ਗੀਤ 6
ਅੰਬਰ ਕਰੇ ਯਹੋਵਾਹ ਦੀ ਮਹਿਮਾ
(ਜ਼ਬੂਰ 19)
-
1. ਅੰਬਰ ਨੀਲਾ ਕਰਦਾ ਮਹਿਮਾ ਯਹੋਵਾਹ
ਚੰਨ, ਸੂਰਜ ਅਰ ਤਾਰੇ
ਕਰਾਉਂਦੇ ਸਾਨੂੰ ਯਾਦ
ਉੱਚੇ ਪਹਾੜ, ਗਹਿਰੇ ਸਾਗਰ ਵਿਸ਼ਾਲ
ਗਵਾਹ ਨੇ ਤੇਰੀ ਤਾਕਤ ਦੇ
ਹੈ ਤੇਰੀ ਬੁੱਧ ਕਮਾਲ
-
2. ਤੇਰੀ ਬਾਣੀ ਹੈ ਜੀਵਨ ਜਲ ਯਹੋਵਾਹ
ਤੇਰੇ ਸ਼ਾਹੀ ਫ਼ਰਮਾਨ
ਮਜ਼ਬੂਤ ਮਨ ਨੂੰ ਕਰਦੇ
ਸੱਚਾ, ਨੇਕ ਹੈ ਤੇਰਾ ਹਰ ਫ਼ੈਸਲਾ
ਸ਼ਹਿਦ ਤੋਂ ਮਿੱਠੇ ਤੇਰੇ ਬੋਲ
ਦਿਲ ਨੂੰ ਚੰਗੇ ਲੱਗਦੇ
-
3. ਅਸੂਲ ਤੇਰੇ ਸੋਨੇ ਵਰਗੇ ਯਹੋਵਾਹ
ਤੇਰੇ ਆਦੇਸ਼ ਮੰਨ ਕੇ
ਦਿਲ ਨੂੰ ਸਕੂਨ ਮਿਲੇ
ਤੇਰੇ ਅਲਫ਼ਾਜ਼, ਯੁਗਾਂ ਤੋਂ ਹਨ ਕਾਇਮ
ਨਾਮ ਚਾਰੇ ਪਾਸੇ ਤੇਰਾ ਹੀ
ਗੁਲਾਬ ਤਰ੍ਹਾਂ ਮਹਿਕੇ
(ਜ਼ਬੂ. 111:9; 145:5; ਪ੍ਰਕਾ. 4:11 ਵੀ ਦੇਖੋ।)
