Samuel u sha Uhar 4:1-12
4 Wan u Saulu Ishibosheti*+ ongo ér Abiner kpe ken Heberon+ yô, iyol kpe un* shi ishima za Mbaiserael cii iyol.
2 Yange nomso uhar lu mba ve nengen sha ikwe i mbayanishar i wan u Saulu yô: i yilan nomsoor u môm la ér Baanahi, i yilan ugen la ér Rekabi. Ve lu ônov mba Rimon, Orbeeroti ken ipyaven u Benyamin. (Gadia Beeroti+ kpa yange i wa un ken ipyaven u Benyamin.
3 Mbabeeroti yange ve yevese ve yem ken Gitaim,+ nahan mba shir ker zan zan nyian.)
4 Hen shighe ne, Yonatan+ wan u Saulu lu a wan u nomso u gba iwan shin angahar yô.+ Yange lu anyom ataan shighe u ibaver va nyôr ér, Saulu man Yonatan kpe ken Yesereel la.+ Tsô yese na tôô un gba yevese, kpa er lu yevese a mciem iyol yô, wan la za gba, maa hingir u gban iwan. I yilan wan ne ér Mefibosheti.+
5 Ônov mba nomso mba Rimon Orbeeroti la, ka Rekabi man Baanahi je la, za hen ya u Ishibosheti oo ibyugh ibyugh shighe u lu memen atetan yô.
6 Ve nyôr hen ya la, er mba za tôôn alakema nahan, maa ve kuma un sanker sha gbor; tsô Rekabi man anmgbian na Baanahi+ yevese yem.
7 Shighe u ve za nyôr hen ya shon la, ve nenge a yav sha gambe ken iyou na i tsan la, maa ve kuma un ve wua; mba been yô, ve gber un ityough. Tsô ve tôô ityough kira, ve zende tugh mbura cii sha gbenda u zan Araba la.
8 Ve za a ityough ki Ishibosheti+ hen Davidi ken Heberon, ve za kaa a tor ér: “Ka ityough ki Ishibosheti wan u Saulu, orhyom wou+ u yange lu keren we a ku+ ne je ne. Yehova or iyev nyian sha Saulu man ônov nav sha ci u terem tor.”
9 Nahan kpa, Davidi lam a Rekabi man anmgbian na Baanahi, ônov mba Rimon, Orbeeroti la, kaa a ve ér: “Mimi je, er Yehova a lu u uma ne, un u yange yimam ken ican yam cii la,+
10 shighe u or va kaa a mo ér, ‘Nenge, Saulu kpe,’+ shi nan hen ér nan ngu van mo a loho u dedoo la, m kôr nan m wua+ ken Shikelagi. Lu injar i m kimbi nan sha loho u nan va ôrom je la!
11 Man hide hegen u aferaior a za woo orperapera hen ya na sha gambe na ne ve, me de yee? Me pine awambe a na hen a ven,+ shi me bee a ven shin tar kera kpee je!”
12 Davidi maa kaa a agumaior la ér a wua ve.+ Ve tôndo ve ave man angahar, ve za hambe ve+ hen ityungu i ken Heberon. Kpa ve tôô ityough ki Ishibosheti ve za ii ken uwar u Abiner ken Heberon.
