Yesaya 25:1-12
25 Yehovah, yu na mi Gado.
Mi o gi yu glori èn mi o prèise yu nen,bika yu du ala sortu kfalek sani.Sensi owruten yu besroiti fu du den sani disi.Ala ten yu e du san yu taki èn sma kan fertrow na yu tapu.
2 Yu meki wan heri foto tron wan ipi stonèn yu meki a foto di abi bigi skotu tron wan brokopresi.
A tranga foto fu den trakondre sma no de wan foto moro.Noiti moro wan sma o bow en baka.
3 Fu dati ede wan tranga pipel o gi yu glori.A foto fu den ogr’ati pipel o frede yu.
4 Yu tron wan fortresi gi den mofinasmaèn gi den pôtiwan di de na nowtu.Yu tron wan kibripresi gi den te bigi sibibusi e konèn wan kowrupe te a faya son e skèin.
Te den ogr’ati sma e kon na den tapu leki wan bigi sibibusi di e wai go na tapu wan skotu
5 èn te den de leki a faya son na wan drei presi,dan yu e tapu den feanti fu yu di e meki wan lo b’bari.
Neleki fa wan wolku e tapu a faya fu a son,na so yu e tapu a singi fu den ogr’ati sma.
6 Yehovah di e tiri den legre o sreka wan bigi n’nyan gi ala den pipel na tapu a bergi disi.A o gi den a moro switi n’nyanèn a moro bun win.A o gi den a moro bun meti fu nyan*èn den o dringi a moro bun win.
7 Na tapu a bergi disi a o puru* a duku di tapu ala den pipelèn a krosi di brei lontu ala den pipel.
8 A Moro Hei Masra Yehovah o swari* dede fu têgoèn a o figi den watra-ai fu ala sma puru na den fesi.
A o puru a pornen di en pipel ben kisi na heri grontapu.Iya, na Yehovah srefi taki so.
9 Na a ten dati den o taki:
„Disi na wi Gado.
Wi e fertrow na en tapuèn na en o ferlusu wi.
Disi na Yehovah.
Wi e fertrow na en tapu.
Meki wi breiti èn meki wi prisiri, fu di a ferlusu wi.”
10 Yehovah o poti en anu na tapu a bergi disièn a o trapu Moab na a presi pe a de,neleki te sma e traptrapu drei grasi na ini mest.
11 A o langa en anu fu naki enneleki fa wan sma e naki a watra te a e swen.A o wai en anufu naki a heimemre fu en puru.
12 Yu ben de wan tranga foto èn den bigi skotu fu yu ben kibri yu.Ma Gado o broko yu te na gronèn a o trowe yu na ini a doti.
