Proverbios 7:1-27
7 A̱ʼdióʼ, atanimbáníí dí natha̱a̱nʼ,ga̱jma̱a̱ atrajxi̱i̱ kiʼtáñajunʼ ndrígóʼ xóo dí gíʼdoo numuu.+
2 Atanimbáníí kiʼtáñajunʼ ndrígóʼ mu maraxtaa má xúʼko̱,+atayáá dí ra̱ʼkhá tháán gíʼdoo numuu rí nasngáaʼ* rí asndu nindxu̱u̱ xóo xa̱biu̱u̱ idaaʼ.
3 Atruʼwájma náa e̱ji̱i̱n ñawáanʼga̱jma̱a̱ atanirámáʼ náa a̱jkia̱a̱nʼ.+
4 Aratháán ku̱ma̱ rí na̱ʼkha̱ náa Dios “Ikháán ñajuaanʼ dxájuʼ dxáʼgú”
ga̱jma̱a̱ aratháán rí nakrua̱ʼa̱a̱ʼ dí ikhaa nindxu̱u̱ bi̱ xtayáá,
5 mu ikhiin muñewa̱a̱nʼ náa a̱ʼgu̱ bi̱ naʼni aʼkhá,*+muñewa̱a̱nʼ náa a̱ʼgu̱ bi̱ nabóoʼ gajmíi̱n eʼwíinʼ* ga̱jma̱a̱ náa ajngáa rí najmuu mu maʼni rájáánʼ.+
6 Asndu náa ventánúu goʼwóʼnijnguti̱ya̱ʼ ga̱jma̱a̱ náa iñúuʼ, niye̱jxirigú mbayííʼ,
7 índo̱ nixtáá rayejxu̱u̱n bi̱ tséjmañún,ikhí ndi̱yo̱o̱ mbáa dxámá bi̱ nda̱a̱ a̱jkiu̱u̱n.+
8 Na̱jkha̱ náa calle dí rígá náa mijngii esquina náa xtáa a̱ʼgu̱ buʼko̱,ga̱jma̱a̱ na̱jkha̱ maʼga náa mbájmbu goʼwóo,
9 índo̱ na̱jkha̱ rakhíʼ, na̱jkha̱ raʼni mikína,+na̱jkha̱ raʼni mbruʼun ga̱jma̱a̱ índo̱ mikína má.
10 Ikhú ndi̱yo̱o̱ mbáa a̱ʼgu̱ bi̱ nagájnuu gátsijnuu,kagíʼ xtíñuu xóo mbáa a̱ʼgu̱ bi̱ nagujuamínáʼ+ ga̱jma̱a̱ lístíi.
11 Ra̱ʼkhá tháán eni̱gu̱u̱ʼ maʼthí ga̱jma̱a̱ tséʼnimbo̱o̱.+
Nditháan na̱nguá xtáa náa* goʼwóo.
12 Na̱jkha̱ náa calle ga̱jma̱a̱ nda̱wa̱á na̱jkha̱ náa xuáá,náa mámbá esquina na̱jkha̱ rawi̱ji̱ rayama.+
13 Nagujtuwiin ga̱jma̱a̱ na̱ʼkhu̱ rawuunʼ,asndu tséti̱yu̱u̱ʼ eʼyoo ga̱jma̱a̱ naʼthúu̱n:
14 “Ndiyóoʼ rí maxnajxí tsigijñaʼ dí tsímáá.*+
Xúgi̱ ninimbánuu rí nikuʼdáminaʼ.
15 Ikha jngóo nigájnuʼ gátsijnaaʼ,mu mbaʼñáánʼ ga̱jma̱a̱ ¡dí xúgi̱ nixkamán má rá!
16 Ni̱niratoo má xia̱wu̱ʼ ga̱jma̱a̱ cobija dí mi̱du̱ dí wa̱ba̱ʼ,dí niguma ga̱jma̱a̱ lino dí na̱ʼkha̱ náa Egipto dí gíʼdoo color gakhi̱i̱.+
17 Nixtíjyóoʼ xia̱wu̱ʼ ga̱jma̱a̱ mirra, áloes* ga̱jma̱a̱ canela.+
18 Ayi̱ muʼbúlú asndu gájtsi,*gu̱ʼni̱ gagimijnálu ga̱jma̱a̱ rí muʼbúlú.
19 Numuu dí náa goʼwóʼ ndawa̱a̱ a̱jmbio̱ʼ,*nigájnuu ni̱jkha̱ mitsínguánʼ.
20 Niyéjkha̱ mbújkha̱a̱,ga̱jma̱a̱ ma̱ʼkha̱a̱* asndu índo̱ gági̱ʼi̱ gu̱nʼ dijndii”.
21 Naʼngo̱o̱ naʼni nduwaaʼ ga̱jma̱a̱ dí naʼthúu̱n.+
Naʼnirájáaʼ ga̱jma̱a̱ ajngáa mitsaanʼ.*
22 Mbá nacha̱ dxámá na̱jkha̱ kidxuuʼ, xóo mbáa xedi̱ bi̱ na̱jkha̱ kiʼyáa náa makhañúu,xóo mbáa skágunʼ bi̱ mamínuuʼ náa ixi̱,*+
23 asndu índo̱ mbá flecha nafraʼa jngaa náa xkígóo.Xóo ñu̱ʼu̱ bi̱ nacha̱ expátuáʼáan náa tsáʼkhá, ikhaa tséʼyoo á mu rígi̱ gamíi maʼni rí makhañúu.+
24 Dí xúgi̱ rá e̱ji̱nʼ, gudxawunʼla,guʼgíʼ májánʼ edxa̱la mudxawíín rí na̱tala.
25 Xátatsiʼñááʼ dí a̱jkia̱a̱nʼ maʼga kañáán náa kambo̱o̱ ikhaa.
Xádxúʼ náa na̱jkha̱.+
26 Numuu dí ikhaa mbaʼin má niʼni kámbiñu̱u̱nʼ,+mbaʼin bi̱ ikhaa nigudíin.+
27 Dí mi̱dxu̱ʼ náa goʼwóo nindxu̱u̱ xóo midxu̱u̱ʼ náa Iñá wajinʼ,*ga̱jma̱a̱ dí mi̱dxu̱ʼ ikhí nindxu̱u̱ xóo mi̱dxu̱ʼ náa makhañáaʼ.
Mbaʼa nota
^ O “atiéjxi̱i̱ xtángoo ndrígóʼ”.
^ Náa ajngáa hebreo naʼthí, “Rajkhúu nditháan nda̱a̱ náa”.
^ Xúʼko̱ mbiʼyuu mbá ixi̱ rí naxná wájyooʼ ga̱jma̱a̱ aceite dí najmún xa̱bu̱ nákha wajyúuʼ mu muni̱ rí ndataun.
^ Náa ajngáa hebreo naʼthí, “Guʼwa̱a̱n rí nandulú kuʼyamijná asndu índo̱ gájtsi”.
^ O “jmbayi̱ʼ”.
^ Náa ajngáa hebreo naʼthí, “xáʼkha̱a̱”.
^ O “nagui̱i̱”.
^ O “cepo”. Náa ajngáa hebreo naʼthí dí rígi̱ nindxu̱u̱ náa nuxudaʼ ñawúúnʼ, rajkhúún ga̱jma̱a̱ edxu̱ún.
