Yesaya 15:1-9
-
Krutuboskopu gi Moab (1-9)
15 Disi na wan krutuboskopu gi Moab:
Na ini wán neti sma pori Ar na ini Moab.Dati meki ala sani de pî.
Na ini wán neti sma pori Kir na ini Moab.Dati meki ala sani de pî.
2 A go krei na a tempel, na Dibonèn na den hei presi pe a e anbegi den gado fu en.
Moab e bari krei, fu di Neibo nanga Medeba kisi pori.
Ala sma drape krebi den ede èn den alamala koti den barba.
3 Den e waka nanga rowkrosi na strati.
Ala sma e bari krei na tapu den dak fu den oso èn na den pren.*Den e saka na gron èn den e krei.
4 Hesbon nanga Eleale e bari.Te na Yahas sma e yere den sten.
Dati meki den fetman fu Moab srefi e bari.
Den e beifi fu di den e frede.
5 Mi ati e krei fu Moab ede.
Den sma di lowe gwe fu Moab doro te na Sowar nanga Eklat-Selisia.
Nanga watra-ai ibriwan fu den e kren go na Luhit.Na a pasi fu Horonayim den e bari krei fu a bigi ogri di miti den.
6 Nimrim-liba kon drei.A grun grasi kon drei.Ala grasi dede èn nowan grun w’wiri de moro.
7 Dati meki den sma tyari ala den sani di den ben kibri nanga ala den gudu fu den gwe,dan den abra a lagipresi pe den populier-bon e gro.
8 Na ini a heri kontren fu Moab sma e bari.
Te na Eklayim sma e yere a b’bari fu den.Te na Beyer-Elim sma e yere a b’bari fu den.
9 Bika Dimon-liba furu nanga brudu.Ma mi o meki moro ogri sani psa na Dimon:
Lew o nyan den loweman fu Moabnanga den sma di tan abra na ini a kondre.
