Samuel u sha Uhar 6:1-23
6 Davidi shi kohol ior mba hemban fan ityav ken Iserael cii, iorov 30,000.
2 Maa Davidi man ior mba ve lu vea na la cii, mough u yemen Baal-Yuda, za tôôn Areki u Aôndo u mimi la hiden a mi,+ u ior ka ve tile sha ishigh nagh, ve yila sha iti i Yehova u akum a sha,+ un u a tem sha ikyônough nagh ki torough sha* ucerubi la.+
3 Nahan kpa, ve tôô Areki u Aôndo u mimi la ve penda sha ikyekye i tôôn ikyav i he,+ ve mough a mi hen ya u Abinadabi+ u a lu sha igyungu la; Usa man Ahio, ônov mba Abinadabi mba nomso, hemen ikyekye la gbenda.
4 Ve tôô Areki u Aôndo u mimi la hen ya u Abinadabi, sha igyungu ve lu yemen a mi, Ahio gema lu zan Areki la sha hemen.
5 Davidi man ya u Iserael cii lu ember sha ishigh ki Yehova, a akaa a kuhwan kwagh a i er sha kon u yunipa atô kposo kposo yô, man mbaadiguve man akaa a kuhwan kwagh agen a lun a ikyar,+ man angengav+ man utsuatsua kua myôm ma kuhwan.+
6 Kpa mba va nyer hen vande u gbidyen iyiav u Nakon yô, Usa za uwegh nagh kôr Areki u Aôndo u mimi la,+ sha ci u ibua nôngo u tan un inya.
7 Nahan ishima vihi Yehova a Usa tsung, maa Aôndo u mimi la wua un+ her, sha ci u a per tindi u Aôndo;+ a kpe her hen kpe u Areki u Aôndo u mimi la.
8 Kpa ishima vihi Davidi er ishimavihin i Yehova sen* sha Usa yô; nahan mba yer ijiir la ér Perese-usa* zan zan nyian.
9 Nahan kwagh u Yehova cier Davidi iyol+ sha iyange la, maa a kaa ér: “A er nan man me va a Areki u Yehova la hen a mo?”+
10 Davidi lumun u van a Areki u Yehova ken Gar u Davidi+ ape lu la ga. Davidi gema yem a mi hen ya u Obedi-edom,+ Orgiti la.
11 Areki u Yehova la lu hen ya u Obedi-edom, Orgiti la iwer itiar, nahan Yehova lu veren Obedi-edom man ya na cii doo doo.+
12 I va ôr a Tor Davidi ér: “Yehova ver ya u Obedi-edom man akaa a a lu a mi cii doo doo, sha ci u Areki u Aôndo u mimi la.” Tsô Davidi za u za tôôn Areki u Aôndo u mimi la hen ya u Obedi-edom, van a mi hen Gar u Davidi a iember.+
13 Mba ve tôô+ Areki u Yehova la mba ndyaren angahar ataratar yô, a na nagh sha nombua man zendenya u kehen.
14 Davidi lu vinen amar ningir sha ishigh ki Yehova sha agee a na cii; hen shighe ne cii Davidi hua* ikyondo i efodi.+
15 Davidi man ya u Iserael cii lu van a Areki+ u Yehova la, ve lu geren sha iember+ shi tôngon ikyor.+
16 Kpa shighe u i va nyôr a Areki u Yehova ken Gar u Davidi la, Mikal+ wan u Saulu u kwase la gba ashe sha windou, nenge Tor Davidi lu tsuen amar ningir sha ishigh ki Yehova; tsô a gba lahan un ken ishima na.+
17 Ve va nyôr a Areki u Yehova la, ve kar ve za ver un hen ijiir na, ken tenti u Davidi tim sha ci na la.+ Nahan Davidi na iniav mbi nanden+ man iniav mbi bem+ sha ishigh ki Yehova.+
18 Davidi ne iniav mbi nanden man iniav mbi bem been yô, a ver ior doo doo ken iti i Yehova u akum a sha.
19 Heela tseegh ga, a na ior cii, man ikpela i Iserael cii, hanma nomsoor man kwase, kpenberedi u vingir man ijen i ake a ivilegh kua ijen i atam a wain a uman, maa ior cii hide yem, hanma or hen ya u nan.
20 Davidi hidi hen ya na yô, Mikal,+ wan u Saulu u kwase due va kohol un. Mikal kaa ér: “Nenge imba er tor u Iserael a hee iyol na, sha u bughun idyelegh na nyian sha ashe a ikpan i ukase i mbatomov nav, vough er ibumeor ka nan bugh idyelegh u nan ken igbar nahan+ sha wono!”
21 Davidi maa kaa a Mikal ér: “Ashen m lu ember i lu sha ishigh ki Yehova, un u yange tsuam, kera lu teru man ya na cii ga, shi a tsoughom ér m lu orhemen u ior mba Yehova, Iserael la.+ Sha nahan yô, me ember sha ishigh ki Yehova,
22 shi me hide a iyol yam ijime a hemba nahan je kpaa, shi me nenge iyol yam mer m gba kwagh ga. Kpa ikpan i ukase i u er kwagh ve la yô, vea nam icivir.”
23 Nahan Mikal,+ wan u Saulu u kwase la mar ônov ga zan zan kar kpen.
