Miqueas 5:1-15
5 “Ginapilasan mo ang imo kaugalingon,O anak nga babayi nga ginasalakay;Ginalikupan kita.+
Ginahampak nila sang sungkod ang guya sang hukom sang Israel.+
2 O Betlehem Efrata,+Ang pinakagamay sa mga banwa sang Juda,Sa imo magahalin ang isa nga magagahom sa Israel para sa akon,+Ang iya ginhalinan halin pa sang una, halin pa sang madugay na nga panahon.
3 Gani itugyan sila sang Dios sa ila mga kaawayTubtob sa tion nga ang babayi nga manugbata magabun-ag.
Kag ang nabilin sang iya mga utod magabalik sa katawhan sang Israel.
4 Magatindog sia kag bantayan ang panong sa kusog ni Jehova,+Kag sa pagkahalangdon sang ngalan ni Jehova nga iya Dios.
Kag magaistar sila didto nga may kalinong,+Kay magagahom sia sa bug-os nga duta.+
5 Magadala sia sing paghidait.+
Kon salakayon sang Asirianhon ang aton pungsod kag kon magtapak sia sa aton mga palasyo,+Magabayaw kita batok sa iya sing pito ka manugbantay, huo, sing walo ka prinsipe* halin sa katawhan.
6 Silutan nila paagi sa espada ang duta sang Asiria,+Kag ang mga dulunan sang duta ni Nimrod.+
Luwason niya kita batok sa Asirianhon,+Kon salakayon niya ang aton pungsod kag magtapak sia sa aton teritoryo.
7 Ang mga nabilin kay Jacob sa tunga sang madamo nga katawhanMangin pareho sang tun-og halin kay Jehova,Pareho sang mabunok nga ulan sa mga tanomNga wala nagalaum sa tawoKag wala nagahulat sa mga anak sang tawo.
8 Ang mga nabilin kay Jacob sa tunga sang mga pungsod,Kag sa tunga sang madamo nga katawhan,Mangin pareho sang leon sa tunga sang mga sapat sa kagulangan,Pareho sang bataon nga leon* sa tunga sang panong sang mga karnero,Nga nagapangsalakay kag nagapanggus-ab kon mag-agi;Kag wala sing magaluwas sa ila.
9 Madaug mo ang imo mga kaaway,Kag malaglag ang tanan mo nga kaaway.”
10 “Sa sina nga adlaw,” siling ni Jehova,“Pamatyon ko ang inyo mga kabayo kag gub-on ko ang inyo mga kangga.
11 Laglagon ko ang mga siudad sang inyo pungsodKag rumpagon ang tanan ninyo nga kuta.
12 Pauntaton ko ang binabaylan nga inyo ginahimo,*Kag madula na ang inyo mga madyikero.+
13 Gub-on ko ang inyo tinigib nga mga imahen kag ang inyo sagrado nga mga haligi,Kag indi na kamo magsimba sa mga diosdios nga ginhimo ninyo.+
14 Gabuton ko ang inyo sagrado nga mga poste*+Kag laglagon ko ang inyo mga siudad.
15 Sa akon kaakig kag kasingkal balusan koAng mga pungsod nga wala magtuman sa akon.”
