Yesaya 31:1-9
31 Bigi ogri o miti den sma di e go suku yepi na Egepteèn di e fertrow na tapu asi!Den e fertrow na tapu den fetwagi fu di den furu.Den e fertrow na tapu den asi* fu di den tranga srefsrefi.
Ma den no e luku a Santawan fu Israel wan ai srefi.Den no e suku Yehovah srefi.
2 Ma a koni èn a o tyari rampu kon.Te a taki wan sani, a o du en nomonomo.
A o opo go feti nanga den ogrismaèn nanga den sma di e yepi ogrisma.
3 Ma den Egeptesma na libisma nomo, den a no Gado.Den asi fu den na meti nomo, den a no yeye.
Te Yehovah o langa en anu fu naki den,dan a sma di wani yepi o stotu en futuèn a sma di e kisi yepi o fadon.Den alamala o dede na a srefi ten.
4 Yehovah taigi mi:
„Te wan yongu lew di tranga* kisi wan meti a e bari.Awinsi den e kari wan heri grupu skapuman fu yagi en,tòg a no e frede den stennoso a b’bari di den e meki.Na so Yehovah di e tiri den legre o saka kon fetigi den sma di de na Sion-bergi èn na a pkin bergi di de drape.
5 Neleki fa wan fowru e frei na tapsei fu en pkin fu kibri den, na so Yehovah di e tiri den legre o kibri Yerusalem.
A o feti gi en èn a o ferlusu en.
A o kibri en èn a o yepi en.”
6 „Un sma fu Israel, un sondu hebi teige Gado, ma drai kon baka na en.
7 Bika na a ten dati ibri sma o drai baka gi den solfru gado nanga den gowtu gado fu den di no warti noti èn di unu ben meki fu du sondu.
8 Wan fet’owru o kiri den Asiriasma, ma a no o de wan fet’owru fu libisma.Iya, den o dede, ma a no libisma o kiri den.
Den o lon gwe gi a fet’owruèn sma o poti den yongu man fu den fu wroko leki srafu.
9 Den wan di ben de leki wan stonbergi gi den, o lowe gwe fu di den e frede srefsrefi.Den granman o frede srefsrefi te den si a fraga”,* na so Yehovah,di e skèin en leti* na Sion èn di abi en onfu na Yerusalem, taki.
