Proverbios 30:1-33
30 Ajngáa rí gíʼdoo numuu rí niʼthí Agur a̱ʼdióo Jaqué, dí niʼthúu̱n Itiel ga̱jma̱a̱ Ucal.
2 Nindxu̱ʼ mbáa xa̱bu̱ bi̱ tséjmañuu wéñuuʼ ki xóo eʼwíinʼ+ga̱jma̱a̱ tsékro̱ʼo̱ʼ xóo gíʼmaa mikro̱ʼo̱o̱ mbáa xa̱bu̱.
3 Táʼgánú majmañuʼ,ni má na̱nguá gúʼdoo ku̱ma̱ rí na̱ʼkha̱ náa bi̱ phú Mikaʼwii.
4 Tsáá lá nitsimuu náa mekhu ga̱jma̱a̱ nda̱wa̱á nigajta̱a̱ xígií rá.+
Tsáá lá niʼngo̱o̱ niguajtuun giñánʼ ga̱jma̱a̱ ñawún paskoo rá.
Tsáá lá niʼngo̱o̱ nimbújxi iyaʼ ga̱jma̱a̱ xtíñuu rá.+
Tsáá lá niʼni* náa naguámbári̱go̱o̱ ku̱ba̱ʼ rá.+
Xú káʼnii mbiʼyuu ikhaa ga̱jma̱a̱ xú káʼnii mbiʼyuu a̱ʼdióo, á mu natayáá rá.
5 Xúgíʼ ajngóo Dios nindxu̱u̱ kaʼwu.+
Ikhaa nindxu̱u̱ xóo mbá escudo náa mbá xúgíinʼ bi̱ numbayúmíjná náa ikhaa.+
6 Xátani̱raʼmáaʼ nimbá náa ajngóo Dios,+raʼkháa maxpríguáaʼ gáʼniga̱jma̱a̱ makujmaa kaʼwu dí ikháán minduwáánʼ.
7 Dios, a̱jma̱ rígi̱ dí na̱nda̱ʼa̱a̱ʼ,
xátani gaʼduunʼ maraxnu̱ʼ nákha xóó tsékháñúʼ.
8 Atambáyúʼ mu xánindxu̱ʼ mbáa bi̱ naʼni nduwaʼ ga̱jma̱a̱ xáta rí minduwaʼ.+
Xátatsiʼñááʼ dí mani̱ndxu̱ʼ mbáa xa̱bu̱ ngínáa ni má rí magúʼdoo.
I̱ndó atatsíñúnʼ miʼkhu rí kaʼyoʼ miʼkhu,+
9 raʼkháa gáʼni dí magiʼmuʼ ga̱jma̱a̱ ma̱ni̱ gaʼduunʼ dí naninúwíín, ma̱ta̱ “Tsáá lá nindxu̱u̱ Jeobá rá.”+
O maʼni ngínún ga̱jma̱a̱ ma̱ni̱ kuʼwáʼ, rúʼko̱ gáʼni dí maríya̱ʼ majkhuu mbiʼyaaʼ Dios ndrígóʼ.
10 Xárata̱ dí raʼkhí ga̱jma̱a̱ numuu mbáa ñumbáá náa inuu patriúun,raʼkháa gáʼni dí maʼtátsríguíín ga̱jma̱a̱ ikháán maraʼdáá aʼkháanʼ.+
11 Kúwíin xa̱bu̱* bi̱ nutatsríguíi anu̱ún*ga̱jma̱a̱ tséni̱ tsajkurámaaʼ ru̱dún.*+
12 Kúwíin xa̱bu̱ bi̱ nakumu̱ún dí nindxu̱ún kaʼwiin,+mú na̱nguá niguma kaʼwi̱ín náa dí tsagiin.*
13 ¡Kúwíin xa̱bu̱ bi̱ ra̱ʼkhá tháán enimbaʼumíjna̱,ga̱jma̱a̱ índo̱ nduñún eʼwíinʼ, tsémajkhún eni̱...!+
14 Kúwíin xa̱bu̱ bi̱ guáʼdáá iñúúnʼ xóo espada,ga̱jma̱a̱ itsu̱ rawúúnʼ xóo chílú,naʼphu̱u̱n xa̱bu̱ bi̱ ndawa̱a̱ tsáa mambáñún náa tsu̱du̱u̱ ku̱ba̱ʼ,ga̱jma̱a̱ bi̱ ngíníi.+
15 Sanguijuela* gíʼdiin a̱jmi̱i̱n wa̱ʼxa̱ʼ* bi̱ nundxa̱ʼwa̱ “¡Nandoʼ xóó! ¡Nandoʼ xóó!”.
Rígá ajtsú rí nditháan tségiʼmuu,mbá a̱jkhu̱ rí nditháan tséthi “¡Ikhí rá!”:
16 Iñá wajinʼ,*+ xtíjyúu a̱ʼgu̱ bi̱ tségiʼdiin e̱ji̱n,mbá ku̱ba̱ʼ náa nda̱a̱ iyaʼ,ga̱jma̱a̱ mbá aguʼ rí nditháan tséʼthí “¡Ikhí rá!”.
17 Xa̱bu̱ bi̱ nutsijmaa anu̱ún ga̱jma̱a̱ tsémajkhún dí munimbu̱ún kuyáá ru̱dún,+yu̱wa̱ʼ bi̱ kúwá náa mata* murawíi idún,ga̱jma̱a̱ muphu̱u̱n ejín bíyú.+
18 Rígá mbá ajtsú dí tséʼngo̱o̱ gíkro̱ʼo̱ʼ,*mbá a̱jkhu̱ dí tsékro̱ʼo̱ʼ:
19 Xóo ejkha̱ bi̱yú rijma̱a̱,xóo ejkha̱ kújmuu a̱bu̱nʼ náa itsí,xóo ejkha̱ barco náa lamáa*ga̱jma̱a̱ xóo eʼni mbáa xa̱biya̱ ga̱jma̱a̱ mbáa dxáʼgú.
20 Xígi̱ kaʼnii eʼni mbáa a̱ʼgu̱ bi̱ nakudaminaʼ aʼkhá gajmíi̱n eʼwíinʼ:
Nakuiʼtsu ga̱jma̱a̱ nakúdíi rawuunʼ,nda̱wa̱á naʼthí “Táni̱ nimbá dí ra̱májánʼ”.+
21 Rígá mbá ajtsú dí ku̱ba̱ʼ naʼni maguáʼaan,mbá a̱jkhu̱ dí xa̱bu̱ tséʼngu̱u̱n gúraʼníí:
22 Dí ñumbáá maʼga̱nú mani̱ndxu̱u̱ rey,+dí bi̱ skáguiinʼ maʼskoo gáʼni ganitsu,
23 rí a̱ʼgu̱ bi̱ tsíñún gúyáá maʼga̱nú mbayáa xa̱bu̱,ga̱jma̱a̱ dí a̱ʼgú ñumbáá mariʼkuriya̱a̱ʼ patrona ndrígóo.+
24 Kúwíin a̱jkhui̱i̱n xujkhúʼ, maski ajndu nindxu̱ún bi̱ itháan majkhiinʼ bi̱ kúwá náa tsu̱du̱u̱ ku̱ba̱ʼ,mú ra̱ʼkhá tháán ejmañún:+
25 Ajkuáan, na̱nguá nindxu̱ún xujkhúʼ gújkuíinʼ,*mú nugimbóó ganitsu índo̱ naʼni ruʼphu,+
26 xujkhúʼ damán,*+ na̱nguá nindxu̱u̱ mbáa xujkhúʼ xkujiiʼ,*mú naʼni goʼwóo náa itsí,+
27 tsíʼbu,*+ na̱nguá guáʼdaa mbáa rey,mú xúgíinʼ nagún mámbá grupo,+
28 xujkhúʼ geco,+ na̱jkha̱ kújmuuga̱jma̱a̱ nato̱ʼo̱o̱ náa naʼtáñajunʼ rey.
29 Kúwi̱i̱n ajtsíin bi̱ nduya bi̱ mitsaanʼ* xóo egún,a̱jkhui̱i̱n bi̱ mitsaanʼ xóo ebañimíjna̱:
30 León, itháan gújkuiiʼ ki xóo eʼwíinʼ xujkhúʼ,ga̱jma̱a̱ tséjkha̱a̱ skidiʼ índo̱ ndaʼyoo mbáa,+
31 xu̱wánʼ galgo, chivátu,*ga̱jma̱a̱ mbáa rey bi̱ na̱jkha̱ gajmíi̱n soldádiu̱u̱.
32 Á mu ikháán dí nindxa̱a̱ʼ mbáa xa̱bu̱ skágunʼ, nitanimbamínáʼ,+o nitatsaʼwáminaʼ matani̱,atruguáá rawaanʼ ga̱jma̱a̱ ñawáanʼ.+
33 Numuu rí xó má natatsiʼñíí leche, naguajtaa mantequillaga̱jma̱a̱ dí nataxújmbi̱i̱ rakháaʼ, naʼni rí ma̱ʼkha̱ eʼdi,xúʼko̱ má rí natani̱ makásngañu̱únʼ xa̱bu̱, naʼni dí magi̱ʼdu̱u̱n.+
Mbaʼa nota
^ Náa ajngáa hebreo naʼthí, “nikujxi̱”.
^ O “nániu̱ún”.
^ O “tátiu̱ún”.
^ Náa ajngáa hebreo naʼthí, “Bi̱ naguwáʼ rakúwá”.
^ Náa ajngáa hebreo naʼthí, “ambún”.
^ Nindxu̱u̱ mbáa ñu̱u̱ bi̱ xtáa náa iyaʼ á mu nagiʼma náa xtún xujkhúʼ o xa̱bu̱ naʼga̱a̱n eʼdiún.
^ O “i̱jín go̱ʼo̱”.
^ O “bóo”.
^ O “dí nújngoó mitsaanʼ e̱yo̱o̱ ikhúún”.
^ O “mar”.
^ Náa ajngáa hebreo naʼthí, “Ajkuáan, xuajin dí ragíʼdoo tsiaki̱i̱”.
^ Nindxu̱u̱ mbáa xujkhúʼ bi̱ xóo conejo kaʼnii bi̱ xtáa náa rígá itsí.
^ Náa ajngáa hebreo naʼthí, “damán, xuajin dí ragíʼdoo tsiaki̱i̱”.
^ O “nagui̱i̱”.
^ O “tsu̱jtu e̱jmba̱a̱”.
