Yesaya 34:1-17
34 Un pipel, kon krosbei èn arki.Un pipel, poti prakseri.
Meki grontapu nanga ala sani na ini arki.Iya, meki a gron nanga ala sani na tapu arki.
2 Bika Yehovah mandi srefsrefi nanga ala den pipel.En ati e bron srefsrefi nanga a heri legre fu den.
A o figi den puruèn a o kiri den.
3 Sma no o beri den dedewan fu den.Den dedeskin o tingi a heri presièn a brudu fu den o nati den bergi petepete.*
4 A heri legre fu hemel o pori gwe.A hemel o lolo tapu leki wan bukulolo.
A legre fu en o drei gweleki den drei w’wiri di fadon kmoto na wan droifibonèn leki wan drei figa di fadon kmoto na wan figabon.
5 „Na hemel mi fet’owru o nati nanga brudu.
A o saka kon fu strafu Edom,a pipel di mi besroiti fu puru na pasi.
6 Mi, Yehovah, abi wan fet’owru. A heri fet’owru o nati nanga brudu.
Fatu o dropu fu en.A brudu fu yongu manskapu nanga bokobokoèn a fatu di de na den niri fu manskapu o de na en tapu.
Bika Yehovah sreka wan srakti-ofrandi na Bosraèn a o srakti furu meti na ini a kondre Edom.
7 Makandra nanga den, den mankaw fu a sabana,den yongu mankaw èn den tranga mankaw o fadon.
Brudu o lai na ini a heri kondre fu denèn a fatu fu den o lai na a heri gron.”
8 Yehovah abi wan dei pe a o puru atibron na tapu en feanti.Na ini a yari dati a o pai den fu den ogri di den du nanga Sion.
9 A watra fu den liba fu en* o tron taraèn a doti fu en o tron kroiti.*A kondre musu tron leki tara di e bron.
10 Awinsi na dei noso neti, tòg a faya no o dede.A o tan smoko fu ala ten.
Awinsi omeni yari psa, a kondre o tan wan sabana.Noiti moro wan sma o psa na ini.
11 Den pelikaan-fowru nanga den dyindyamaka o tan drape.A o tron a tanpresi fu den langayesi owrukuku nanga den bigi blaka fowru.
Nanga wan lin èn nanga wan loto Gado o marki a kondre disifu sori taki a o leigi èn taki a o kisi pori.
12 Nowan heihei man fu den o tron kownu.Den granman fu den no o de moro.
13 Soso makabon o gro na ini den tranga torenèn krasi-w’wiri nanga makabusi o gro na ini den fortresi.
A foto o tron wan tanpresi fu sabanadaguèn wan presi pe stroisfowru e tan.
14 Na drape den meti di e tan na ini sabana o miti nanga den sabanadagu di e bari krei.Den bergikrabita* o kari den mati fu den kon drape.
Iya, na drape a yorkafowru o feni wan presi fu rostu èn wan presi fu tan.
15 Na drape a sakasneki o meki en nesi èn na drape a o meki eksi.Na drape a o sdon na tapu den eksi teleki den broko èn na drape a o sorgu den pkin fu en.
Iya, na drape den aka o kon makandra, den manwan nanga den umawan.
16 Un go luku san skrifi na ini a buku fu Yehovah èn leisi meki tra sma yere.
Nowan fu den meti disi o mankeri.Fu ala den meti disi wan manwan nanga wan umawan o de,bika na Yehovah srefi taki nanga en eigi mofo taki disi o psaèn en eigi yeye tyari den kon na wán.
17 Na en srefi iti lot gi denèn nanga en eigi anu a marki wan presi pe den kan tan.
Fu ala ten den o tan drape.Iya, awinsi omeni yari psa, na drape den o tan.
