Mika 7:1-20
7 Yaye! Achalo mana gi ng’at,Ma ka osechok olembe mag oroKendo ka osehul mzabibu bang’ keyo,To oyudo ka koro onge mzabibu minyalo cham,Kendo onge ng’owo mokwongo chiek ma ne chunye gombo.
2 Ng’at mohero adiera oselal e wang’ piny;Onge ng’at ma timbene tir e kind ji.+
Giduto gibuto mondo gichuer remo.+
Ng’ato ka ng’ato ochiko ne owadgi obadho.
3 Lwetegi olony e timo gik maricho;+Jatelo kwayo mich,Jang’ad bura kwayo asoya,+Ng’at ma rahuma to kwayo gimoro amora ma chunye dwaro,+Kendo giduto giriwore kanyachiel.
4 Ng’atgi maberie moloyo chalo mana gi kuthe,Ng’atgi ma timbene tir rach moloyo chiel mar kuthe.
Odiechieng jorito maggi kod ming’adonie bura nochopi.+
Eka luoro maduong’ biro makogi.+
5 Kik igen osiepniKata geno osiepi machiegni kodi.+
Tang’ ahinya gi weche ma iwacho ne ng’at ma nindo e kori.
6 Nikech wuoyi ochayo wuon-gi,Nyako piem gi min-gi,+Chi wuoyi piem gi min chwore;+Wasik ng’ato gin mana joode owuon.+
7 An to, abiro chomo wang’a kuom Jehova.+
Abiro hora ka arito Nyasach warruokna.+
Nyasacha biro winja.+
8 Yaye jasika, kik inyiera.
Kata obedo ni apodho, abiro chung’;Kata obedo ni adak e mudho, Jehova nobedna ler.
9 Abiro yie gi mirimb Jehova—Nimar asekethone+—Nyaka chop oyal bucha mi ong’adna bura makare.
Obiro tera oko e ler;Abiro neno timbene makare.
10 Jasika bende biro neno mano,Kendo wich-kuot biro mako ng’at ma nopenja niya:
“Ere Jehova Nyasachi?”+
Wang’a biro range.
Ibiro nyone mana ka chuodho manie ndara.
11 Enobed odiechieng’ migeroe ohinga magi gi kiteE odiechiengno ibiro chor kiewo mar piny.*
12 Chieng’no ginibi iriKa gia Asuria kod e mier madongo mag Misri,Gibiro a Misri nyaka e Aora;*Gibiro e nam achiel nyaka machielo, kendo e got achiel nyaka machielo.+
13 To piny nodong’ gunda nikech jo ma odakie,Ee, nikech gik ma gisetimo.
14 Kwa jogi gi ludhi, kueth ma gin mwanduni,+Ng’at ma ne odak kar kende e dier bungu—e kind yiende.
Gikwa e Bashan kod Gilead+ kaka chon.
15 “Abiro nyise gik madongo miwuoro,+Mana kaka e ndalo ma ne iwuok e piny Misri.
16 Ogendni biro neno mano kendo wich-kuot nomakgi kata obedo ni gin gi teko.+
Gibiro keto lwetgi e dhogi;Itgi nodinre.
17 Gibiro nang’o lowo mana ka thuol;+Gibiro wuok kuonde ma gipondoe ka gitetni mana kaka le ma lak.
Ginibi ir Jehova ka gikirni,Kendo giniluori ahinya.”+
18 Be nitie Nyasaye ma chalo kodi,Ma weyo richo kendo ma ng’wono+ ne joge modong’?+
Ok obi siko gi mirima nyaka chieng’,Nimar ohero kecho ji.+
19 Obiro kechowa+ kendo; obiro loyo richowa.
Ibiro wito richogi duto e bwo nam.+
20 Ininyis Jakobo kaka in jadiera,Iniher Ibrahim gi hera mosiko,Mana kaka ne ikuong’ori ne kwerewa e ndalo machon.+
