Yesaya 42:1-25
42 Luku mi futuboi! Mi e horbaka gi en.
Na en mi teki èn na en mi feni bun!
Mi poti mi yeye na en tapu.Na en o sori den pipel san na retidu.
2 A no o bari noso opo en stenèn nowan sma o yere en sten na strati.
3 A no o masi wan warimbo* di brokoèn a no o kiri wan faya di e suku fu dede.
A o tyari retidu kon trutru.
4 A no o kon swaki èn nowan sma o masi en. A o tyari retidu kon na heri grontapu.Den èilanti e wakti en fu meki wet gi den.*
5 A tru Gado Yehovah na a Mekiman fu hemel.En na a Granwan di bradi hemel leki wan pisi krosièn di meki grontapu nanga ala sani di de na tapu.Na en e meki sma na grontapu broèn na en e gi libi na den wan di e waka na tapu. Disi na san a taki:
6 „Mi, Yehovah, kari yu fu du san reti.Mi hori yu na yu anu.
Mi o kibri yu. Yu o de leki wan ferbontu na mindri mi nanga den pipelèn leki wan leti gi den sma.
7 Bika yu o meki breni ai si,yu o puru strafman na ini straf’osoèn den wan di e sdon na ini dungru yu o puru na dungr’oso.
8 Mi na Yehovah. Dati na mi nen.Mi no o meki nowan tra sma kisi a glori fu mi*èn mi no o meki sma prèise tra gado na presi fu mi.
9 Luku, den fosi sani psa kba.Now mi o ferteri unu nyun sani.
Fosi den bigin, mi o meki unu yere den.”
10 Singi wan nyun singi gi Yehovah.Prèise en te na den moro fara presi fu grontapu.Prèise en, un man di e suku wan libi na se èn ala sani di de na ini a se.Meki den èilanti nanga ala sma di e libi drape prèise en tu.
11 Meki a sabana nanga den foto drape opo den sten.Iya, meki den dorpu pe Keidar e tan, opo den sten.
Meki den sma fu den bergi bari fu prisiri.Iya, meki den bari nanga wan tranga sten na den ede fu den bergi.
12 Meki den gi Yehovah glorièn meki den prèise en na den èilanti.
13 Yehovah o kon leki wan tranga man.
Neleki wan fetman a o de fayafaya fu go na feti.
A o bari tranga neleki te srudati e go na fetièn a o de krin taki a tranga moro den feanti fu en.
14 „Na bun langa kba mi no taki noti.
Mi tan pî. Mi ben e hori misrefi.
Mi o geme, mi o soktu èn mi o bro hebileki wan uma di e meki en pkin.
15 Mi o pori ala den bergi nanga hei presi.Mi o meki ala den sani di e gro na den bergi, kon drei.
Mi o meki den liba tron èilantièn mi o meki den swampu kon drei.
16 Mi o meki den breniwan waka wan pasi di den no sabi.Iya, mi o meki den waka wan pasi pe den no ben waka ete.
Gi den, mi o meki wan dungru presi kon de wan presi pe leti deèn mi o meki wan kontren di lai olo kon grati.
Na disi mi o du gi den èn mi no o gwe libi den.”
17 Den o abi fu drai baka èn den o kisi bigi syen.Iya, na dati o psa nanga den sma di e fertrow na tapu den popki di den e anbegièn den sma di e taigi den popki: „Unu na wi gado.”
18 Yere, un dofuwan!Luku, un breniwan!
19 Suma breni leki mi futuboi?Suma dofu leki a boskopuman di mi seni?
Suma breni leki a futuboi fu Yehovah,noso leki a sma di kisi en pai?
20 Unu si furu sani, ma unu no poti prakseri.
Unu opo un yesi, ma unu no arki.
21 Fu di Yehovah na wan ret’ati Gado,meki a lobi fu sori sma taki den wet* fu en bun srefsrefi èn taki den e tyari wini kon.
22 Ma sma teki ala sani puru na den anu fu a pipel disi.Sma fanga den alamala poti na ini bergi-olo nanga straf’oso.
Sma kon fu du den ogri, ma den no abi nowan ferlusuman.Sma teki ala sani fu den, ma nowan sma e taki: „Tyari den kon baka!”
23 Suma fu unu o yere den sani disi?
Suma o poti prakseri èn arki, so taki a kan leri wan sani gi a ten di e kon?
24 Suma libi Yakob meki sma du ogri nanga en?Suma libi Israel meki den teki ala sani puru na en anu?
A no Yehovah du dati?
Den sondu teige en èn den no ben wani waka den pasi fu en.Den no ben wani arki den wet* fu en tu.
25 Ne en ati bron nanga den.A puru atibron na den tapu èn a strafu den na ini wan bun ogri feti.
Faya bron ala sani na den lontu, ma den no ben poti prakseri.
Faya bron den, ma den no ben kenki prakseri.
