സങ്കീർത്തനം 4:1-8
സംഗീതസംഘനായകന്‌; തന്ത്രിവാദ്യങ്ങളോടെ പാടേണ്ടത്‌. ദാവീദ്‌ രചിച്ച ശ്രുതിമധുരമായ ഗാനം.
4 നീതിമാനായ എന്റെ ദൈവമേ,+ ഞാൻ വിളിക്കുമ്പോൾ ഉത്തരം തരേണമേ;
കഷ്ടതയിൽ എനിക്കു രക്ഷാമാർഗം* ഒരുക്കേണമേ.
എന്നോടു പ്രീതി കാട്ടി എന്റെ പ്രാർഥനയ്‌ക്കു ചെവി ചായിക്കേണമേ.
2 മനുഷ്യമക്കളേ, എത്ര കാലം നിങ്ങൾ എന്റെ സത്‌കീർത്തിക്കു കളങ്കമേൽപ്പിച്ച്‌ എന്നെ അപമാനിക്കും?
എത്ര നാൾ നിങ്ങൾ ഒരു ഗുണവുമില്ലാത്തതിനെ സ്‌നേഹിക്കും, വ്യാജമായതിനെ അന്വേഷിക്കും? (സേലാ)
3 യഹോവ തന്റെ വിശ്വസ്‌തനോടു പ്രത്യേകപരിഗണന കാണിക്കുമെന്ന്‌* അറിഞ്ഞുകൊള്ളുക.ഞാൻ വിളിച്ചപേക്ഷിക്കുമ്പോൾ യഹോവ കേൾക്കും.
4 മനസ്സ്‌ ഇളകിമറിഞ്ഞേക്കാം; പക്ഷേ പാപം ചെയ്യരുത്‌.+
പറയാനുള്ളതു കിടക്കയിൽവെച്ച്‌ മനസ്സിൽ പറഞ്ഞിട്ട്‌ മിണ്ടാതിരിക്കുക. (സേലാ)
5 നീതിബലികൾ അർപ്പിക്കൂ!യഹോവയിൽ ആശ്രയിക്കൂ!+
6 “നല്ലത്‌ എന്തെങ്കിലും കാണിച്ചുതരാൻ ആരുണ്ട്‌” എന്നു പലരും ചോദിക്കുന്നു.
യഹോവേ, അങ്ങയുടെ മുഖപ്രകാശം ഞങ്ങളുടെ മേൽ ശോഭിക്കട്ടെ.+
7 ധാന്യവിളവും പുതുവീഞ്ഞും സമൃദ്ധമായി ലഭിച്ചവർക്കുള്ളതിനെക്കാൾ ആനന്ദംഅങ്ങ്‌ എന്റെ ഹൃദയത്തിൽ നിറച്ചിരിക്കുന്നു.
8 ഞാൻ സമാധാനത്തോടെ കിടന്നുറങ്ങും.+യഹോവേ, അങ്ങാണല്ലോ ഞാൻ സുരക്ഷിതനായി കഴിയാൻ ഇടയാക്കുന്നത്‌.+
അടിക്കുറിപ്പുകള്‍
^ അക്ഷ. “വിശാലമായ ഒരിടം.”
^ അഥവാ “തന്റെ വിശ്വസ്‌തനെ വേർതിരിക്കുമെന്ന്‌; തന്റെ വിശ്വസ്‌തനെ തനിക്കായി മാറ്റിനിറുത്തുമെന്ന്‌.”