Zekaria 10:1-12
10 “Kwauru Jehova koth e ndalo opon.
Jehova e ma kelo boche polo,En e ma omiyo koth chwenegi,+Kendo omiyo gik moko twi e piny ne ji duto.
2 Nimar terafim* osewacho miriambo;*Kendo jokor wach oseneno fweny mag miriambo.
Giwacho mana lek manono,Kendo gihoyo chuny ji kayiem nono.
Mano e momiyo gibiro wuotho koni gi koni ka rombe.
Gibiro chandore nikech gionge jakwath.
3 Iya osewang’ gi jokwath,Kendo abiro ng’ado bura ne jotelo* ma sando ji;Nimar Jehova Nyasach oganda lweny oseparo joge,+ oseparo Jo-Juda,Kendo osemiyo gibedo mana ka faresene mag lweny.
4 Jatelo* a kuome,Jaloch* a kuome,Atung’ mar kedo a kuome;Jorit duto bende a kuome, giduto gia kuome.
5 Ginibed mana kaka jolweny molony,Gibiro nyono chuodho manie nderni sa ma gikedo.
Gibiro kedo nikech Jehova ni kodgi;+Kendo joidh farese biro yudo wich-kuot.+
6 Abiro miyo Jo-Juda obed gi teko mang’eny,Kendo abiro reso joka Josef.+
Abiro duokogi,Nikech abiro kechogi;+Kendo gibiro chalo mana ka jo ma ne pok ajwang’o;+Nimar an Jehova Nyasachgi kendo abiro dwoko kwayogi.
7 Jo-Efraim biro chalo gi jalweny ma thuon,Kendo chunygi noil mana ka jo ma omadho divai.+
Yawuotgi biro neno mano mi ginibed mamor;Chunygi biro bedo moil nikech Jehova.+
8 ‘Abiro liyonegi mondo achokgi kanyachiel;Nimar abiro warogi,+ kendo ginimedre,Ee, ginimedre ameda.
9 Kata obedo ni ne akeyogi mana ka kodhi e kind ogendni,Pod gibiro para ka gin kuonde maboyo;Gibiro yudo teko gin kaachiel gi nyithindgi mi giniduogi.
10 Abiro gologi e piny MisriAbiro chokogi mi agolgi Asuria;+Abiro kelogi nyaka e piny Gilead+ kod Lebanon,Ok giniyud ka ma romogi giduto.+
11 Obiro ng’ado nam gi chandruok;Kendo obiro goyo apaka manie nam;+Kuonde matut duto mag Nael biro duono.
Ibiro tiek sunga mar Jo-Asuria,Kendo ludh loch mar Misri biro lal nono.+
12 Gibiro bedo gi teko nikech Jehova,+Kendo gibiro wuotho e nyinge,’+ Jehova owacho.”
