Yesaya 47:1-15
47 Saka go sdon na ini a doti,umapkin* fu Babilon.
Sdon na tapu a gron pe nowan kownusturu no de,umapkin fu den Kaldeyasma.Noiti moro sma o taki dati yu na wan moi yongu uma di abi wan switi libi.
2 Teki wan anumiri, dan yu go meki blon.
Puru a moi duku na yu fesi.
Puru yu koto meki sma si yu bowtu,
dan yu abra den liba.
3 Sma o si yu sososkin
èn yu o kisi syen.
Mi o puru atibron na yu tapu èn nowan sma o man tapu mi.*
4 „Wan sma de di bai wi.Yehovah di e tiri den legre na en nen.En na a Santawan fu Israel.”
5 Sdon pî èn go na ini a dungru,umapkin fu den Kaldeyasma.Noiti moro sma o kari yu Bigi Misi* fu den Kownukondre.
6 Mi ati ben bron nanga mi pipel.
Dati meki mi pori a santa gudu fu mièn mi meki yu wini den.
Ma yu no ben sari den.
Na tapu a skowru fu owrusma srefi yu ben poti wan hebi tyatyari.
7 Yu ben taki: „Mi o tan Bigi Misi* fu ala ten.”
Yu no ben poti prakseri na den sani di yu du.Yu no ben denki san ben o psa nanga yu te fu kba.
8 Ma arki now, yu di lobi meki prisirièn di abi wan bun libi. Yu e prakseri:
„Nowan sma no de leki mi. Boiti mi, nowan trawan no de.
Mi no o tron wan uma di en masra dede kba
èn noiti den pkin fu mi o dede.”
9 Ma na den tu sani disi o psa nanga yu wantronso.
Na ini wán dei den pkin fu yu nanga yu masra o dede.
Yu heri libi o pori,bika* yu lobi bonu èn na soso wisi yu e wisi sma.
10 Yu denki taki den ogri di yu e du, o kibri yu.
Yu taki: „Nowan sma e si mi.”
A koni nanga a sabi fu yu na den sani di meki yu lasi pasi.Yu e prakseri: „Nowan sma no de leki mi. Boiti mi, nowan trawan no de.”
11 Ma rampu o kon na yu tapuèn nowan bonu o man yepi yu.
Ogri o miti yu èn yu no o man wai pasi gi en.
Fosi yu denki, wan bigi rampu di yu no ferwakti o miti yu.
12 Go doro nanga a wisi di yu e wisi sma èn nanga a bonu di yu e bonu.Sensi di yu yongu yu e weri yusrefi nanga den sani disi.
Kande yu o feni winièn kande sma o frede yu now.
13 Yu kon weri fu ala den raiman fu yu.
Meki den sma di e anbegi den sani na hemel*èn den sma di e luku den stari nanga den nyun munfu sabi san o psa nanga yu,opo tnapu now fu kon ferlusu yu.
14 Luku! Den de leki drei w’wiri.
Wan faya o bron den.
Den no o man puru densrefi fu a faya.
Disi a no krofaya fu sma waran densrefi.A faya disi a no fu sma sdon waran den skin.
15 Na dati o psa nanga den lukuman fu yu.Sensi di yu yongu yu e wroko tranga nanga den sma disi.
Den o wakawaka lontu èn ibriwan fu den o teki den eigi pasi.*
Nowan sma o de fu ferlusu yu.
