Ayub 18:1-21
18 Bildad+ Ja-Shua nodwoko niya:
2 “Ibiro wuoyo kama nyaka karang’o?
Ok ibedie mariek mondo eka wanyisi gima wadwaro wacho.
3 Ang’o momiyo ikawowa ka le+Kendo wachalo jo mofuwo* e wang’i?
4 Kata kikidhori matindo tindo gi mirima,Iparo ni piny biro dong’ gunda nikech in,Koso iparo ni lwanda biro wuok kare nikech in?
5 Ee, ibiro sim tach ng’at marach,Kendo mach mar ng’at marach ok nogol ler.+
6 Ler manie hema mare nolokre mudho,Mi noneg tache.
7 Chon nowuotho motegno, to tinde ok onyal,Rieknine e ma biro goye piny.+
8 Tiendene owuon notere e gogo,Kendo nomok e gogono.
9 Otego nomak ofunj tiende;Kendo nomok e obadho.+
10 Ochikne tol e lowo,Kendo oketne otegu e yo moluwo.
11 Masiche malich olwore+Kendo giluwore kode ka gi ka.
12 Tekone biro rumo,Kendo masira+ biro miyo owuoth kokwang’.*
13 Tuo chamo dende;Tuo marach mogik tieko tiendene gi bedene.
14 Igole e hemane ma yande odakie gi kuwe+Kendo ireto kode kitere e tho malit.
15 Jo mokia* nodag e hema mare;Kendo ibiro kir salfa* e dalane.+
16 Mana kaka yath two chakre tiendene manie bwo lowo nyaka bedene man malo,E kaka en bende obiro two.
17 Wi ji biro wil kode e piny,Kendo e nderni ji ok nong’e nyinge.
18 Noriembe oa e ler mondo odhi e mudhoNoriembe mondo owuog e piny ma nyak.
19 Onge nyathine kata nyikwaye ma biro dong’ bang’e,Kendo onge ng’ato ang’ata ma nodong’ e dalane.
20 Ka odiechienge ochopo, jo modak yo podho chieng’ nohum nonoKendo jo modak yo wuok chieng’ nobwog.
21 Ma e gima timore e hembe ng’at marachKendo timore e dala ng’at ma ok ong’eyo Nyasaye.”
