Yesaya 43:1-28
43 Yehovah, a Mekiman fu Yakob,a Mekiman fu Israel, taki:
„No frede, bika na mi bai unu baka.
Mi kari unu na un nen.
Unu na fu mi.
2 Te unu musu psa na ini watra, mi o de nanga unu.Te unu musu psa na ini liba, mi o sorgu taki unu no sungu.
Te unu musu psa na ini faya, mi o sorgu taki unu no bron.Iya, nowan faya o bron unu.
3 Bika mi na un Gado Yehovah,a Santawan fu Israel, un Ferlusuman.
Mi gebroiki Egepte fu pai gi unu, so taki unu kan kisi ferlusu.Mi kenki Etiopia nanga Seiba fu kisi unu.
4 Fu di mi e si unu leki wan gudu,meki mi e gi unu grani èn mi lobi unu.
Mi o gebroiki tra sma nanga tra pipelfu pai gi un libi.
5 No frede, bika mi de nanga unu.
Fu owstusei mi o tyari den pkin fu unu konèn fu west-sei mi o tyari unu kon makandra.
6 Mi o taigi noordsei: ’Gi mi den baka!’
èn zuidsei: ’No hori den moro.
Tyari den manpkin fu mi kon fu farawe. Tyari den umapkin fu mi kon fu den moro fara presi fu grontapu.
7 Tyari ala sma kon baka di e tyari mi nen,di mi meki fu gi mi glorièn di mi meki nanga mi eigi anu.’
8 Tyari wan pipel kon di breni aladi den abi ai fu sièn di dofu aladi den abi yesi fu yere.
9 Meki ala pipel kon makandra na wán presièn meki difrenti grupu sma kon makandra.
Sortu gado* man ferteri den sani disi?
Den man meki wi yere san o psa fosi?*
Meki den tyari kotoigi kon fu sori taki den abi leti.Meki den yere èn taki: ’A sani disi tru!’”
10 „Unu na mi kotoigi”, na so Yehovah taki.„Unu na den wan di mi teki leki mi futuboi.Na so unu o sabi mi èn bribi mi*èn unu o ferstan taki mi e tan a srefi ala ten.
Fosi mi, nowan Gado ben deèn baka mi nowan Gado o de tu.
11 Mi, iya, mi na Yehovah. Boiti mi, nowan ferlusuman no de.”
12 „Na mi taki na fesi san ben o psa, na mi ferlusu unu èn na mi ferteri unu den sani disidi nowan tra gado ben de na un mindri.
Dati meki unu na mi kotoigi èn mi na a tru Gado”, na so Yehovah taki.
13 „Boiti dati, mi e tan a srefi ala ten.Nowan sma man puru wan sani na mi anu.
Te mi wani du wan sani, suma man tapu mi fu du dati?”
14 Disi na san Yehovah, a Santawan fu Israel, a sma di bai unu baka, taki:
„Na fu unu ede mi o seni wan sma go na Babilon èn mi o broko den sroto fu den portu.Mi o meki den Kaldeyasma na ini den sipi bari krei fu di den e frede.
15 Mi na Yehovah, a Santawan fu unu, a Mekiman fu Israel, a Kownu fu unu.”
16 Yehovah na a smadi e meki wan pasi na ini a se,iya, a e meki wan pasi na mindri bigi watra.
17 En na a sma di e seni asi nanga fetwagièn wan legre fu tranga man go na feti. A taki:
„Den o fadon èn den no o opo moro.
Den o dede gwe leki a faya fu wan lampu.”
18 „Un no musu memre den fosten sanièn un no musu tan prakseri den sani di psa kba.
19 Luku! Mi o du wan nyun sani.Nownow a e psa kba.
Unu no e si dati?
Mi o meki wan pasi psa na ini a sabanaèn mi o meki liba lon na ini a drei sabana.
20 Den meti fu a sabana o gi mi grani.Den sabanadagu nanga den stroisfowru o gi mi glori,fu di mi o meki a sabana kisi watraèn mi o meki liba lon na ini a drei sabana.Dan mi o meki mi pipel di mi teki, dringi.
21 Dan mi pipel di mi srefi meki,o prèise mi.
22 Ma Yakob, yu no kari mi srefi.Yu kon weri fu mi, Israel.
23 Unu no gi mi skapu leki bron-ofrandi.Unu no tyari srakti-ofrandi gi mi fu gi mi glori.
Mi no dwengi unu fu gi mi wan sanièn mi no tan aksi unu fu bron switismeri gi mi.
24 Nanga un moni unu no bai nowan switismeri* gi mi.A fatu fu den srakti-ofrandi fu unu no gi mi prisiri.
Na presi fu dati den sondu fu unu kon de leki wan hebi gi mièn mi kon weri fu den ogri di unu e du.
25 Na mi, iya, mi na a sma di e figi den ogri fu unu* puru fu mi nen ede.Mi no o denki den sondu fu unu moro.
26 Kow krutu a tori disi. Memre mi efu mi fergiti wan sani.Ferteri mi fa unu e si a tori èn sori mi taki unu abi leti.
27 A fosi p’pa fu unu ben sonduèn un eigi fesiman* opo densrefi teige mi.
28 Sobun, mi o sorgu taki den granman fu a santa presi no santa moro.Mi o meki Yakob kisi porièn mi o meki sma spotu Israel.
Futuwortu
^ Hebrewtongo: „Suma fu den man ferteri den sani disi?”
^ Kande disi na den fosi sani di musu psa na ini a ten di e kon.
^ Noso: „fertrow mi”.
^ Noso: „kalmoes”. Disi na wan sortu grasi di e smeri switi.
^ Noso: „den sani di unu du fu opo unsrefi teige mi”.
^ Kande den man disi ben de leriman fu a Wet.
