Nomelohin’ny Fitsarana eo Anivon’ny Distrikan’i Pervorechensky any Vladivostok ny Ranabavy Nina Astvatsaturova, Yelena Barmakina, Ludviga Katanaeva, Yekaterina Treguba, ary Yelena Tsorn, sy ny Rahalahy Igor Lonchakov sy Yuriy Redozubov, tamin’ny 3 Febroary 2025. Nahazo sazy mihantona telo taona avy i Nina sy Yelena Barmakina ary Yelena Tsorn. Nahazo sazy mihantona telo taona sy efa-bolana kosa i Ludviga sy Yekaterina. Mbola tsy voatery higadra aloha izao ireo anabavy ireo. Voasazy higadra fito taona i Igor. I Yuriy indray voasazy higadra enin-taona sy tapany. Tonga dia nentina nankany am-ponja izy mirahalahy rehefa avy notsaraina.

Ireo voampanga

Tena mampionona antsika ny mahafantatra hoe mitahy sy mikarakara ny mpanompony tsy mivadika foana i Jehovah, ka ‘ataony manodidina azy toy ny ampinga lehibe ny fankasitrahany.’​—Salamo 5:12.

Zava-nitranga

1. 6 Aogositra 2019

   Nampangaina hoe nanao heloka bevava i Yelena Barmakina

2. 8 Jona 2020

   Nosokafana ny raharaham-pitsarana iampangana an’i Nina sy Ludviga ary Yelena Tsorn ho mpanao heloka bevava

3. 7 Jona 2020

   Nosokafana ny raharaham-pitsarana iampangana an’i Yelena Barmakina ho mpanao heloka bevava

4. 9 Jolay 2020

   Nosavana ny tranon’i Nina, Ludviga, Yelena Tsorn, ary Yuriy. Nentina hatao famotorana i Yuriy. Tsy navela hanao dia lavitra kosa i Nina sy Ludviga ary Yelena Tsorn

5. 4 Septambra 2020

   Nampangaina hoe nanao heloka bevava i Igor

6. 8 Septambra 2020

   Nampangaina hoe nanao heloka bevava i Yekaterina

7. 29 Septambra 2020

   Naverina tany amin’ny mpampanoa lalàna ny raharaha mahakasika an’i Yelena Barmakina satria tsy ampy ny porofo hoe nanao zavatra mampidi-doza izy

8. 11 Aogositra 2021

   Voampanga ho mpanao heloka bevava i Yuriy. Naverina hatramin’ny voalohany ny raharaha mahakasika an’i Yelena Barmakina, dia natambatra ho lasa iray daholo ny raharaha mahakasika an-dry zareo

9. 28 Septambra 2022

   Nanomboka ny fitsarana