Yesaya 12:1-6
12 Na a dei dati yu musu fu taki:
„Mi e taki yu tangi, Yehovah.Yu ati ben bron nanga mi,ma safsafri yu ati kon kowru baka, dan yu trowstu mi.
2 Luku fa Gado ferlusu mi!
Mi e fertrow na en tapu èn mi no e frede.Bika Yah* Yehovah gi mi krakti èn a kibri mi.Na en tron mi ferlusuman.”
3 Nanga bigi prisiri unu o puru watrana ini a peti fu ferlusu.
4 Na a dei dati unu o taki:
„Un taki Yehovah tangi! Kari en nen!Meki den pipel sabi san a du.
Ferteri taki en nen bigi trutru.
5 Singi prèisesingi gi Yehovah,* bika a du ala sortu kfalek sani.
Heri grontapu musu kon sabi dati.
6 Un sma di e tan na Sion,* bari nanga wan tranga sten èn bari fu prisiri,bika a Santawan fu Israel di de na un mindri, bigi srefsrefi.”
