Yesaya 6:1-13
6 Na ini a yari di Kownu Usia dede, mi si Yehovah sdon na tapu wan bun hei kownusturu. En krosi ben furu a heri tempel.
2 Den seraf-engel* ben de tapsei fu en. Ibriwan fu den ben abi siksi frei. Nanga tu frei den ben e tapu den fesi èn nanga tu frei den ben e tapu den futu. Nanga den tu tra frei den ben e frei lontu.
3 A wan ben e taigi a trawan nanga wan tranga sten:
„Yehovah di e tiri den legre de santa, santa, santa.
Heri grontapu furu nanga en glori.”
4 Di den ben e bari a sani disi gi makandra, den doropostu bigin seki èn a heri tempel ben kon furu nanga smoko.
5 Ne mi taki: „A kba gi mi!
Na dede mi o dede now.Bika mi na wan man di no abi wan krin mofoèn mi e tan na mindri sma di no abi krin mofo tu.Nanga mi eigi ai, mi si a Kownu, Yehovah di e tiri den legre!”
6 Dati meki wan fu den seraf-engel teki wan tanga, dan a puru wan faya krofaya fu na altari. Nanga a krofaya na ini en anu a frei kon na mi.
7 Dan a poti a krofaya na mi mofo èn a taki:
„A krofaya disi di mi poti na yu mofo
puru den fowtu fu yuèn yu kisi pardon fu yu sondu.”
8 Dan mi yere a sten fu Yehovah. A taki: „Suma o de wi boskopuman? Suma mi o seni?” Ne mi taki: „Dya mi de! Seni mi!”
9 Dan a taki: „Go taigi a pipel disi:
’Ibri tron baka unu o yere,ma unu no o ferstan.Ibri tron baka unu o luku,ma unu no o sabi noti.’
10 Meki a pipel disi kon tranga-ede,tapu den yesièn tapu den ai.Dan den no o man si nanga den ai,den no o man yere nanga den yesièn den no o man ferstan nanga den ati.Na so den no o man drai kon baka èn den no o man kon betre.”
11 Dan mi aksi: „Yehovah, o langa disi o tan so?” A piki:
„A o tan so teleki den foto tron brokopresi. Nowan sma o tan drape moro,nowan sma o tan na ini den osoèn a kondre o tron wan busbusi presi.
12 Yehovah o tyari ala sma go na wan fara presi.Wan bigi pisi fu a kondre o leigi.
13 Ma wan di fu tin pisi o de ete. A o bron tu, ma wan pisi fu en o tan abra. A o de leki a tompu fu wan bigi bon* di sma koti trowe. Wan santa pransun o gro na a tompu dati.”
