Bõe yĩng tɩ Wẽnnaam pa kelgd pʋʋsg kẽere?
Biiblã sẽn yete
Pʋʋsg kẽer n be tɩ Wẽnnaam pa leokdẽ ye. Bɩ d ges bũmb a yiib sẽn tõe n kɩt tɩ Wẽnnaam pa kelg ned pʋʋsgo.
1. Pʋʋsgã sã n pa zems ne Wẽnnaam daabã
Wẽnnaam pa leokd kosg sẽn kɩɩsd a raabã wall a noyã sẽn be Biiblã pʋgẽ wã ye. (1 Zã 5:14) Wala makre, Biiblã yetame tɩ d pa segd n yɩ rat-tɩ-loog rãmb ye. Reem n bao ligd wata ne rat-tɩ-looge. (1 Korẽnt-rãmbã 6:9, 10) Rẽnd yãmb sã n pʋʋsdẽ n dat n dɩ lotori, Wẽnnaam pa na n leok ye. Wẽnnaam pa tʋʋm-biig tɩ y tõe n yeel t’a maan bũmb ning fãa y sẽn dat ye. Sɩd-sɩda, y sũur segd n yɩɩ noog ne sẽn yaa woto wã. Sã n da pa woto, y segd n yɛɛsa neb a taabã sẽn tõe n kos Wẽnnaam t’a maan bũmb ningã.—Zak 4:3.
2. Sẽn pʋʋsd-a wã sã n kɩɩsda Wẽnnaam
Wẽnnaam pa kelgd neb nins sẽn yãk yam n sãamd a sũur ne b manesmã pʋʋsg ye. Wala makre, Wẽnnaam ra yeela neb nins sẽn yet tɩ b tũud-a lame n yaool n kɩɩsd-a wã yaa: “Baa ne yãmb sẽn pʋʋsd n yɩlemdẽ wã, mam ka kelgd ye. Yãmb nusã pida ne zɩɩm.” (Ezayi 1:15) La b sã n da toeem b yel-manesmã la b maneg b yellã ne Wẽnnaam, a ra na n kelga b pʋʋsgã.—Ezayi 1:18.
Découvrez aussi…
GŨUSG GASGÃ
Bõe yĩng tɩ pa pʋʋsg fãa la Wẽnnaam leokda?
Biiblã wilgda pʋʋsg nins Wẽnnaam sẽn kelgd la pʋʋsg nins a sẽn pa kelgde.
SOGSG BIIBLÃ SẼN LEOKDE
Bõe la m tõe n pʋʋs n kose?
Y na n bãnga bũmb ning sẽn kɩt tɩ Wẽnnaam pa getẽ tɩ tõnd zu-loeesã yõod pa sek a na sõng tõndã.
GŨUSG GASGÃ
Wẽnnaam reegda nebã fãa pʋʋsg bɩ? D sã n na n pʋʋse, yaa tɩlɛ tɩ d yĩgimdi, tɩ d zĩndi, pa rẽ bɩ n yals yĩngr bɩ?
Yãmb sã n pʋʋs Wẽnnaam, a na n deegame bɩ?
GŨUSG GASGÃ
Wãn to la y tõe n pʋʋs tɩ Wẽnnaam sak n kelg-yã?
Y tõe n pʋʋsa Wẽnnaam zĩig ning fãa, la sẽn yaa wakat ning fãa. Y tõe n zẽka y koɛɛg n pʋʋse, bɩ n pʋʋs y sũurẽ. A Zeezi wilga tõnd d sẽn tõe n pʋʋs to-to.
BIIBLÃ SẼN YETE
Kos-y Biibl zãmsgo
Y tõe n paamame t’a Zeova Kaset soab wa zãms yãmb Biiblã, yãmb y ye bala.