ZVAKANGOITIKA ZVEGA HERE?
Kutakurwa Nemhepo Kunoitwa Mhodzi yeDandelion
Mhodzi dzedandelion dzinogona kuramba dziri mumhepo kwenguva yakareba. Mhepo painovhuvhuta, tumhodzi twacho tudikidiki tunobva twatakurwa nemhepo, tuchiita setumaparashutu. Pasinei nekuti tumhodzi twacho tunotanga kutakurwa nemhepo turi pasi pasi, tunogona kutoramba turi mudenga kwedaro rinoda kusvika kiromita kana kupfuura. Chii chinoita kuti tugare mumhepo kwenguva yakareba kudaro? Munguva ichangopfuura, nyanzvi dzesainzi dzakaona kuti zvatunoita patunenge turi mudenga zvinopfuura nekure zvinoitwa neparashutu.
Funga izvi: Mhodzi imwe neimwe inenge yakabatirira pane kanhu kakaita kunge kauswa kane tunhu twakaita kunge twubvudzi tunonzi pappus. Tubvudzi itwotwo tunonzi pappus tunoshanda separashutu inoita kuti mhodzi yacho irambe iri mudenga.
Vamwe vaongorori vanofunga kuti kutenderera kunenge kuchiita mhepo pamusoro petubvudzi twacho kunoita kuti mhodzi isakurumidza kudonhera pasi
Asi panewo zvimwe zvinoitwa netubvudzi itwotwo kuti mhodzi yacho irambe iri mudenga. Mhepo painofamba ichipfuura nemutubvudzi twacho, inobva yabatwa yotanga kutenderera pamusoro patwo. Izvi zvinobatsira kuti mhodzi yacho isakurumidza kudonhera pasi.
Tubvudzi twacho hatuna kubatana uye hatubati mhepo sezvinoita parashutu, asi mashandiro atunoita anotopfuura parashutu nekure. Chinotoshamisa ndechekuti tubvudzi twacho hatuna zvakawanda.
Nyanzvi dzesainzi dziri kuongorora kuti dzingatevedzera sei zvinoitwa nemhodzi yedandelion. Vari kufunga kuti vanogona kugadzira zvinhu zvidikidiki zvisingashandisi simba rakawanda zvekutoresa mapikicha zviri mudenga zvinonzi madrone. Madrone acho anogona kushandiswawo pazvinhu zvakasiyana-siyana kusanganisira kuongorora kuti mhepo haisi kusvibiswa here.
Ona mhodzi yedandelion ichitakurwa nemhepo
Unofungei? Zvakangoitika zvega here kuti mhodzi yedandelion ikwanise kutakurwa nemhepo kwenguva yakareba kudaro kana kuti pane akazvigadzira?
Zvimwe Zvaunogona Kufarira
MUKAI!
Ruvara Runopenya rweBlue rwePollia Berry
MaPollia berry haana muto weblue, asi ndiwo chete ane ruvara rweblue runopenya kupfuura rwemimwe michero yese. Chii chinoita kuti ave neruvara rwakadaro?
ZVAKANGOITIKA ZVEGA HERE?
Ganda Repomelo Risingatsemuki—Zvakangoitika Zvega Here?
Nyanzvi dzesainzi dziri kuda kushandisa sei ruzivo rwavakawana pakusatsemuka kunoita pomelo?
ZVAKANGOITIKA ZVEGA HERE?
Rwendo Runoitwa nemaMonarch Butterfly—Zvakangoitika Zvega Here?
Rwendo rwakaoma runoitwa nemonarch butterfly runoratidza kuti pane akaita kuti zvidaro here?
DZIDZISO DZEBHAIBHERI DZINOKOSHA
Denga Nenyika Zvakasikwa Here?
Vanhu vakawanda havanzwisisi zvinotaurwa neBhaibheri nezvekusikwa uye vanoti hazvisi zvechokwadi. Zvarinotaura ndezvechokwadi here?