʼdxawuun dí naʼtájkháan xa̱bu̱ májáanʼ.+
30 Rí xnduʼwá inuu mbáa xa̱bu̱ naʼni dí maʼdxuu a̱jkia̱a̱nʼ,ga̱jma̱a̱ mbá ajngáa rí májánʼ naxnáa tsiaki̱i̱.*+
31 Bi̱ naʼdxawuun índo̱ nuxpri̱guíí dí ma̱ndoo maʼni maxtáa,xtáa náa majñu̱únʼ xa̱bu̱ bi̱ najmañún.+
32 Bi̱ naʼni gaʼduunʼ dí nuxpri̱guíí, tsémajkhuu vida ndrígóo,+mú bi̱ naʼdxawuun dí nuxpri̱guíí, na̱jkha̱nú nakro̱ʼo̱o̱.*+
33 Dí mamiñáanʼ xtayáá Jeobá nindxu̱u̱ xóo mbá escuela náa majmañaaʼ,+mu mbáa magruigú gamajkhu, ginii ndayóoʼ mani̱ndxu̱u̱ xa̱bu̱ wabaaʼ.+
Mbaʼa nota
^ O “Ajngáa rí naʼni̱i̱ náa nigawáanʼ”.
^ O “tátée”.
^ O “Abadón”.
^ Náa ajngáa hebreo naʼthí, “espíritu”.
^ O “lajuíin”.
^ O “tsékiʼnáa nacha̱”.
^ O “nánée”.
^ Náa ajngáa hebreo naʼthí, “Seol”.
^ O “nagui̱i̱”.
^ O “ndaʼyoo májánʼ dí gáriʼña̱a̱”.
^ Náa ajngáa hebreo naʼthí, “naʼni dí maʼni mba̱ʼu̱ itsa̱a̱ʼ”.
^ Náa ajngáa hebreo naʼthí, “gíʼdoo a̱jkiu̱u̱n”.
