Yesaya 22:1-25
22 Disi na wan krutuboskopu gi a Lagipresi fu a Fisyun:*
San psa nanga unu taki un alamala kren go na tapu den dak?
2 Furu b’bari nanga dyugudyugu ben de na ini un fotoèn unu ben lobi meki prisiri.
Den sma fu unu dede, ma a no fet’owru kiri denèn den no dede na ini feti.
3 Ala den ogr’ati tiriman fu unu lowe gwe makandra.
Sondro wan bo, sma tyari den gwe leki strafman.
Ala sma fu unu di den feni, den tyari gwe leki strafman,awinsi o fara den ben lon gwe.
4 Dati meki mi taki: „No luku mi moro.Meki mi krei fu di mi de nanga bigi sari.
No pruberi fu trowstu mifu di ogr’ati sani miti mi pipel.
5 Bika na a Moro Hei Masra Yehovah di e tiri den legre,tyari a dei disi fu bruya, pori nanga dyugudyugu konna ini a Lagipresi fu a Fisyun.
Sma o naki a skotu brokoèn sma o yere a b’bari fu a pipel te na den bergi.
6 Elam teki en peirikokro,èn a e kon nanga en fetwagi nanga asi.*Kir teki* en schild.
7 Soso fetwagi o dena den moro moi lagipresi fu unuèn den asi* o de srekasreka na den portu.
8 Dan sma o puru a garden di e kibri Yuda.
Na a dei dati unu o luku den fetsani di de na ini na oso di nen Libanon-busi.
9 Unu o si taki furu olo de na ini den skotu fu a Foto fu David. Unu o kibri watra na ini a lagi peti.
10 Unu o teri den oso fu Yerusalem. Unu o broko den oso pispisi èn unu o gebroiki den pisi fu meki a skotu kon moro tranga.
11 Unu o meki wan peti na mindri den tu skotu, so taki a watra fu a watra-olo kan go drape. Ma unu no o suku a Bigi Mekiman fu en èn unu no o si a sma di meki en langa ten kba.
12 Na a ten dati a Moro Hei Masra Yehovah di e tiri den legre,o taigi sma fu krei, fu sari,fu krebi den ede èn fu weri rowkrosi.
13 Ma na presi fu dati den sma breiti èn den e meki prisiri.Den e srakti kaw nanga skapu,den e nyan meti èn den e dringi win.
Den e taki: ’Kow nyan èn dringi, bika tamara wi o dede.’”
14 Yehovah di e tiri den legre taigi mi: „’Unu no o kisi pardon fu a sondu disi, teleki unu dede’, na so a Moro Hei Masra Yehovah di e tiri den legre taki.”
15 Disi na san a Moro Hei Masra Yehovah di e tiri den legre taki: „Go na Sebna, a man di abi a frantwortu fu luku na oso* fu Kownu, èn taigi en:
16 ’San yu e suku dya? Yu abi famiri dyaso, di yu e meki wan grebi gi yusrefi dya?’ Sebna e meki wan grebi gi ensrefi na wan hei presi. Na ini wan stonbergi a e koti wan olo* fu sma beri en drape.
17 ’Yehovah o grabu yu hori bun steifi èn a o trowe yu go na gron nanga tranga.
18 A o lolo yu meki yu tron wan bal, dan a o trowe yu na ini wan opo presi. Na drape yu o dede èn den kfalek asiwagi fu yu o de wan syen gi na oso fu yu masra.
19 Mi o puru yu frantwortu na yu anu èn mi o puru yu na a wroko fu yu.
20 Na a ten dati mi o kari mi futuboi Eliakim di de a manpkin fu Helkia.
21 Mi o weri a langa krosi fu yu gi en èn mi o tai yu berebanti steifi na en mindri. Mi o gi en a makti di yu ben abi.* A o tron wan p’pa gi den sma di e tan na Yerusalem èn gi den sma fu Yuda.
22 Mi o poti a sroto fu na oso fu David na tapu en skowru. Te a opo wan doro nowan sma o tapu en èn te a tapu wan doro nowan sma o opo en.
23 A o tron leki wan kfalek moi kownusturu na ini na oso fu en p’pa. Mi o fasi en leki wan spikri* na wan tranga muur.
24 Ala den moi sani fu en p’pa oso sma o anga na en. Ala den pkin batra, komki nanga bigi watrakan o anga na en. Ala den pkin nanga den bakapkin o fertrow en.
25 Na a ten dati’, na so Yehovah di e tiri den legre taki, ’mi o puru a fosi spikri* di mi poti na a tranga muur. Mi o koti en puru èn a o fadon. Ala den sani di ben e anga na en o fadon broko. Yehovah srefi taki so.’”
Futuwortu
^ Soleki fa a sori, dan disi na Yerusalem.
^ Noso: „man di e rèi tapu asi”.
^ Noso: „sreka”.
^ Noso: „man di e rèi tapu asi”.
^ Noso: „paleis”.
^ Hebrewtongo: „oso”.
^ Noso: „Mi o meki a tiri a presi pe yu ben e tiri”.
^ Soleki fa a sori, dan dya a e taki fu Eliakim.
^ Soleki fa a sori, dan dya a e taki fu Sebna.
