Yesaya 48:1-22
48 Arki, un sma fu Yakob,un pipel di e kari unsrefi Israelèn di kmoto na Yuda.*Arki, un sma di e sweri na a nen fu Yehovahèn di e kari a Gado fu Israelaladi unu e lei èn aladi unu no e du san reti.
2 A pipel disi e taki dati den de fu a santa fotoèn den e suku yepi na a Gado fu Israeldi nen Yehovah di e tiri den legre.
3 „Langa ten kba mi ben taki san ben o psa.*
Na mi eigi mofo ben taki den sani datièn mi sorgu taki unu kon sabi den.
Dan mi meki den sani disi psa wantronso.
4 Fu di mi sabi taki unu na tranga-ede sma,taki un neki na wan isri t’tei èn taki un fes’ede na fu kopro,
5 meki mi ben taigi unu den sani disi langa ten na fesi.
Mi ben ferteri unu den sani disi fosi den psa,so taki unu no ben o man taki fu den tra gado:’Na mi eigi gado du den sani disi èn na mi eigi gado taki so.’
6 Unu ben yere ala den sani disi èn unu si fa den psa.
We, a no ferteri un musu ferteri sma ala den sani disi?
Now mi o taigi unu nyun sani.Mi o ferteri unu kibritori di nowan fu unu no sabi.
7 Den sani disi a no fosten sani. Now fosi mi o meki den psa.Na tide fosi mi o meki unu yere den,so taki unu no man taki: ’Mi ben sabi disi kba.’
8 Unu no ben arki mi èn unu no ben ferstan noti.Na ini a ten di psa unu no ben wani yere noti.
Mi sabi taki unu no de fu fertrowèn taki unu na sondari sensi di unu gebore.
9 Na fu mi nen ede, mi no o puru atibron na un tapu.Na fu mi bun nen ede, mi o hori misrefièn mi no o puru unu na pasi.
10 Luku, mi krin unu, ma a no leki fa sma e krin solfru.
Mi meki unu nyan pina fu meki unu kon krin* neleki fa sma e poti isri na ini wan faya onfu fu meki a kon krin.
11 Na fu mi nen ede, iya, na fu mi nen ede, mi o du wan sani.Bika fa mi kan gi misrefi pornen?
Mi no o meki wan tra sma kisi a glori di mi musu kisi.*
12 Arki mi, Yakob nanga Israel, di mi kari.
Mi e tan a srefi ala ten. Mi na a foswan èn mi na a lastiwan tu.
13 Nanga mi eigi anu mi poti a fundament fu grontapu.Nanga mi ret’anu mi bradi hemel leki wan krosi.
Te mi e kari den, den e opo tnapu na a srefi ten.
14 Un alamala kon makandra èn poti yesi arki.
Sortu gado ferteri unu den sani disi?
A sma di Yehovah lobi
o du san a wani nanga Babilonèn a o kwinsi den Kaldeyasma.
15 Na misrefi taki so èn na mi kari en.
Na mi tyari en kon. Ala sani di a o du o waka bun.
16 Un kon na mi èn arki mi.
Sensi a bigin mi no kibri noti gi unu.
Di den sani disi bigin psa, mi ben de leti drape.”
Now a Moro Hei Masra Yehovah seni mi kon èn a poti en yeye na mi tapu.
17 Disi na san Yehovah, a sma di bai yu baka, a Santawan fu Israel, taki:
„Mi, Yehovah, na yu Gado.Mi na a sma di e leri yu san bun gi yu.*Mi na a sma di e sori yu a pasi di yu musu waka.
18 Mi winsi taki yu ben o poti prakseri na den wet fu mi!
Dan a freide fu yu ben o de leki wan libaèn a retidu fu yu ben o de leki den skwala fu se.
19 Yu ben o lai pkin leki santièn den bakapkin fu yu ben o furu leki aisanti.
Mi ben o sorgu taki a nen fu Israel no lasi gwe.”
20 Un kmoto na Babilon!
Lowe gwe fu den Kaldeyasma!
Bari fu prisiri èn ferteri ala sma a sani disi.
Iya, ferteri ala sma te na den moro fara pisi fu grontapu.
Taigi den: „Yehovah bai en futuboi Yakob baka.
21 Watra no ben kiri den di a meki den waka na ini a sabana.
A meki watra kmoto na ini a ston gi den.A priti a ston opo, so taki watra ben kan kmoto na ini.”
22 Yehovah taki: „Nowan freide no o de gi den ogrisma.”
