D tigims toɛy-toɛyã pʋsẽ, d tara tẽed-n-taas sẽn sɩng n tũud a Zeova hal sẽn kaoose. D tõe n dɩka yam b sẽn teeg a Zeova to-to wã wɛɛngẽ. D tõe n sok-b-la sogsg a Zeova siglgã wɛɛngẽ, zu-loees nins b sẽn paame, la a Zeova sẽn sõng-b to-to tɩ b tõog n mao ne rẽ. D tõeeme me n bool d tẽed-n-taag sẽn kʋʋl t’a wa naag tõnd d zak pʋgẽ Biibl zãmsgã sasa, n sok-a sogsgo.

Yãmb sã n yaa kiris-ned sẽn sɩng n tũud a Zeova hal sẽn kaoose, sak-y n gom-y y tẽebã yell ne kiris-neb nins yʋʋm sẽn pa ta yãmba. A Zakoob ne a Zozɛf togsa b yagensã bũmb nins b sẽn yã b vɩɩmã pʋgẽ wã. (Sɩng. 48:21, 22; 50:24, 25) Kaoosg zugẽ, a Zeova wa n datame tɩ zak-soben-dãmbã togs b kambã a tʋʋm-kãsemsã. (Tõo. 4:9, 10; Yɩɩn. 78:4-7) Rũndã-rũndã me, roagdbã la tigingã neb a taabã tõe n togsa kom-bɩɩsã bõn-kãsems nins a Zeova sẽn maan ne a siglgã maasmã.

GES-Y VIDEO WÃ: D MODG TƖ ZEMS-N-TAAR KELL N ZĨND D SƲKA, BAA B SÃ N WA GƖDG D TŨUDMÃ. RẼ POOR BƖ Y LEOK SOGSGÃ:

• B sẽn gɩdg tõnd tũudmã tẽns kẽer pʋsẽ wã, bõe la Otris filiyallã maan-yã n sõng d tẽed-n-taasã?

• Bõe la d tẽed-n-taas nins sẽn da be tẽn-kãensã maan-yã, tɩ b tẽebã kell n tall pãnga?

• Bõe yĩng tɩ Rumani saam-biis la saam-bi-pogs wʋsg ra yãk yam n bas a Zeova siglgã, la yɩɩ wãn tɩ b lebg n wa?

• Wãn to la kiba-kãensã paasd tõnd tẽebã pãnga?