TANY SY MPONINA | BELIZE
Fitsidihana An’i Belize
FIRENENA kely i Belize, nefa maro isan-karazany ny zavatra mahafinaritra any. Misy ala mikitroka any, ary manga manopy maitso ny ranomasina, sady misy nosy kely be dia be eny akaikin’ny morontsiraka. Vao santionany fotsiny anefa ireo.
Karazam-biby sy vorona an-jatony no misy any Belize. Anisan’izany ny tokà, ilay vorona manana vava mareva-doko. Ao koa ny tapir, biby lava orona iray tarika amin’ny tokantandroka, izay tena mahery mandeha na an-tanety na anaty rano! Hita any Belize koa ny jagoara, ary any no misy ny toeram-piarovana jagoara voalohany indrindra eran-tany.
Any Belize no misy ny toeram-piarovana jagoara voalohany eran-tany
Anisan’ny faritanin’ny foko maya i Belize taloha. Tonga ny Espaniola mpanjana-tany tamin’ny taonjato faha-16, nefa mbola tsy resy tanteraka ny Maya. Tonga koa ny Anglisy tatỳ aoriana, ka naka an-keriny an’ilay tany. Lasa zanatany anglisy àry i Belize tamin’ny 1862, ka nantsoina hoe Honduras Britanika. Nahazo fahaleovan-tena ilay firenena tamin’ny 1981.
Misy foko isan-karazany any Belize. Anisan’ny tompon-tany voalohany ny Kreôla, Indianina tatsinanana, Garifuna, Maya, ary Mestizo (metisy espaniola sy maya). Sariaka sy mahalala fomba ny olona any. Rehefa miresaka amin’ny olon-dehibe ny ankizy, dia matetika no manao hoe “Madama” na “Ramose”, sady miteny hoe “tompoko.”
Tsena ao amin’ny Tanànan’i Belize
Misy fiangonan’ny Vavolombelon’i Jehovah maro any Belize, amin’ny teny anglisy, tenim-paritra alemà, espaniola, kreôla, maya (mopán), sinoa mandarin, ary Tenin’ny Tanana Amerikanina. Olona 1 ao anatin’ny 40 no nanatrika ny Fahatsiarovana ny nahafatesan’i Kristy, tamin’ny 2013.
FANTATRAO VE? Maherin’ny 290 kilaometatra ny haran-dranomasina any Belize. Ampahan’ilay haran-dranomasina faharoa eran-tany izy io. Ny Haran-dranomasina Lehibe any Aostralia no lava indrindra eran-tany.
Misy ampahan’ilay haran-dranomasina faharoa eran-tany any Belize
Mety ho Tianao Koa
MIFOHAZA!
Fitsidihana An’i Nouvelle-Zélande
Mahatratra telo tapitrisa isan-taona ny mpizaha tany any, na dia mitokana aza ilay firenena. Fa inona no mahaliana azy ireo any?
MIFOHAZA!
Fitsidihana An’i Kazakhstan
Mpifindrafindra monina ny Kazakh fahiny, ary nipetraka tao anaty tranolay yourte. Mbola hita amin’ny fomba fiainan’ny olona any ny fomba amam-panaon’ny razambeny.
MIFOHAZA!
Fitsidihana An’i Espaina
Misy faritra samihafa sy olona isan-karazany any Espaina. Misy karazan-tsakafo iray koa tena mampiavaka azy, satria izy no firenena mpamokatra azy io eran-tany.
MIFOHAZA!
Fitsidihana An’i Kirghizistan
Malaza ho tia mandray vahiny sy manaja olona ny mponina any Kirghizistan. Ho hitanao ato ny fombafomban’izy ireo.
MIFOHAZA!
Fitsidihana An’i Liechtenstein
Inona no itiavan’ny mpizaha tany mankany amin’io firenena kely io, na fahavaratra na ririnina?
MIFOHAZA!
Fitsidihana An’i Ouzbékistan
Fantaro bebe kokoa ny momba an’i Ouzbékistan. Anisan’izany ny hoe niovaova foana ny abidy nampiasaina tany.
