Mika 3:1-12
3 Nawacho niya: “Winjuru, asayou, un jodong joka JakoboKod un jotend Jo-Israel.+
Donge onego ung’e ni gima kare en ang’o?
2 Un to usin gi gik mabeyo+ kendo uhero gik maricho;+Udang’o joga kendo ugolo ring’o e chokegi.+
3 Bende, uchamo ringre joga+Kendo udang’o pien dendgi,Uturo chokegi, utoyogi matindo tindo,+Mana ka gima itedogi e agulu, ka ring’o mitedo e agulu.
4 E kindego, gibiro ywak ne Jehova mondo okonygi,To ok obi dwokogi.
Obiro pandonegi wang’e e kindego,+Nikech timbegi maricho.+
5 Ma e gima Jehova owacho e wi jonabi ma lalo joga,+Ma kok matek ni, ‘Kuwe!’+ to e sechego gikayo* gik moko gi lekegi+Kendo gikoro lweny ne ng’at ma ok oketo gimoro e dhogi:
6 ‘Unubed gi otieno;+ ok unune fweny moro amora;+Unubed mana gi mudho, ok unuyud wach moa kuom Nyasaye.
Chieng’ biro podho kuom jonabi,Odiechieng’ nobednegi mana mudho.+
7 Jo ma neno fweny noyud wich-kuot,+Jokor wach biro dhier nono.
Giduto gibiro umo dhogi,Nikech Nyasaye ok bi miyogi dwoko moro amora.’”
8 An to, roho mar Jehova osepong’a gi teko,Timbe makare kod chir,Mondo anyis Jakobo kethone, to Israel richone.
9 Winjuru, asayou, un jodong joka JakoboKod un jotend Jo-Israel,+Mochayo adiera kendo ma gwenyo gik makare,+
10 Ma chuero remo mondo oger Sayun, kendo Jerusalem gi timbe ma ok kare.+
11 Jotende ng’ado bura mondo giyud asoya,+Jodolo mage puonjo ji mondo ochulgi,+Kendo jonabi mage koro wach mondo giyud pesa.+
To pod gisirore kuom Jehova, ka giwacho niya:
“Donge Jehova ni kodwa, koso?+
Onge masira ma biro yudowa.”+
12 Ibiro pur Sayun ka puodho,Mana nikech un,Ibiro keth Jerusalem modong’ pidhe,+Kendo got mogerie hekalu biro chalo gi kuonde moting’ore malo e i bungu.+
Weche Moler Piny
^ Kata nyalo bedo, “sa ma gin gi gima ginyalo chamo.”
