Ayub 17:1-16
17 “Tekona orumo, ndalona bende orumo;Liel e ma orita.+
2 Jojero olwora,+Kendo timbegi mag ng’anyo e ma asiko aneno pile.
3 A Nyasaye, singri ni ibiro konya.Be nitie ng’at machielo ma nyalo miya lwete mi konya ma ok in?+
4 Isedino pachgi* mondo weche kik donjnegi;+Mano e momiyo ok iting’gi malo.
5 Gichiwore mondo gikony osiepegi,To koni wenge nyithindgi dinore nikech kech.
6 Nyasaye osemiyo abedo ng’at mijaro* e kind oganda,+Mi abedo ng’at ming’ulo kuome olaw.+
7 Wengena olil nikech parruok,+Kendo bedena gi tiendena odong’ mana choke.
8 Jo ratiro neno kaka achalo kendo gihum nono,Jo makare ok mor gi jo ma ok oluoro Nyasaye.*
9 Ng’at makare makore mana gi timne makare,+Kendo ng’at ma lwete ler tekone medore ameda.+
10 Ero, koro dhiuru nyime chwoya gi weche,An to pok ayudo kata mana ng’ato achiel mariek e kindu.+
11 Ndalona koro oserumo;+Kendo chenro duto ma ne an-go e chunya osekethore.+
12 Gin jo ma loko otieno doko odiechieng’,Ka giwacho ni, ‘Ler chiegni donjo nikech sani en mudho.’
13 Ka amedo rito, Liel* biro bedo oda;+Kendo abiro pedho kitandana e mudho.+
14 Abiro wacho ne liel ni,+ ‘In e wuora!’
To kute abiro wachonegi ni, ‘Un e mamana kendo nyiminena.’
15 Koro genona ere?+
Be nitie ng’at ma diwach ni an gi geno moro amora?
16 Genona biro donjo koda e dho rangeye mag Liel*Kendo abiro dhi kode e buru.”+
Weche Moler Piny
^ Kata, “chunygi.”
^ Hibrania, “ngero.”
^ Kata, “joma ong’anyo ne Nyasaye.”
^ Hibrania, “Sheol.” Som Tiend Weche.
^ Hibrania, “Sheol.” Som Tiend Weche.
