ਜ਼ਬੂਰ 111:1-10
111 ਯਾਹ ਦੀ ਮਹਿਮਾ ਕਰੋ!*+
א [ਅਲਫ਼]
ਮੈਂ ਨੇਕਦਿਲ ਲੋਕਾਂ ਦੇ ਇਕੱਠ ਅਤੇ ਮੰਡਲੀ ਵਿਚ
ב [ਬੇਥ]ਪੂਰੇ ਦਿਲ ਨਾਲ ਯਹੋਵਾਹ ਦੀ ਮਹਿਮਾ ਕਰਾਂਗਾ।+
ג [ਗਿਮਲ]
2 ਯਹੋਵਾਹ ਦੇ ਕੰਮ ਮਹਾਨ ਹਨ;+
ד [ਦਾਲਥ]ਜਿਹੜੇ ਇਨ੍ਹਾਂ ਕੰਮਾਂ ਤੋਂ ਖ਼ੁਸ਼ ਹੁੰਦੇ ਹਨ, ਉਹ ਇਨ੍ਹਾਂ ਦੀ ਜਾਂਚ ਕਰਦੇ ਹਨ।+
ה [ਹੇ]
3 ਉਸ ਦੇ ਕੰਮ ਸ਼ਾਨਦਾਰ ਅਤੇ ਬੇਮਿਸਾਲ ਹਨ
ו [ਵਾਉ]ਅਤੇ ਉਸ ਦਾ ਨਿਆਂ* ਸਦਾ ਕਾਇਮ ਰਹੇਗਾ।+
ז [ਜ਼ਾਇਨ]
4 ਉਹ ਆਪਣੇ ਹੈਰਾਨੀਜਨਕ ਕੰਮਾਂ ਨੂੰ ਯਾਦਗਾਰ ਬਣਾਉਂਦਾ ਹੈ।+
ח [ਹੇਥ]
ਯਹੋਵਾਹ ਰਹਿਮਦਿਲ* ਅਤੇ ਦਇਆਵਾਨ ਹੈ।+
ט [ਟੇਥ]
5 ਉਹ ਉਨ੍ਹਾਂ ਨੂੰ ਰੋਟੀ ਦਿੰਦਾ ਹੈ ਜਿਹੜੇ ਉਸ ਤੋਂ ਡਰਦੇ ਹਨ।+
י [ਯੋਧ]
ਉਹ ਆਪਣਾ ਇਕਰਾਰ ਹਮੇਸ਼ਾ ਯਾਦ ਰੱਖਦਾ ਹੈ।+
כ [ਕਾਫ਼]
6 ਉਸ ਨੇ ਆਪਣੇ ਲੋਕਾਂ ਨੂੰ ਕੌਮਾਂ ਦੀ ਵਿਰਾਸਤ ਦੇ ਕੇ
ל [ਲਾਮਦ]ਉਨ੍ਹਾਂ ’ਤੇ ਸ਼ਕਤੀਸ਼ਾਲੀ ਕੰਮ ਜ਼ਾਹਰ ਕੀਤੇ ਹਨ।+
מ [ਮੀਮ]
7 ਉਸ ਦੇ ਹੱਥਾਂ ਦੇ ਕੰਮਾਂ ਤੋਂ ਸੱਚਾਈ ਅਤੇ ਇਨਸਾਫ਼ ਝਲਕਦਾ ਹੈ;+
נ [ਨੂਣ]ਉਸ ਦੇ ਸਾਰੇ ਆਦੇਸ਼ ਵਿਸ਼ਵਾਸਯੋਗ ਹਨ।+
ס [ਸਾਮਕ]
8 ਉਸ ਦੇ ਆਦੇਸ਼ ਭਰੋਸੇ ਦੇ ਲਾਇਕ* ਹਨ ਅਤੇ ਹਮੇਸ਼ਾ ਰਹਿਣਗੇ;
ע [ਆਇਨ]ਉਨ੍ਹਾਂ ਦੀ ਨੀਂਹ ਸੱਚਾਈ ਅਤੇ ਧਰਮੀ ਅਸੂਲਾਂ ’ਤੇ ਟਿਕੀ ਹੋਈ ਹੈ।+
פ [ਪੇ]
9 ਉਸ ਨੇ ਆਪਣੇ ਲੋਕਾਂ ਨੂੰ ਮੁਕਤੀ ਦਿਵਾਈ ਹੈ।+
צ [ਸਾਦੇ]
ਉਸ ਨੇ ਹੁਕਮ ਦਿੱਤਾ ਕਿ ਉਸ ਦਾ ਇਕਰਾਰ ਸਦਾ ਕਾਇਮ ਰਹੇ।
ק [ਕੋਫ਼]
ਉਸ ਦਾ ਨਾਂ ਪਵਿੱਤਰ ਅਤੇ ਸ਼ਰਧਾ ਦੇ ਲਾਇਕ ਹੈ।+
ר [ਰੇਸ਼]
10 ਯਹੋਵਾਹ ਦਾ ਡਰ ਬੁੱਧ ਦੀ ਸ਼ੁਰੂਆਤ ਹੈ।+
ש [ਸ਼ੀਨ]
ਉਸ ਦੇ ਆਦੇਸ਼ਾਂ* ਦੀ ਪਾਲਣਾ ਕਰਨ ਵਾਲੇ ਡੂੰਘੀ ਸਮਝ ਦਿਖਾਉਂਦੇ ਹਨ।+
ת [ਤਾਉ]
ਉਸ ਦੀ ਮਹਿਮਾ ਸਦਾ ਹੁੰਦੀ ਰਹੇਗੀ।
ਫੁਟਨੋਟ
^ ਜਾਂ, “ਹਲਲੂਯਾਹ।” “ਯਾਹ” ਯਹੋਵਾਹ ਨਾਂ ਦਾ ਛੋਟਾ ਰੂਪ ਹੈ।
^ ਜਾਂ, “ਉਸ ਦੇ ਸਹੀ ਕੰਮਾਂ ਦਾ ਫਲ।”
^ ਜਾਂ, “ਹਮਦਰਦ।”
^ ਜਾਂ, “ਪੱਕੇ ਸਬੂਤਾਂ ਉੱਤੇ ਆਧਾਰਿਤ।”
^ ਇਬ, “ਉਨ੍ਹਾਂ।”
