Yesaya 38:1-22
38 Na a ten dati Heskia siki te fu dede. Dati meki a profeiti Yesaya, a manpkin fu Amos, kon na Heskia èn a taigi en: „Disi na san Yehovah taki: ’Taigi den sma na ini yu osofamiri san den musu du, bika yu o dede. Yu no o kon betre.’”
2 Ne Heskia drai en fesi go na a muur, dan a begi Yehovah:
3 „Yehovah, mi e begi yu, no fergiti fa mi dini yu nanga wan krin ati èn nanga mi heri ati. Den sani di yu feni bun, na dati mi du.” Ne Heskia bari krei.
4 Dan Yehovah taigi Yesaya:
5 „Drai go baka na Heskia èn taigi en: ’Disi na san Yehovah, a Gado fu yu afo David, taki: „Mi yere a begi fu yu èn mi si fa yu krei. Mi o meki yu libi ete 15 yari.
6 Mi o ferlusu yu nanga a foto disi puru na a anu fu a kownu fu Asiria èn mi o kibri a foto disi.”
7 Yehovah o sori yu taki a o du san a taki. Yehovah taki:
8 „Mi o meki a skaduw fu a son na tapu a trapu* fu Akas hari tin trei go na baka.”’” Ne a skaduw hari tin trei go na baka na tapu a trapu.
9 Na den sani disi Kownu Heskia fu Yuda skrifi di a siki èn kon betre baka.
10 Mi taki: „Now di mi de steifsteifi ete,mi musu saka go na den portu fu Grebi.*
Mi no o libi langa moro.”
11 Mi taki: „Mi no o si Yah,* nôno, mi no o si Yah na ini a kondre fu den libiwan.
Mi no o si libisma morote mi o de nanga den wan di de na a presi pe ala sani e kon na wan kba.
12 A tanpresi fu mi de leki wan tenti fu skapumandi sma hari puru èn tyari gwe.
Mi lolo mi libi tapu neleki fa wan sma di e brei krosi e lolo wan pisi krosi di a kba brei.Gado koti mi libi puru leki den t’tei fu wan pisi krosi di kba brei.
Fu musdei te neti a e suku fu tyari wan kba kon na mi libi.
13 Mi suku fu trowstu misrefi teleki m’manten doro.
Ma leki wan lew a e broko ala mi bonyo.Fu musdei te neti a e suku fu tyari wan kba kon na mi libi.
14 Mi e bari leki wan pkin fowru.Mi e geme leki wan doifi.
Mi ai kon weri fu luku go na loktu. Dan mi taki:
’Tye Yehovah, luku fa mi e pina.Yepi mi!’*
15 San mi musu taki?
A piki mi èn a du wan sani fu yepi mi.
Mi o abi sakafasi mi heri libi langafu di mi sabi fa mi ben pina.
16 Ai Yehovah, na den sani disi* e meki taki sma de na libi.Na den sani disi e hori mi na libi.
Yu o meki mi kon betre baka èn yu o meki mi tan na libi.
17 Na presi fu abi wan bun libi, mi ben e pina srefsrefi.Ma fu di yu lobi mi,meki yu sorgu taki mi no go na ini a grebi-olo pe ala sani e pori gwe.
Yu teki ala mi sondu trowe na yu baka.*
18 Bika Grebi* no man gi yu glorièn dede no man prèise yu.
Den sma di e saka go na den grebi-olo no man howpu moro taki yu o du san yu taki.
19 Na soso den libisma, iya, na soso den wan di de na libi kan prèise yuneleki fa mi e du dati now.
Wan p’pa kan leri en pkin taki yu na wan sma di de fu fertrow.
20 Yehovah, mi e begi yu, kon yepi mi.Dan wi o prei den singi fu mi na tapu harpuna ini na oso fu Yehovah, wi heri libi langa.’”
21 Ne Yesaya taki: „Tyari wan kuku di meki fu drei figa, dan un poti en na tapu a butsweri fu Heskia meki a kon betre.”
22 Fosi ala den sani disi psa, Heskia ben aksi: „Fa mi o sabi taki mi o man go na a oso fu Yehovah baka?”
