Yesaya 3:1-26
3 Luku! A tru Masra Yehovah di e tiri den legreo puru ala sani fu Yerusalem nanga Yuda. A o puru ala a yepi di den e kisi èn ala sani di den abi fanowdu.Iya, a o puru ala brede nanga watra,
2 ala den tranga man nanga fetman,ala den krutuman nanga profeiti, ala den lukuman nanga owru man,
3 ala den edeman fu 50 sma, ala den heihei man nanga ala den raiman,ala den man di sabi bonu èn ala den man di sabi wisi trawan.
4 Mi o meki yongu man tron den granmanèn sma di e kenki prakseri ala yuru o tiri den.
5 Ala sma o libi na wan ogr’ati fasi nanga makandra.Ibriwan fu den o du dati.
Den boi o du ogri nanga den owru manèn den wiswasi man o opo densrefi teige den man di trawan e lespeki.
6 Ibriwan fu den o grabu en brada hori na ini na oso fu en p’pa, dan a o taki:
„Yu abi wan dyakti. Yu musu tron wi tiriman.
Na yu musu tiri a brokopresi disi.”
7 Ma a brada no o wani. A o taki:
„Mi no o dresi den soro fu unu.*Mi no abi nowan n’nyan noso krosi na ini mi oso.
No poti mi leki tiriman fu a pipel.”
8 Yerusalem stotu en futuèn Yuda fadon,fu di den taki èn du sani di Yehovah no lobi kwetkweti.Den opo densrefi na fesi a sma di abi bigi glori.
9 Na den fesi a de fu si kba taki den du ogri.Den no e syen fu taki dati den du sondu leki den sma fu Sodom.Den no e kibri dati srefi.
A kba gi den! Bika na den srefi tyari rampu kon na den tapu.
10 Taigi den ret’ati sma taki sani o waka bun gi den.Den o kisi blesi fu den sani di den du.*
11 A kba gi den ogrisma!
Bigi ogri o miti den.Bika den sani di den du nanga tra sma, na dati o psa nanga den!
12 Mi pipel abi basi di e pina denèn umasma e tiri den.
Tye mi pipel, luku fa den fesiman fu unu meki unu waka lontu fu soso.Den meki unu lasi pasi.
13 Yehovah e seti ensrefi fu koti krutuèn a e opo tnapu fu krutu den pipel.
14 Yehovah o krutu den owru man nanga den granman fu en pipel.
„Na unu bron a droifidyari.Den sani di sma ben fufuru fu den pôtiwan, de na ini un oso.
15 Fa unu kan prefuru fu masi mi pipel?Unu no e frede fu pina den pôtiwan?”, na so a Moro Hei Masra Yehovah di e tiri den legre taki.
16 Yehovah taki: „Den umapkin fu Sion abi bigifasi.Te den e waka, den e kaka den borsu.*Den e meki moi ai gi sma èn den e prodo te den e waka.Den futuketi fu den e meki b’bari te den e waka.
17 Yehovah o meki den umapkin fu Sion kisi kraskrasi na tapu den edeèn Yehovah o meki den ede kon piri.
18 Na a ten dati Yehovah o puru den moimoi sani fu den.A o puru den moi bui di den e weri na den futu, den edebanti, den moimoi sani di gersi munkenki,
19 den yesilinga, den bui di den e weri na den anu, den moi duku fu tapu den fesi,
20 den moi duku tapu den ede, den futuketi, den berebanti,den switismeri-batra, den tapu fu den,*
21 den fingalinga, den nosolinga,
22 den fesakrosi, den langa krosi, den dyakti, den moi monisaka,
23 den pkin spikri, den linnen-krosi,*den tai-ede nanga den moi duku di den e gebroiki fu tapu den fesi.
24 Na presi taki den o smeri switi leki balsem-oli, den o tingi.Na presi fu wan moi berebanti, den o abi wan t’tei na den mindribere.Na presi fu abi w’wiri di seti kon moi, den ede o piri.Na presi fu weri diri krosi, den o weri krosi di sma gwenti weri te den e sari.*Na presi taki den abi moi grati skin, den o abi bronmarki* na den skin.
25 Nanga fet’owru sma o kiri den man fu a fotoèn den tranga man o dede na ini feti.
26 Soso sari nanga row o de na den portu fu a foto.A foto o de leki wan uma di e sdon na gron en w’wan fu di sma teki ala den gudu fu en.”
Futuwortu
^ Noso: „Mi no o tron un dresiman”.
^ Hebrewtongo: „Den o nyan den froktu fu den sani di den du”.
^ Hebrewtongo: „den e langa den neki”.
^ Den tapu disi ben gersi skropu di den ben e weri leki moimoi sani na den skin.
^ Noso: „den ondrokrosi”.
^ Disi na bronmarki di e sori taki wan sma na wan srafu noso wan katiboman.
