Yesaya 4:1-6
4 Na a ten dati seibi uma o grabu wán man hori, dan den o taki:
„Wi o sorgu gi wi eigi bredeèn gi wi eigi krosi.Ma meki wi tyari a nen fu yu,so taki wi no kisi syen moro.”*
2 Na a ten dati Yehovah o meki sani gro na ini a kondre èn a kondre o moi srefsrefi. Den sma di tan abra na ini Israel o meki bigi taki a kondre fu den e gi furu n’nyan èn den o breiti srefsrefi.
3 Ala den sma di tan abra na ini Sion èn na ini Yerusalem o de santa gi Gado. A skrifi kba taki ibriwan fu den sma disi na ini Yerusalem o tan na libi.
4 Yehovah o wasi a doti* fu den umapkin fu Sion gwe èn a o wasi* a brudu-paiman fu Yerusalem puru. A o krutu Yerusalem èn a o puru atibron na en tapu.
5 Na deiten Yehovah o meki wan wolku nanga smoko de na tapsei fu heri Sion-bergi nanga a konmakandra-presi. Na neti a o meki wan bigi faya bron fu gi leti. A o kibri a heri kondre disi di moi srefsrefi.
6 Wan kampu o de, so taki sma kan feni kowru te a faya na deiten. Na drape den o go kibri tu te alen nanga sibibusi kon.
