Yesaya 20:1-6
-
Wan marki gi Egepte nanga Etiopia (1-6)
20 Kownu Sargon fu Asiria ben seni a tartan* fu go feti nanga a foto Asdod. Na ini a srefi yari dati a teki Asdod abra.
2 Na a ten dati Yehovah taigi Yesaya, a manpkin fu Amos: „Go puru a rowkrosi na yu skin èn puru den susu na yu futu.” Ne Yesaya du san a taigi en. Na so a ben e waka lontu sososkin* èn sosofutu.
3 Dan Yehovah taki: „Dri yari langa mi futuboi Yesaya waka lontu sososkin èn sosofutu fu warskow Egepte nanga Etiopia èn fu sori den san o psa nanga den.
4 Dati meki a kownu fu Asiria o tyari den sma fu Egepte nanga Etiopia gwe nanga tranga. Awinsi na yongu boi noso owru man, a o tyari den gwe sososkin èn sosofutu èn den bille o de fu si. Iya, Egepte o kisi bigi syen.*
5 Den o frede èn den o syen te den e si san psa nanga Etiopia èn nanga Egepte, bika den ben e howpu na tapu Etiopia èn den ben e meki bigi gi Egepte.*
6 Na a ten dati den sma di e tan na a sesyoro drape o taki: ’Luku san psa nanga a kondre di wi ben e howpu na tapu, a kondre pe wi ben lon go suku yepi! Na en ben o ferlusu wi fu a kownu fu Asiria! San o psa nanga wi now?’”
