Yesaya 5:1-30
5 Mi wani singi wan singi gi mi lobiwan.Na wan singi fu mi lobiwan nanga en droifidyari.
Mi lobiwan ben abi wan droifidyari na wan pkin bergi di ben abi fatu gron.
2 A ben drai a doti fu puru den ston na ini,
dan a prani wan droifibon di e gi den moro bun redi droifi.A ben bow wan toren na mindrisei fu a dyarièn wan presi fu masi den droifi.
A ben howpu taki a droifibon ben o gi bun droifi,ma a gi soso busdroifi.
3 Dati meki a taki: „Un sma di e tan na Yerusalem èn un man fu Yuda,un koti krutu gi mi nanga mi droifidyari.
4 San mi musu du ete gi mi droifidyari?Mi du ala sani kba.
Mi ben denki taki a ben o gi bun droifi.Ma fu san ede a e gi soso busdroifi?
5 Fu dati ede, meki mi taigi unusan mi o du nanga mi droifidyari:
Mi o puru den bon di ben de leki wan skotu gi enèn mi o bron en.
Mi o broko a ston skotu fu enèn mi o meki sma trapu ala sani na ini teleki noti no bun moro.
6 Mi o meki a tron wan busbusi.Nowan sma o sorgu en èn nowan sma o krin en.
Dan makabusi nanga grasi o gro tapu ala sani.Mi o taigi den wolku fu no meki alen fadon na en tapu.
7 Mi na Yehovah di e tiri den legre, Israel na mi droifidyarièn den sma fu Yuda na a droifibon di mi ben lobi.
Mi ben howpu taki sma ben o koti krutu na wan reti fasi,ma na presi fu dati den no e du san a wet e taki.Mi ben howpu taki sma ben o du san reti,ma na presi fu dati mi yere fa sma e bari fu di trawan e pina den.”
8 Bigi ogri o miti den sma di e teki a wan oso baka a trawanèn di e teki moro nanga moro gronteleki gron no de moroèn den w’wan e tan na ini a kondre!
9 Mi yere Yehovah di e tiri den legre sweritaki furu oso o broko fadon.Awinsi fa den bigi èn awinsi fa den moi,tòg nowan sma o tan na ini.
10 Awinsi wan droifigron bigi so te, taki 20 kaw de fanowdu fu plugu en na ini wán dei, tòg na wán emre* win nomo a o gi.Awinsi sma sai wan heri bari* aleisi, tòg na wán baki* aleisi nomo den o koti.
11 Bigi ogri o miti den sma di e opo fruku m’manten, soso fu dringi sopi!Den e du wan lo lawlaw sani fu di den e tan dringi win te lati neti!
12 Na den fesa fu den, den e dringi winèn den e prei harpu, instrument di gersi harpu, tamboerijn nanga froiti.Ma den no e poti prakseri na san Yehovah e duèn den no wani sabi nowan sani di a e du.
13 Sma o tyari mi pipel gwe nanga trangafu di den no sabi mi.Den heihei sma no o abi noti fu nyanèn ala den sma fu den no o abi noti fu dringi.
14 Grebi* meki ensrefi kon moro bigièn a opo en mofo bradi teleki a no man moro.Dan a o swari ala den moi sani* fu a foto,ala den sma di e meki dyugudyugu èn ala den sma di e meki prisiri na ini a foto.
15 Den sma o abi fu boigi go na gronèn den o kon lagi.Iya, den heihei sma o abi fu saka densrefi.
16 Yehovah di e tiri den legre o kisi grani te a krutu den.*A tru Gado, a Santawan, o meki ensrefi kon santa te a krutu den na wan reti fasi.
17 Te a foto tron wan brokopresi, den pkin skapu o go nyan grasi drape neleki den de na den weigron.Den presi pe den fatu meti ben e nyan grasi fosi, o tron brokopresi èn den trakondre sma o nyan san e gro drape.
18 Bigi ogri o miti den sma di e lei! Nanga den lei fu den, den e hari ogri nanga sondu na den bakaneleki fa wan meti e hari wan wagi nanga t’tei.
19 Bigi ogri o miti den sma di e taki: „Meki Gado du en wroko es’esi!A no musu draidrai. Wi wani si san a man du.
Meki a Santawan fu Israel du san a abi na prakseri.*Dan wi o sabi san a man du.”
20 Bigi ogri o miti den sma di e taki dati bun ogri èn ogri bun!Bigi ogri o miti sma di e taki dati dungru na leti èn leti na dungru!Bigi ogri o miti den sma di e taki dati bita sukru èn sukru bita!
21 Bigi ogri o miti den sma di denki taki den konièn di feni taki den abi furu sabi!
22 Bigi ogri o miti den sma di sabi dringi furu win!Bigi ogri o miti den man di sabi dringi tranga sopi di moksi nanga tra sani!
23 Bigi ogri o miti den sma di no e meki den ogrisma kisi strafu, soso fu di den ogrisma e pai den tyuku!Bigi ogri o miti den sma di no e krutu den bun sma na wan reti fasi!
24 Dati meki den o kisi pori neleki te faya e bron drei w’wiri nanga drei grasi.Den rutu fu den o pori.Den bromki fu den o wai gwe leki puiri.Na dati o psa nanga denfu di den trangayesi a wet* fu Yehovah di e tiri den legreèn den no e sori lespeki gi den sani di a Santawan fu Israel taki.
25 Dati meki Yehovah en ati bron srefsrefi nanga en pipel.A o langa en anu fu naki den.
Den bergi o sekièn den dedeskin fu den sma o de leki doti na strati.
Na fu di den e tan du ogri, meki en ati e bron nanga den eteèn te now ete a e naki den.
26 A opo wan fraga* gi wan pipel di e libi fara fu sori den pe den musu konèn a froiti fu kari den kmoto na a moro fara presi fu grontapu.Luku, den e kon es’esi.
27 Nowan fu den weri èn nowan fu den e stotu den futu.
Nowan fu den e dyonko èn nowan fu den e sribi.
A riem na den mindribere no lusuèn den t’tei fu den susu no koti.
28 Ala den peiri srapuèn ala den bo hari span.*
Den futu fu den asi de leki tranga stonèn den banti fu den asiwagi e drai leki draiwinti.
29 A b’bari fu den de leki di fu wan lew.Leki yongu lew* den e bari
te den grabu a pipel disi leki wan meti fu tyari gwe.Nowan sma o man ferlusu a pipel disi.
30 Na a dei dati, den o bari te den grabu a pipel disi.A b’bari fu den de leki a b’bari fu wan krasi se.
Ala sma di o luku a kondre o si soso bruya nanga bigi dungru.Srefi hemel kon dungru, fu di wolku e tapu a leti fu a son.
Futuwortu
^ Hebrewtongo: „wán bat”. Luku „Tra prenspari sani” B14.
^ Hebrewtongo: „wán homer”. Luku „Tra prenspari sani” B14.
^ Hebrewtongo: „wán efa”. Luku „Tra prenspari sani” B14.
^ Noso: „heihei sma”.
^ Noso: „fu di a o du san reti”.
^ Noso: „san a besroiti”.
^ Noso: „den leri”.
^ Noso: „wan postu di tnapu let’opo”.
^ Noso: „ala den bo de srekasreka fu sutu sma”.
^ Noso: „yongu lew di abi w’wiri na en neki kba”.
