20 JUNE 2023 | NYAYA IYI PAYAVA: 23 AUGUST 2023
RUSSIA

NYAYA IYI PAYAVA—HANZVADZI YEDU YAKANZI INE MHOSVA | “Ndinogona Kuramba Ndakatendeka Uye Ndakavimbika Kuna Jehovha”

PLAY

Musi wa22 August 2023, dare reOktyabrskiy District Court of Novosibirsk rakati Hanzvadzi Tatyana Oleynik vane mhosva richibva ravapa mutongo wekugara mujeri kwemakore mana. Mutongo wacho wakambosendekwa saka havasati vava kufanira kuenda kujeri parizvino.

Nhoroondo Yeupenyu

Tatyana Oleynik

Akaberekwa: 1952 Khrushchevo, Tula Region

Upenyu Hwake: Amai vaTatyana vakafa aine makore 5. Aiita basa rekudhiraivha crane. Ane vana vaviri, mukomana nemusikana

Akabhabhatidzwa semumwe weZvapupu zvaJehovha muna 2001

Zvaakataura

Unhu hupi hwechiKristu huri kukubatsirai panguva ino yakaoma?

Kusangana nedambudziko iri rakaoma kwandidzidzisa kuti kuzvininipisa kunokosha. Kare ndaiwanzoita zvinhu zvandaingofunga. Asi kuona kuti kutevedzera mirayiridzo kunobatsira, kuri kuita kuti ndide kuramba ndichiiteerera.

Muri kubatsirwa sei nekuona vamwe vari kutsungirira kutambudzwa?

Pandinoverenga nekunzwa zviri kuitika kune vamwe, ndiri kubva ndaona kuti handisi ndega. Kana hama nehanzvadzi dzangu dzichikwanisa kutsungirira, iniwo ndinogona kuramba ndakatendeka uye ndakavimbika kuna Jehovha. Ndinonyatsozivana naHama Aleksandr Seredkin nemudzimai wavo. Vakatongerwa kugara mujeri kwemakore 6 uye ndimo mavatori. Muenzaniso wavo uri kundikurudzira uye uri kundibatsira kuona kuti Jehovha ane nzira dzakawanda dzekutibatsira nadzo. Mashoko ari pana VaHebheru 13:5, 6 ndeechokwadi. Anoti: “Nekuti iye akati: ‘Handizokusiyi, uye handizokurasi.’ Kuti tive vakanyatsoshinga tichiti: ‘Jehovha ndiye mubatsiri wangu; handizotyi.’”

Tine chokwadi chekuti Jehovha acharamba achikomborera Tatyana nevamwe vese ‘vanoda kuteerera’ muzvinhu zvese.—Jakobho 3:17.

Zvinhu Zvakaitika

19 April 2019

Imba yavo yakasechwa
18 November 2021

Vakatanga kupomerwa mhosva
26 January 2023

Nyaya yavo yakapinda mudare

NHAU DZAKABUDISWA