Yesaya 46:1-13
46 Bel boigi èn Neibo beni go na gron.*
Sma lai den popki fu den na tapu meti.Den de leki hebi lai gi den meti di kon weri fu tyari den.
2 Den boigi èn den beni go na gron makandra.Den no man kibri den lai*èn sma o tyari den gwe leki srafu tu.
3 „Arki mi, un sma fu Yakob nanga ala den Israelsma di tan abra.Sensi un tron wan pipel mi yepi unu èn mi sorgu unu leki wan m’ma.
4 Awinsi unu kon owru, mi e tan a srefi ala ten.Awinsi unu ede-w’wiri kon weti, mi o tan horbaka gi unu.
Iya, mi o tyari unu, mi o horbaka gi unu èn mi o ferlusu unu soleki fa mi ben du kba.
5 Nanga suma unu wani teki mi gersi? Unu denki taki wan sma de a srefi leki mi?Unu man poti wan sma na mi sei di gersi mi?
6 Yu abi sma di e puru wan lo gowtu na ini den monisakaèn den e wegi wan lo solfru.
Den e tyari en gi wan smeti fu a meki wan gado gi den.
Dan den e saka kindi fu anbegi a gado disi.*
7 Den e tyari en na tapu den skowru leki wan lai,dan den e go poti en na en presi èn na drape a e tan tnapu.
A no e kmoto na en presi.
Awinsi den bari kari en, a no e piki.Awinsi den de na nowtu, a no man ferlusu den.
8 Hori disi na prakseri èn teki dek’ati.
Meki a sani disi naki un ati, un sondari.
9 Memre den sani* di psa langa ten kba.Memre taki mi na Gado. Nowan tra Gado no de.
Mi na Gado èn nowan sma de leki mi.
10 Mi na a sma di e ferteri sensi a bigin san o psa te fu kba.Na mi e ferteri langa ten na fesi san o psa na ini a ten di e kon.
Mi na a sma di e taki: ’Sani musu psa soleki fa mi besroiti.*Mi o du ala san mi wani.’
11 Mi na a sma di e kari wan aka kon fu a presi pe son e opo.*Iya, mi o kari wan man fu wan fara kondre kon fu du san mi besroiti.*
Na mi taki a sani disi èn na mi o meki a psa trutru.
Mi teki mi besroiti kba èn na dati mi o du tu.
12 Arki mi, un tranga-ede sma*di no e du nowan sani di bun.
13 A dei fu mi retidu de krosbei.A no fara moro.A ferlusu di mi o tyari kon, no o kon lati.
Mi o tyari ferlusu kon na ini Sion èn mi o gi Israel a glori fu mi.”
Futuwortu
^ Bel nanga Neibo na nen fu falsi gado.
^ Dati na den popki di den lai na tapu den meti.
^ Hebrewtongo: „saka kindi boigi gi a gado disi”.
^ Hebrewtongo: „den fosi sani”.
^ Noso: „soleki fa mi abi na prakseri”.
^ Noso: „owstusei”.
^ Noso: „abi na prakseri”.
^ Hebrewtongo: „sma di abi wan tranga ati”.
